زانکۆی پۆلیتەکنیکی ھەولێر
 | ئەم وتارە بۆ سەلماندن پێویستی بە ئاماژەی زیاتر بە سەرچاوەکان ھەیە. (فێربە کەی و چۆن ئەم داڕێژەیە لابەریت) |
| زانکۆی پۆلیتەکنیکی ھەولێر | |
|---|---|
 | |
| بە لاتینی: Erbil Polytechnic University | |
| دامەزراندن | ١٩٩٦ |
| جۆر | زانکۆی گشتی |
| سەرۆکی زانکۆ | ئیدریس محەممەدتاھیر ھەرکی |
| شوێن | ھەولێر, پارێزگای ھەولێر,  عێراق |
| ماڵپەڕ | www |
زانکۆی پۆلیتەکنیکی ھەولێر (بە ئینگلیزی: Erbil Polytechnic University، بە عەرەبی: جامعة أربيل التقنية) زانکۆی پۆلیتەکنیکی گشتییە لە ھەولێر، کوردستان کە لە ١٩٩٦ دامەزرا.[١] زانکۆکە لەلایەن وەزارەتی خوێندنی باڵا و توێژینەوەی زانستی، حکوومەتی ھەرێمی کوردستان و وەزارەتی خوێننی باڵا و توێژینەوەی زانستیی عێراق پشتڕاست کراوەتەوە.
دامەزراندن
[دەستکاری]زانکۆی پۆلیتەکنیکی ھەولێر یەکەمین دامەزراوەی ئەکادیمیی تەکنیکییە لە ھەولێر و لە ساڵی ١٩٩٦ لەژێر ناوی «دەستەی پەیمانگا تەکنیکییەکان» دامەزراوە، و دواتر بوو بە «دەستەی خوێندنی تەکنیکی» و لە ساڵی ٢٠١٢ کرا بە «زانکۆی پۆلیتەکنیکی ھەولێر».
سەنتەری توێژینەوە
[دەستکاری]زانکۆی پۆلیتەکنیکی ھەولێر گرنگی تەواو بە توێژینەوەی زانستی دەدات و سەنتەرێکی تایبەتی بەناوی «سەنتەری توێژینەوە» دامەزراندووە. سەنتەری توێژینەوە پێنج بەش لەخۆی دەگرێت ئەوانیش: (بایۆمێدیکەڵ، ئەندازیاری، تەکنۆلۆژیای زانیاری، کشتوکاڵ، و زانستە مرۆڤایەتییەکان). کاری ئەم سەنتەرە پێشخستن و ھاندان و پشتگیریی توێژەرەکانی زانکۆی پۆلیتەکنیکی ھەولێرە بۆ ئەوەی داھێنان ئەنجام بدەن لە لێکۆڵینەوەکانیان. کارێکی دیکەی ئەم سەنتەرە، کردنەوەی خولی فێربوونە و پەرەپێدانی تواناکانە لە بابەتە جیاجیاکاندا.
بڕوانامەکان
[دەستکاری]زانکۆی پۆلیتەکنیکی ھەولێر ناوەندێکی زانستی ئەکادیمیی حکوومیی سوودنەخوازە، ئامانجی پێگەیاندنی کادری تەکنیکی ناوەندییە لە پسپۆڕییە جیاوازەکاندا؛ و بڕوانامەی دیپلۆم، بەکالۆریۆس، ماستەر و دیپلۆمی باڵا پێشکەش دەکات.
کارمەندان و قوتابییان
[دەستکاری]زانکۆی پۆلیتەکنیکی ھەولێر ٣٧ پسپۆڕی جیاواز، نزیکەی ١١٬٠٠٠ قوتابی، و ٥٠٠ مامۆستای بە بڕوانامەی ماستەر و دکتۆرا ھەیە، و زیاتر لە ١٨٦٥ کارمەندی تەکنیکی و ئیداری لە ١١ دامەزراوەی جیادا ھەیە کە دابەشبوونە بەسەر تەواوی شار و شارۆچکەکانی پارێزگای ھەولێر.
کۆلێژ و پەیمانگاکان
[دەستکاری]کۆلێژەکان
[دەستکاری]- کۆلێژی تەکنیکیی ئەندازیاریی ھەولێر
- کۆلێژی تەکنیکیی تەندروستی و پزیشکیی ھەولێر
- کۆلێژی تەکنیکیی کارگێڕیی ھەولێر
- کۆلێژی تەکنۆلۆژیای ھەولێر
- کۆلێژی تەکنیکیی شەقڵاوە
- کۆلێژی تەکنیکیی سۆران
پەیمانگاکان
[دەستکاری]- پەیمانگای تەکنیکیی پزیشکی ھەولێر
- پەیمانگای تەکنیکیی خەبات
- پەیمانگای تەکنیکیی کارگێڕی ھەولێر
- پەیمانگای تەکنیکیی کۆیە
- پەیمانگای تەکنیکیی چۆمان
سەرچاوەکان
[دەستکاری]- ^ «زانکۆی پۆلیتەکنیکی ھەولێر - ڕیزبەندی و پێداچوونەوە». www.4icu.org. لە ڕەسەنەکە لە ٨ی کانوونی یەکەمی ٢٠١٧ ئەرشیڤ کراوە. لە ٢٥ی ئایاری ٢٠١٨ ھێنراوە.
- بەشداربووانی ویکیپیدیا، «Erbil Polytechnic University»، ویکیپیدیای ئینگلیزی. سەردان لە ٢٥ی ئایاری ٢٠١٨.
بەستەرە دەرەکییەکان
[دەستکاری]- زانکۆی پۆلیتەکنیکی ھەولێر لە فەیسبووک
- وێبگەی فەرمی (کوردی)
- وێبگەی فەرمی (ئینگلیزی)
 |
|  | |
| ئەم زانکۆکانی کوردستان وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
- Pages using the JsonConfig extension
- Pages using Lang-xx templates
- وتارەکان بە بەستەرە دەرەکییەکان بە زمانی کوردی
- وتارە کورتەکانی زانکۆکانی کوردستان
- زانکۆکانی باشووری کوردستان
- دامەزراوە پەروەردەیییەکانی دامەزراوی ١٩٩٦
- فێرکاری لە عێراق
- دامەزراندنەکانی ١٩٩٦ لە ئاسیا
- دامەزراندنەکانی ١٩٩٦ لە عێراق
- زانکۆ کوردیەکان