ڕۆبەرت دی نیرۆ

لە ئینسایکڵۆپیدیای ئازادی ویکیپیدیاوە
(ڕەوانەکراوە لە ڕۆبەرت دێ نیرۆەوە)
Jump to navigation Jump to search
ڕۆبەرت دی نیرۆ
دی نیرۆ لە فیستیڤاڵی فیلمیی کان، ٢٠١٦.
لەدایکبوونڕۆبەرت ئانتنی دی نیڕۆ جونیەر
(1943-08-17) ١٧ی ئابی ١٩٤٣ (تەمەن ٧٦)
نیویۆڕک ستی، ویلایەتە یەکگرتووەکانی ئەمریکا.
ھاووڵاتی
  • ئەمریکی
  • ئیتاڵی
پیشەئەکتەر، دەرھێنەر، بەرھەمھێنەر
ساڵانی چالاکی١٩٦٣ - تا ئێستا
ھاوسەردایان ئابۆت (ھاوسەرگیری ١٩٧٦–جیابوونەوە ١٩٨٨)
گرەیس ھای تاوەر (ھاوسەرگیری ١٩٩٧–٢٠١٨)
منداڵەکان٦

ڕۆبەرت ئانتنی دی نیڕۆ جونیەر (لەدایکبووی ١٧ی ئابی ١٩٤٣) ئەکتەر، بەرھەمھێنەر و دەرھێنەرێکی ئەمریکییە. ئەو وەرگری دەیان خەڵاتی جۆراوجۆرە، لەنێویاندا دوو خەڵاتی ئۆسکار، یەک خەڵاتی گۆڵدن گڵۆب لەپاڵ خەڵاتی ڕێزلێنانی سیسیل بی دیمیل و خەڵاتی پەیمانگای فیلمی ئەمریکی AFI، ھەروەھا شەش جار بۆ خەڵاتی بافتا و جوار جار بۆ خەڵاتی ئێمی و ساگ پاڵێوراوە. دی نیرۆ خاوەن پاسەپۆڕتی ئیتاڵیشە.

یەکەمین ڕۆڵە دیارەکانی دی نیرۆ لە ھەردوو فیلمی Bang the Drum Slowly (١٩٧٣) و Mean Streets (١٩٧٣) بوون. دواتر بۆ ھەردوو فیلمی Taxi Driver (١٩٧٦) و Cape Fear (١٩٩١) کە ھەردووکی لە دەرھێنانی سکۆرسێزی بوون، دووبارە بۆ خەڵاتی ئۆسکار پاڵێورایەوە. دی نیرۆ ڕۆڵی ڤیتۆ کۆرلیۆنێی گەنجی پێدرا لە فیلمی The Godfather Part II (١٩٧٤)، کەوا توانی بەو ڕۆڵەی خەڵاتی ئۆسکار بۆ باشترین ئەکتەر بباتەوە. دووەم خەڵاتی ئۆسکاری بۆ فیلمی Raging Bull (١٩٨٠) لە دەرھێنانی ماڕتن سکۆڕسێزی کە تێیدا ی نیرۆ ڕۆڵی جەیک لامۆتای دەبینی تێیدا. دی نیرۆ بەردەوام بوو لە کاروانی ئۆسکار تاکو دووبارە بۆ خەڵاتی پاڵێوراوە ئەمجارە بۆ فیلمی The Deer Hunter (1978), Awakenings (١٩٩٠), لەگەڵ فیلمی Silver Linings Playbook (٢٠١٢). بۆ ڕۆڵەکانی لە فیلمی ھاوڕێیە چاکەکان (١٩٩٠) و پاشای کۆمێدی (١٩٨٣) دوو پاڵاوتنی خەڵاتی بافتا بەدەستھێنا.

ڕۆڵە دیارەکانی تری پێکاتوون لە Midnight Run (١٩٨٨), و فیلمی کۆمێدیای تاریکی Analyze This (١٩٩٩), و فیلمی کۆمێدی Meet the Parents (٢٠٠٠)، The Last Tycoon (1976), Once Upon a Time in America (1984), Brazil (1985), The Mission (1986), The Untouchables (1987), Heat (1995), Casino (1995), Ronin (١٩٩٨), جۆکەر (٢٠١٩), و ئێرلەندیەکە (٢٠١٩). ھەروەھا کاری دەرھێنانی بۆ فیلمەکانی A Bronx Tale (١٩٩٣) و فیلمی سیخوڕی The Good Shepherd (٢٠٠٦) کردووە.

ژیانی سەرەتایی[دەستکاری]

دی نیرۆ لە شاری نیویۆرکی ئەمریکا لە دایک بووە. دایکی شێوە کێش و نەقاشێکی ئەڵمانی-فەڕەنسی و بە ڕەگەز ھۆلەندی بە ناوی ڤیرجینیا ئادمیراڵ بووە. باوکیشی ھەروەھا نەقاشێک بووە و بە ڕەگەز ئیتاڵی-ئیرلەندی، بە ناوی ڕۆبێرت دێ‌نیرۆ-ئێس‌ئاڕ.

دایک و باوکی کاتێ زۆر ساویلکە بووە لە یەک جودا بوونەتەوە و دێ‌نیرۆ لە گەڕەکی بچووکی ئیتاڵیەکان لە مەنھەتەن گەورە بوو.

لەبەر جستەی بچووک و بێ‌ڕەنگی سەروچاوی، لە مناڵیدا پێیان ئەوت بابی مێڵک. دی نیرۆ لەپێش دا پێی خۆش بوو بڕواتە خوێندنی ھونەر لە Little Red School House بەڵام دواتر دایکی لە The School of Performing Arts ناوی نووسی. ھەر ئەو خوێندنگەی وا ئەکتەری فیلمەکانی باوکی ئایینی‌ش پێوە بوو درێژە بە خوێندنی تێدا بدات. لە تەمەنی ١٣ساڵیدا دەر کرا و لە شەقامەکانی شار دەگەڵ پۆڵێک لاوانی ھاوتەمەنی خۆی بەڕەڵاییان ئەکرد. دێ‌نیرۆ ئەوەندەی پێی خۆش بوو بڕواتە کۆلێجی ھۆنەرەجوانەکانی ستێلا ئادلێر (لای خۆش بوو بڕواتە ستۆدیۆی ئەکتەری لی ستراسبێرگ.

ژیانی ھونەری[دەستکاری]

یەکەمین فیلمی دێ‌نیرۆ لە ساڵی ١٩٦٣ لە تەمەنی ٢٠ساڵیدا بە ھاوکاری دەگەڵ برایان دی پاڵما بە ناوی جەژنی زەماوەند درووست کرا ئەگەرچی فیلمەکە ھەتا ساڵی ١٩٦٩ نەڕۆشتە سەر پەردە. زیاتری تەمەنی لە ساڵانی ٦٠دا بە کار کردن لە سەر شانۆکان ڕابرد. لە ١٩٧٨ لە فیلمی ڕاوچی ئاسک (The Deer Hunter) دەوری بینی وەک قارەمانێکی شەڕی ڤیەتنام کە بۆ ئەوە بوو پاڵێوراوی خەڵاتی ئۆسکاری باشترین ئەکتەر. دێ نیرۆ دوو جار خەڵاتی ئۆسکاری بردۆتەوە: جاری یەکەم ساڵی ١٩٧٤ وەک ئەکتەری یاریدەدەر لە شاکارەکەی فرانسیس فۆرد کۆپۆڵا باوکی ڕۆحی ٢ (The Godfather Part II) و جاری دووەم وەک ئەکتەری سەرەکی لە ڕۆڵیجەیک لامۆتالە فیلمی Raging Bull لەگەڵ مارتن سکۆرسێزی. ساڵی ١٩٨٤ بەشداری کرد لە فیلمی ڕۆژێک لە ڕۆژان لە ئەمریکا (Once Upon a Tme in America) کە داستانێکە یان ڕووداوێکە دەربارەی ھاوڕییەتی و خۆشەویستی پەنجا ساڵی نێوان پاڵەوانەکانی فیلمەکە دەدوێ. دوای بینینی دەوری یاریکەرێکی بەیسباڵ لە فیلمی ھێدی لە تەبڵەکە دە (Bang the Drum Slowly) لە ١٩٧٣دا ناو جەماوەر شوێنی تایبەتی خۆی دۆزیوە. ھەر لەو ساڵەدا ھاوکاری پڕئەنجامە‌کەی دەگەڵ سکۆرسیزی دەست‌پێ کرد بە بینینی دەوری لە فیلمی شەقامە پڕ تاوانەکان Mean Streets. لە ساڵی ١٩٧٤ بە بینینی دەوری سەرەکی لە فیلمی باوکی ڕۆحی The Godfather:Part II وەک سەردەمی لاوی ڤیتۆ کۆرلیۆن، لە دەرھێنانی فرانسیس فۆرد کۆپلا، ئەگەرچی تاقی‌کرابوە بۆ دەوری سۆنی کۆرلێۆنێ، مایکڵ کۆرلێۆنێ و کارلۆ ڕیزی لە بەشی یەکەمی باوکی ڕۆحیدا. زانستەکەی یەکەمین خەڵاتی ئۆسکاری بۆ دیاری ھێنا بۆ باشترین ئەکتەری پشتگیریکار، ئەگەرچی لە مەراسیمەکەدا کۆپلای دەرھێنەر لە جیاتی ئەو خەڵاتەکەی وەرگرت. دێ‌نیرۆ یەکەمین بەرندەی خەڵاتی ئۆ‌سکار بوو وا لە فیلمەکەدا بە زمانی ناوچەیەکی بیانی قسەی ئەکرد، زیاتر بە زاراوەی سیسیلی و چەن وشەیەک بە ئینگلیزی. دێ‌نیرۆ و مارلۆن بڕاندۆ تەنیا دوو کەسێک بوون وا بوونە براوەی خەڵاتی ئۆسکار بن بۆ بینینی ڕۆڵی ھەمان کەسایەتی فیلمێک.

دی نیرۆ لەساڵی ١٩٨٨.

ناوبانگی ڕاستەقینەی ئەکتەری ناوبراو ئەو کاتە بە تەواوی دەرکەوت کاتێک ساڵی ١٩٧٢ لەگەڵ دەرھێنەری ناسراوی بواری سینەما مارتن سکۆڕسێزی ڕێکەوت بۆ چەند فیلمێک، کە ئەو نزیکیەی نێوانیان بۆ ماوەی سێ گرێبەست بەردەوام بوو، ئەوان یەکەم کاریان بەیەکەوە بە Taxi Driver واتا شوفێری تەکسی دەست پێکرد ساڵی ١٩٧٦، پاشان بە Raging Bull ساڵی ١٩٨٠.

دی نیرۆ لە زۆرینەی فیلمەکانی دەوری کەسێک خاوەن کێشەی دەروونی بینیوە. بە تایبەت فیلمی شۆفیری تاکسی Taxi Driver بۆ دێ‌نیرۆ و نەخشاندنی بێ‌وێنەی نەخشەکەی، ھەتا ھەمیشە ناوی دێ‌نیرۆی پە‌یوەنددا بەو وتەی بە ناو بانگەکەی لە ناو فیلمەکەدا، "لەگەڵ منت بوو؟ (You talkin' to me). لە ساڵی ١٩٧٦ دەگەڵ ژێڕاڕد دێپاردیۆ لە فیلمێکی ژیاننامەییدا کە لە سەردەمی جەنگی جیھانی دووەم ڕوو ئەدا دەوریان بینی بە ناوی ساڵانی ١٩٠٠ (Novecento) لە دەرھێنانی بێرناردۆ بێرتۆلوچێلی کە باسی وێنەی منداڵی ھەتا پیری دوو کەسی ئیتاڵی لە دوو چینی کۆمەڵی جیاوازی دەکا.

کارەکانی دوایی[دەستکاری]

بەرپرسیار بوونی دی نیرۆ بۆ ڕۆڵەکانی کە لە شێوازی ئەکتەریە تایبەتەکەی سەرچاوەی ئەگرت، بوو بە ھۆی ستایشێکی فراوانی. دی نیرۆ ٢٧کیلۆ کێشی خۆی زیاد کرد و ھەروەھا فێر بوو چۆن باکس بکات بۆ نواندنی دەوری جەیک لامۆتا لە فیلمی گای تووڕە (Raging Bull)؛ ددانەکانی خۆی تیژ کرد بۆ فیلمی (Cape Fear)؛ ماوەی ٦مانگ لە سیسیل ژیانی بردە سەر بۆ باوکی ئایینی٢(The Godfather Part II)؛ ٣مانگ وەک شۆفیڕی تاکسی ئیشی کرد بۆ فیلمی شۆفیڕی تاکسی (Taxi Driver) و فێر بۆ چۆن ساکسیفۆن بژەنێ بۆ فیلمی نیۆیۆرک-نیۆیۆرک. شێوازە تایبەتەکەی دێ‌نیرۆ بۆ ئەکتەری ئەوە بوو کە لە تەواو تاکتیک و ھەستەکان و ئامێرەکانی وا توانای ھەبوو کەڵکی وەر ئەگرت. ھەر بۆیە بۆ نمونە لە فیلمی شۆفیڕی تاکسی لە سیناریۆ لای ئەدا بە زانین و بە شێوازی خۆی کایەی ئەکرد و بە فراوانیش لە لایەن دەرھێنەرەوە پەسند ئەکرا.

دی نیرۆ لە فیستیڤاڵی فیلمی کان، ٢٠١١.

دی نیرۆ بەشداربووە لە چەندین فیلمی کۆمێدیش لەنێویاندا ھەڵاتنی نیوەشەو Midnight Run لە ١٩٨٨، کاتی نمایش Showtime لە ٢٠٠٢، دوانەی سەرکەوتووی ئەمە لێکدەوە (Analyze This)لە ١٩٩٩ و ئەوە لێکدەوە (Analyze That)لە ٢٠٠٢، ھەروەھا دوانی سەرکەوتووی شادبوون بە خێزانەکە (Meet the Parents) لە ٢٠٠٠ و شادبوون بە خێزانی فۆکەرەکان (Meet the Fockers)لە ٢٠٠٤ و فۆکەرە بچووکەکان (Little Fockers) لە ٢٠١٠.

لە ١٩٩٥دا دێ‌نیرۆ لە فیلمێکی پۆلیسی (Heat) لە دەرھێنانی مایکڵ مان، لەگەڵ ھاوڕێ و ئەکتەری دێرین ئەل پاچینۆ پێکەوە ڕۆڵ دەبینین و سەرنجی ڕەخنەگرانیان بۆ لای خۆیان ڕاکێشا ئەو دوو ئەکتەرە بە ناو بانگە لە فیلمی باوکی ئایینی٢دا پێکەوە دەوریان بینیوە بەڵام لە چ دیمەنێکا پێکەوە نەبوون. بەڵام لەم Heatدالە چەند دیمەنێکدا پێکەوەن. فیلمەکانی دواتری دی نیرۆ پێکھاتبوون لە ڕۆڵی لویس گارا لە فیلمی جاکی بڕاون لە دەرھێنانی کوێنتین تارانتینۆ. و فیلمەکانی Men of Honor (٢٠٠٠)، Stardust (٢٠٠٧) و شادبوونەوەی لەگەڵ ئال پەچینۆ بۆ فیلمێکی تری پۆلیسی بەناوی کوشتنی پاک (Righteous Kill). چوارەمین فیلمیان بەیەکەوە فیلمی ئێرلەندیەکە (The Irishman) بوو کە تێیدا دی نیرۆ ڕۆڵی فڕانک شیڕن دەبینێت تێیدا و دووبارە پێشوازیەکی گەرمیان لێکرا لەلایەن ڕەخنەگرانەوە. ھەروەھا دی نیرۆ لە ڕۆڵی موڕەی فڕانکلیندا دەرکەوت لە فیلمی جۆکەر (٢٠١٩).

دەرھێنانی فیلم[دەستکاری]

لە ١٩٩٣دا دێ‌نیرۆ فیلمێکی درووست کرد بە ناوی چیرۆکێکی بڕۆنکس(A Bronx Tale)، کە تێدا باس لە سەردەمی مناڵی کوڕێک دەکرێ لە ٧٠ساڵ پێش ئێستا لە نیۆیۆرک‌دا و پەیوەندیەکانی دەگەڵ تاوانبارێکی گەڕەک بە ناوی سانی. دێ‌نیرۆ بۆخۆی لە فیلمەکەدا وەک باوکی مناڵەکە دەور ئەبینێت.

ئیتر تا ساڵی ٢٠٠٦ فیلمێکی دەرنەھێنا. لەو ساڵەدا فیلمێکی دروست کرد بە کایەی مات دەیمن و ئانجێلینا جۆلی، سەبارەت بە چەن و چوونەکانی ناو دەزگای ھەواڵگریی ناوەندی (CIA) لە سەردەمی جەنگی جیھانی دووەم و شەڕی سارد، لە دیتنی کاربەدەستێکی باڵاوە. دێ‌نیرۆ بۆخۆی ھەر دیسان لە فیلمەکەدا دەوری بینیوە وەک جەنەڕاڵێک.

لە ھەردوو فیلمەکەی‌دا پەیوەندی دەگەڵ ژنانی ڕەش‌پێست ھەبووە. لە دونیای ڕاستی‌دا بۆخۆی دەگەڵ چەن ژنی ئەفریقی پەیوەندی ڕۆمانسی ھەبووە.

ڕۆبێرت دێ‌نیرۆ دەگەڵ ژنەکەی

ژیانی تایبەت[دەستکاری]

دێ‌نیرۆ لە ساڵی ١٩٨٩ بەم لاوە لە شاری نیۆیۆرک ژیاوە قەد بۆی نەکراوە بە تەواوی لە لۆس‌ئانجلێس ژیان بەرێتە سەر. ھەربۆیە لە نیۆیۆرک لە چەند شوێنی وەک ڕێستورانت و ھۆتێل سەرمایەی داناوە.

لە ساڵی ١٩٩٧دا دێ‌نیرۆ بۆ جاری دووھەم ژیانی ھاوسەری پێک ھێنا. ژنەکەی ناوی گرەیس ھایتاوێر و ھەتا ئێستاش ھەر پێکەوەن. ئێستا لە شوێنەک لە نزیکی نیۆیۆرک ژیان ئەبەنە سەر. کۆڕەکەیان بە ناوی ئێلیە تلە ساڵی ١٩٩٨دا ھاتە دونیا. جگە لە ئێلیەت، دی نیرۆ کۆڕێکی تری ھەیە لە ژنەکەی پێشووی. ھەروەھا دی نیرۆ کچی ژنەکەی پێشووی لە شووی پێشووی وەرگرتە. ھەروەھا دوانەیەکی کوڕی ھەیە بە ناوی جوولیان و ئارۆن لە پەیوەندیەکی لە ڕابردووی دووردا دەگەڵ ژنێکی مۆدێل.

لە ساڵی ٢٠٠٣دا زانی کە شێرپەنجەی پڕۆستاتی ھەیە، بەڵام بە ھۆی زوو پێزانین و ھەروا باری باشی لەشی، بۆ چارە سەرکردنی تووشی کێشە نەبوون و ئێستا بەری نەخۆشینەکە تا ڕادەیەکی زۆر گیراوە. باوکی دێ‌نیرۆ لە ١٩٩٣ و لە تەمەنی ٧١ساڵیدا بە ھۆی شێرپەنجە تێدا چوو.

لە ساڵی ١٩٩٨دا لە درێژەی فیلمێکدا لە فڕەنسا، دێ‌نیرۆ لە لایەن پۆلیسی ئەو وڵاتە بۆ ماوەی ٨کاتژمێر دەست‌بەسەر کرا و پرسینەوەی زۆری لێ‌کرا. دواتر ئازاد بوو و بە ڕۆژنامە‌ی لۆمۆند (Le Monde)، ڕۆژنامە بەناوبانگەکەی فەڕنسا وت: "ئیتر قەد ناگەڕێمەوە بو فەڕەنسا، تەنانەت بە ڕفێقەکانیشم دەڵیم کە بۆ فەڕنسا نەیێن. " دواتر دادوەری ئەو دۆسیە وتی کە دێ‌نیرۆ وەک شایەت پرسیاری لێ‌کراوە نە وەک تاوانبار. لە فیستیڤاڵی فیلمیی ڤێنیس لە ساڵی ٢٠٠٤، وا بڕیاریان دە کە ھاووڵاتی بوونی ئیتاڵی پێشکەش بکەن بە دێ‌نیرۆ. بەڵام سەرۆک وەزیرانی کاتی ئیتاڵی، سیلڤیۆ بێرلۆسکۆنی دژی ئەو بڕیارە وتی کە دێ‌نیرو بە بینینی دەوری تاوانباران ئیتاڵی و ئیتاڵێ-ئەمریکییەکان لەو فیلمانەدا شێوەیەکی ناشیرینی لە ئیتاڵی پیشان جەماوەری دونیا داوە. دوای ھێندە کێشە لە لایەن وەزیری کلتوور و فەرھەنگەوە خەڵاتی ھاووڵاتی بوونی ئیتاڵی پێ‌بەخشرا.

دی نیرۆ لە سیاسەتی ئەمریکادا لایەنگری حیزبی دیمۆکراتە. لە ٢٠٠٠دا پاڵپشتی ئەل‌گۆر بوو. لە ٢٠٠٤دا پاڵپشتی لە جۆن کێری کرد. لە ٢٠٠٨دا لە ھیلاری کلینتۆن و باڕاک ئۆباما پاڵپشتی ئۆبامای کرد. لەدوای دەستبەکاربوونی دۆناڵد تڕەمپ وەک سەرۆکی ئەمریکا، دی نیرۆ یەکێک بووە لە ڕەخنەگرە گەورەکانی سەرۆکی ناوبراو.

فیلمۆگرافیا[دەستکاری]

ناو ساڵ ڕۆڵ دەرھێنەر تێبینی سەرچاوە
Encounter ١٩٦٥ برازاکە نۆرمان س. چایتن کورتە فیلم
Three Rooms in Manhattan Client at the dinner مارسێل کارن باسنەکراو
Les Jeunes Loups ١٩٦٨ Client at the club Chez Popov
Greetings جۆن روبن برایەن دی پالما
Sam's Song ١٩٦٩ سام جۆردان لیۆندۆپۆلۆس
The Wedding Party سێسڵ Brian De Palma

Wilford Leach Cynthia Munroe

Bloody Mama ١٩٧٠ لۆید باڕکەر Roger Corman
Hi, Mom! جۆن روبن Brian De Palma
Jennifer on My Mind ١٩٧١ ماردیگیان Noel Black
Born to Win Officer Danny Ivan Passer
The Gang That Couldn't Shoot Straight ماریۆ ترانتینۆ James Goldstone
Bang the Drum Slowly ١٩٧٣ بروس پیرسن John D. Hancock
Mean Streets جۆن سیڤێلۆ Martin Scorsese
The Godfather Part II ١٩٧٤ ڤیتۆ کۆرلیۆن Francis Ford Coppola
Taxi Driver ١٩٧٦ تراڤس بیکڵ Martin Scorsese
١٩٠٠ ئالفرێدۆ بێرلینگیێری Bernardo Bertolucci
The Last Tycoon مۆنرۆ ستار Elia Kazan
New York, New York ١٩٧٧ جیمی دۆیل Martin Scorsese
The Deer Hunter ١٩٧٨ مایکڵ ڤرۆنسکی Michael Cimino
The Swap ١٩٧٩ سام نیکۆلیتی Jordan Leondopoulos پارچە ڤیدیۆی ئەرشێڤ
Raging Bull ١٩٨٠ جەیک لامۆتا Martin Scorsese
True Confessions ١٩٨١ Monsignor Desmond "Des" Spellacy Ulu Grosbard
The King of Comedy ١٩٨٢ روپێرت پەپکین Martin Scorsese
Once Upon a Time in America ١٩٨٤ دەیڤد ئارنسن Sergio Leone
Falling in Love فرانک رافتیس Ulu Grosbard
Brazil ١٩٨٥ ئارکیباڵد تەتڵ Terry Gilliam
The Mission ١٩٨٦ رۆدریگۆ مێندۆزا Roland Joffé
Angel Heart ١٩٨٧ لویس سایفەر Alan Parker
The Untouchables ئەل کاپۆن Brian De Palma
Midnight Run ١٩٨٨ جاک واڵش Martin Brest
Jacknife ١٩٨٩ جۆسێف مێگێسی David Jones
We're No Angels نێد Neil Jordan
Stanley & Iris ١٩٩٠ ستانلی ئێڤێرێت کۆکس Martin Ritt
ھاوڕێیە چاکەکان James "Jimmy the Gent" Conway Martin Scorsese
Awakenings Leonard Lowe Penny Marshall
Guilty by Suspicion ١٩٩١ David Merrill Irwin Winkler
Backdraft Donald "Shadow" Rimgale Ron Howard
Cape Fear Maximilian "Max" Cady Martin Scorsese
Mistress ١٩٩٢ Evan M. Wright Barry Primus
Night and the City Harry Fabian Irwin Winkler
Mad Dog and Glory ١٩٩٣ Wayne "Mad Dog" Dobie John McNaughton
This Boy's Life Dwight Hansen Michael Caton-Jones
A Bronx Tale Lorenzo Anello Himself دەرھێنەریش بوو
Mary Shelley's Frankenstein ١٩٩٤ The Creature Kenneth Branagh
Casino ١٩٩٥ Sam "Ace" Rothstein Martin Scorsese
Heat Neil McCauley Michael Mann
One Hundred and One Nights Le mari de la star-fantasme en croisière Agnès Varda
The Fan ١٩٩٦ Gilbert "Gil" Renard Tony Scott
Sleepers Father Bobby Barry Levinson
Marvin's Room Dr. Wally Jerry Zaks
Cop Land ١٩٩٧ Lt. Moe Tilden James Mangold
جاکی بڕاون Louis Gara Quentin Tarantino
Wag the Dog Conrad Brean Barry Levinson
Great Expectations ١٩٩٨ Arthur Lustig Alfonso Cuarón
Ronin Sam Regazolli John Frankenheimer
Analyze This ١٩٩٩ Paul Vitti Harold Ramis
Flawless Walter Koontz Joel Schumacher
The Adventures of Rocky and Bullwinkle ٢٠٠٠ Fearless Leader Des McAnuff
Men of Honor Chief Leslie William "Billy" Sunday George Tillman Jr.
Meet the Parents Jack Tiberius Byrnes Jay Roach
15 Minutes ٢٠٠١ Det. Eddie Flemming John Herzfeld
The Score Nick Wells Frank Oz
Showtime ٢٠٠٢ Det. Mitch Preston Tom Dey
City by the Sea Vincent Anthony LaMarca Michael Caton-Jones
Analyze That Paul Vitti Harold Ramis
Godsend ٢٠٠٤ Dr. Richard Wells Nick Hamm
Shark Tale Don Lino Bibo Bergeron

Vicky Jenson Rob Letterman

دەنگ
Meet the Fockers Jack Tiberius Byrnes Jay Roach
The Bridge of San Luis Rey The Archbishop of Lima Mary McGuckian
Hide and Seek ٢٠٠٥ David Callaway / Charlie John Polson
The Good Shepherd ٢٠٠٦ General Bill Sullivan Himself دەرھێنەریش بوو
Arthur and the Invisibles Emperor Sifrat XVI Luc Besson دەنگ
Stardust ٢٠٠٧ Captain Shakespeare Matthew Vaughn
Righteous Kill ٢٠٠٨ Det. Thomas "Turk" Cowan Jon Avnet
What Just Happened بێن Barry Levinson
Everybody's Fine ٢٠٠٩ فرانک Kirk Jones
Machete ٢٠١٠ Senator John McLaughlin Robert Rodriguez
Stone Jack Mabry John Curran
Little Fockers Jack Tiberius Byrnes Paul Weitz
The Ages of Love ٢٠١١ Adrian Giovanni Veronesi
Killer Elite راوچییەکە Gary McKendry
Limitless Carl Van Loon نێیل بە
New Year's Eve Stan Harris گاری ماڕشاڵ
Being Flynn ٢٠١٢ Jonathan Flynn پۆڵ پێیت
Red Lights Simon Silver رۆدریگۆ کۆرتێ
Freelancers Sarcone جێسی تۆرێلۆ
Silver Linings Playbook Pat Solitano, Sr. دەیڤد ئۆ. رەسێل
The Big Wedding ٢٠١٣ Don Griffin جەستن زاکھام
Killing Season Col. Benjamin Ford مارک ستێڤان جۆنسن
The Family Fred Blake / Giovanni Manzoni لەک بێسۆن
Last Vegas پاتریک کۆنەرس جۆن تەرتێلتۆب
American Hustle ڤیکتۆر تێلێگیۆ دەیڤد ئۆ. رەسێل
Grudge Match بیلی مکدۆنێن پیتەر سێگال
The Bag Man ٢٠١٤ دراگنا دەیڤد گرۆڤیک
The Intern ٢٠١٥ بێن ویتێکەر نانسی مێیەرس
The Audition خۆی مارتین سکۆرسیس کورتە فیلم
Ellis کەس جۆنیۆر
Heist Frank "The Pope" Silva سکۆت مان
Joy رودی مانگانۆ دەیڤد ئۆ. رەسێل
Dirty Grandpa ٢٠١٦ دیک کێڵی دان مازەر
Hands of Stone رەی ئاڕسێل جۆناسان ھاکوبۆویگس
The Comedian جاکی تەیلەر ھاکفۆرد
جۆکەر ٢٠١٩ مورای فرانکلین تۆد فیلیس [3]
ئێرلەندیەکە فرانک "پیاوە ئێرلەندییەکە" شیران مارتین سکۆرسیس
The Comeback Trail TBA ماکس باڕباڕ جۆرج گالۆ دوای بەرھەمھێنان
The War with Grandpa ئێدوارد تیم ھیڵ دوای بەرھەمھێنان

سەرچاوەکان[دەستکاری]

دێ نیرۆ لە ویکی ئینگلیزیدا