محەممەد شیاع سوودانی

محەممەد شیاع سوودانی
دەوڵەتمەندار محەممەد شیاع سوودانی; محمد شياع السوداني
	محەممەد شیاع سوودانی لە ساڵی ٢٠٢٢
سەرۆک وەزیرانی عێراق
	لە پۆستدایە
	گرتنە دەست ; ٢٧ی تشرینی یەکەمی ٢٠٢٢
سەرۆک کۆمار	لەتیف ڕەشید
پێشینە	مستەفا کازمی
وەزیری مافی مرۆڤ
	لە پۆستدا بووە; ٢١ی کانوونی یەکەمی ٢٠١٠ – ١٨ی تشرینی یەکەمی ٢٠١٤
سەرۆک کۆمار	جەلال تاڵەبانی
سەرۆک وەزیران	نوری مالیکی
پێشینە	ویجدان میخائیل سەلیم
پاشینە	محەممەد مەھدی بەیاتی
وەزیری کار و کاروباری کۆمەڵایەتی
	لە پۆستدا بووە; ١٤ی ئەیلوولی ٢٠١٤ – ٢٥ی تشرینی یەکەمی ٢٠١٨
سەرۆک کۆمار	فوئاد مەعسووم
سەرۆک وەزیران	حەیدەر عەبادی
پێشینە	نەسار روبەیعی
پاشینە	باسم روبەیعی
وەزیری پیشەسازی و کانزاکان (وەکالەت)
	لە پۆستدا بووە; ٢٠١٦ – ٢٥ی تشرینی یەکەمی ٢٠١٨
سەرۆک کۆمار	فوئاد مەعسووم
سەرۆک وەزیران	حەیدەر عەبادی
پێشینە	نەسیر کازم عیساوی
پاشینە	ساڵح عەبدوڵڵا جبووری
پارێزگاری میسان
	لە پۆستدا بووە; ٢١ی نیسانی ٢٠٠٩ – ٢١ی کانوونی یەکەمی ٢٠١٠
سەرۆک وەزیران	نوری مالیکی
پێشینە	عادل مەھوەدەر رازی
پاشینە	عەلی دەوای لازم
وردەکاریی تاکەکەسی
لەدایکبوون	٤ی ئازاری ١٩٧٠ (تەمەن ٥٤ ساڵ); بەغداد, عێراق
پارتی سیاسی	حیزبی دەعوەی ئیسلامی
منداڵ(ەکان)	٨
خوێندن لە	زانکۆی بەغداد
کار	سیاسەتوان
واژوو

محەممەد شیاع سابر حاتەم سوودانی (بە عەرەبی: محمد شياع السوداني ناسراوە بە محەممەد شیاع سوودانی) (لەدایکبووی ١٩٧٠) سیاسەتوانێکی عێراقییە، لە ٢٧ی تشرینی یەکەمی ٢٠٢٢ەوە سەرۆک وەزیرانی عێراقە. وەزیر بوو لە کابینە جیاوازەکانی عێراق، وەزیری مافی مرۆڤ و وەزیری کار و کاروباری کۆمەڵایەتی، چەند وەزارەتێکی بە وەکالەت بەڕێوەبردووە. پارێزگاری میسان بووە لە ٢٠٠٩ و ٢٠١٠.

سەرەتای ژیان

سودانی لە ساڵی ١٩٧٠ لە بەغدا لەدایکبووە، خێزاندارە و خاوەنی چوار کوڕە. سودانی خاوەنی بڕوانامەی بەکالۆریۆسە لە زانکۆی بەغدا لە زانستی کشتوکاڵ و ماستەریش لە بەڕێوەبردنی پرۆژە. لە تەمەنی 10 ساڵیدا، شایەتحاڵی لەسێدارەدانی باوکی و پێنج ئەندامی دیکەی بنەماڵەکەی بووە کە لەسەر ئەندامێتی لە حیزبی دەعوەی ئیسلامیدا لەسێدارە دراون. هەروەها سودانی بەشداری لە ڕاپەڕینەکانی ساڵی ١٩٩١ کرد کە دوای کۆتایی هاتنی شەڕی کەنداو دەستی پێکرد. لە ساڵی ١٩٩٧ دامەزرا لە فەرمانگەی کشتوکاڵی میسان کە تێیدا بەرپرسی بەشی کشتوکاڵی شاری کومایت و بەرپرسی بەشی کشتوکاڵی شاری عەلی ئەلشەرقی و بەرپرسی بەشی بەرهەمهێنانی کشتوکاڵی و سەرپەرشتیاری ئەندازیار بوو لە بەرنامەی توێژینەوەی نیشتمانی لەگەڵ خۆراک و کشتوکاڵ ڕێکخراوی نەتەوە یەکگرتووەکان.

دوای داگیرکردنی عێراق لەلایەن ئەمریکا و هاوپەیمانەکانی لە ساڵی ٢٠٠٣، سودانی وەک ڕێکخەر لە ئیدارەی پارێزگای میسان کاری کردووە. لە ساڵی ٢٠٠٤ سودانی وەک سەرۆکی شارەوانی شاری ئامارە دەستنیشانکرا، لە ساڵی ٢٠٠٥ وەک ئەندامی ئەنجومەنی پارێزگای میسان هەڵبژێردرا. لە ساڵی ٢٠٠٩ دووبارە هەڵبژێردرایەوە و لەلایەن ئەنجومەنەوە کرا بە پارێزگار.

سەرچاوەکان

بەشداربووانی ویکیپیدیا، «محمد شياع السوداني»، ویکیپیدیای عەرەبی. سەردان لە ٢٨ی تشرینی یەکەمی ٢٠٢٢.

بەشداربووانی ویکیپیدیا، «Mohammed Shia' Al Sudani»، ویکیپیدیای ئینگلیزی. سەردان لە ٢٨ی تشرینی یەکەمی ٢٠٢٢.

ب و د سەرۆک وەزیرەکانی عێراق
ئینتیدابی بەریتانی لە عێراق (١٩٢٠–١٩٣٢)	عەبدولڕەحمان گەیلانی عەبدولموحسین سەعدوون† جەعفەر عەسکەری† یاسین ھاشمی† تۆفیق سوەیدی ناجی سوەیدی نووری سەعید†
شانشینی عێراق (١٩٣٢–١٩٥٨)	ناجی شەوکەت ڕەشید عالی گەیلانی جەمیل مەدفەعی† عەلی جەودەت ئەییووبی† یاسین ھاشمی† حیکمەت سولەیمان نووری سەعید† حەمدی پاچەچی تۆفیق سوەیدی ئەرشەد عومەری ساڵح جەبر سەعید محەممەد سەدر موزاحیم پاچەچی مستەفا مەحموود عومەری نوورەدین مەحموود† محەممەد فەزڵ جەمالی ئەرشەد عومەری عەبدولوەھاب مەرجان ئەحمەد موختار بابان
کۆماری عێراق (١٩٥٨–٢٠٠٣)	عەبدولکەریم قاسم† ئەحمەد حەسەن بەکر† تاھیر یەحیا† عارف عەبدولڕەزاق† عەبدولڕەحمان بەزاز† ناجی تالیب عەبدولڕەحمان عارف† تاھیر یەحیا† عەبدولڕەزاق نایف† ئەحمەد حەسەن بەکر سەددام حوسێن سەعدوون حەممادی محەممەد حەمزە زوبەیدی ئەحمەد حوسێن خوزەیر سەددام حوسێن
ئەنجومەنی حوکمی عێراق (٢٠٠٣–٢٠٠٤)	محەممەد بەحرولعلوم* ئیبراھیم جەعفەری ئەحمەد چەلەبی ئەیاد عەلاوی* جەلال تاڵەبانی عەبدولعەزیز حەکیم عەدنان پاچەچی موحسین عەبدولحەمید محەممەد بەحرولعلوم مەسعوود بارزانی عیزەدین سەلیم غازی مەشعەل عەجیل یاوەر
کۆماری عێراق (لە ٢٠٠٤ەوە)	ئەیاد عەلاوی ئیبراھیم جەعفەری نووری مالیکی حەیدەر عەبادی عادل عەبدولمەھدی مستەفا کازمی محەممەد شیاع سوودانی
* کاتی † سەربازی