لەتیف ڕەشید

لە ئینسایکڵۆپیدیای ئازادی ویکیپیدیاوە
لەتیف ڕەشید
نۆیەمین سەرۆک کۆماری عێراق
لە پۆستدایە
گرتنە دەست
١٣ی تشرینی یەکەمی ٢٠٢٢
سەرۆک وەزیران مستەفا کازمی
محەممەد شیاع سوودانی
پێشینە بەرھەم ساڵح
وردەکاریی تاکەکەسی
لەدایکبوون (١٩٤٤-٠٨-١٠) ١٠ی ئابی ١٩٤٤ (تەمەن ٧٨ ساڵ)
سلێمانی، شانشینی عێراق

عەبدوللەتیف جەمال ڕەشید ناسراو بە لەتیف ڕەشید (لەدایکبووی ١٠ی ئابی ١٩٤٤ لە سلێمانی)[١] سەرۆککۆماری ئێستای عێراقە، ئەو لەوەتەی ١٣ی تشرینی یەکەمی ٢٠٢٢ لەو پۆستەدایە. پێشتر لە ساڵانی ٢٠٠٣ بۆ ٢٠١٠، وەزیری سەرچاوەکانی عێراق بووە.[٢] دواتر وەک ڕاوێژکارێکی سەرۆککۆماری عێراق دەستبەکار بووە.[٣]

ئەو ھاوسەری شاناز ئیبراھیم ئەحمەد، بەیەکەوە چوار منداڵیان ھەیە.[٤]

سەرەتای ژیان و خوێندن[دەستکاری]

لەتیف ڕەشید لە ساڵی ١٩٤٤ لە خێزانێکی خانەدان لە شاری سلێمانی لەدایکبوو. ئەو بڕواننامەی ئامادەیی لە وێڵز بە پلەی ئەی بەدەستھێنا.[٥]

ئەو ھەڵگری بڕواننامەی بەکالۆریۆسە لە بەشی ئەندازیاری شارستانیی زانکۆی لیڤەرپوول، ئەو لە ساڵی ١٩٦٨ خوێندنی بەکالۆریۆسی تەواوکرد. دواتر لە ساڵی ١٩٧٢، بڕواننامەی ماستەری وەرگرتووە. ھەروەھا لە ساڵی ١٩٧٨ بووە ھەڵگری بڕواننامەی دکتۆرا لە ئەندازیاریی شارستانی لە زانکۆی مانچستەر.[٢][٦]

سەرۆککۆمار[دەستکاری]

لەتیف لە ھەڵبژاردنی سەرۆککۆماری عێراق بۆ ساڵی ٢٠١٨ خۆی پاڵاوت، بەڵام دەنگی پێویستی نەھێنا و لە ڕکابەریکردنی بەرھەم ساڵح شکستی ھێنا.[٧][٨] دواتر بۆ ھەڵبژاردنی دواتری سەرۆککۆماری عێراق، لەتیف خۆی پاڵاوتەوە و ئەمجارەیان لە ڕکابەریکردن لەگەڵ بەرھەم ساڵح سەرکەوتوو بوو، بەمەش بووە سەرۆککۆماری نوێی عێراق.[٩]لە ١٧ی تشرینی یەکەمی ٢٠٢٢ لە ڕێوڕەسمێکدا بەشێوەیەکی فەرمی چووە کۆشکی سەلام شوێنی نیشتەجێبوونی سەرۆک کۆمار و دەستبەکار بوو.[١٠]

سەرچاوەکان[دەستکاری]

  1. ^ "لەتیف ڕەشید خۆی بۆ پۆستی سەرۆککۆماری عێراق بەربژێرکرد". www.rudaw.net. Retrieved 2022-10-13.
  2. ^ ئ ا لەتیف ڕەشید بە سەرۆك کۆماری عێراق هه‌ڵبژێردرا، ماڵپەڕی کوردستان ٢٤، ڕۆژی ١٣ی تشرینی یەکەمی ٢٠٢٢ بڵاوکراوەتەوە.
  3. ^ "Iraqi parliament elects Abdul Latif Rashid as new president". www.aljazeera.com. Retrieved 2022-10-13.
  4. ^ "د. لەتیف ڕەشید بووە سەرۆک کۆماری عێراق". www.sharpress.net. Retrieved 2022-10-13.
  5. ^ University of Liverpool, 'Precinct' magazine, January 2008, p. 6. www.liv.ac.uk/precinct/2008/January_Precinct.pdf
  6. ^ "سه‌رۆك كۆماری نوێی عێراق كێیه؟". www.xendan.org. Retrieved 2022-10-13.
  7. ^ "لەتیف ڕەشید بۆ ڕووداو: لە خۆپاڵاوتن بۆ سەرۆککۆماری عێراق ناکشێمەوە". www.rudaw.net. Retrieved 2022-10-16.
  8. ^ "بەرهەم ساڵح بوو بەسەرۆک کۆماری عێراق". www.sbeiy.com. Retrieved 2022-10-16.
  9. ^ "پەرلەمانتارێکی یەکێتی: دووشەممە لەتیف ڕەشید و بەرهەم ساڵح دەستاودەستی دەسەڵات دەکەن". www.rudaw.net. Retrieved 2022-10-16.
  10. ^ "سەرۆککۆمارى نوێى عێراق دەستبەکار دەبێت". www.rudaw.net. Retrieved 2022-10-17.