لە ئینسایکڵۆپیدیای ئازادی ویکیپیدیاوە
ڕۆژھەڵاتی دوور وەک بلۆکێکی کولتووری ڕۆژھەڵاتی ئاسیا و باشووری ڕۆژھەڵاتی ئاسیا و نیمچەکیشوەری ھیندی لەخۆدەگرێت .
سینەمای باشووری ڕۆژھەڵاتی ئاسیا بریتییە لە پیشەسازی فیلم و فیلمەکان کە لە باشووری ڕۆژھەڵاتی ئاسیا، یان لەلایەن خەڵکی ڕەسەنی باشووری ڕۆژھەڵاتی ئاسیا بەرھەم دەھێنرێن. ھەر فیلمێک لە برۆنێی و کەمبۆدیا و تیمۆری ڕۆژھەڵات و ئەندەنوسیا و لائۆس و مالیزیا و میانمار و فلیپین و سەنگافورە و تایلەند و ڤێتنام بەرھەم ھێنرابێت لەخۆدەگرێت. زۆربەی ئەو فیلمانەی لەم ناوچەیەدا دروستکراون لە فلیپین و تایلەند و ئەندەنوسیاەوە ھاتوون کە پیشەسازییەکانی فیلمسازی لەم وڵاتانەدا لە ئێستاوە بە باشی جێگیرکراون. ستۆدیۆکانی بەرھەمھێنانی دیار لە باشووری ڕۆژھەڵاتی ئاسیا بریتین لە ستار سینەما، ڤیڤا فیلمز، ستۆدیۆکانی تی بی ئەی و ڕیاڵیتی ئینتەرتەینمەنت لە فلیپین، جی دی ئێچ ٥٥٩ و سەھامۆنگکۆڵ فیلم ئینتەرناشناڵ لە تایلەند، ڕاپی فیلمز لە ئەندەنوسیا، ئەسترۆ شاو لە مالیزیا، ئێنکۆر فیلمز لە سەنگافورە، و ستۆدیۆی ٦٨ لە ڤێتنام[١]
سینەمای باشووری ڕۆژھەڵاتی ئاسیا بەشێکی لاوەکی سینەمای کیشوەری ئاسیایە کە لە بەرامبەردا دێتە ژێر زاراوەی چەتری سینەمای جیھانی، زاراوەیەک کە لە ھەندێک وڵاتی ئینگلیزی زماندا بەکاردەھێنرێت بۆ وەسفکردنی ھەر فیلمێکی زمانی بیانی.
