ئیبن ڕوشد

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

محمد بن احمد بن ڕوشدی ئه‌نده‌لوسی ناسراو بە ئیبنو ڕوشد (به عه‌ره‌بی: أبو الولید محمد بن أحمد بن رشد یان ابن رشد) یەکێکە لە زانایانی سەردەمی زێڕینی ئیسلام و زانایانی موسوڵمان. له‌ ساڵی 1126ز له‌ کوردۆبای ئیسپانیا له‌دایکبووه‌ و له‌ 10 دیسه‌مبه‌ری ساڵی 1198ز له‌ وڵاتی مه‌غریب کۆچی دوایی کردووه‌, زانایه‌کی ناوداری عه‌ره‌بی ئه‌نده‌لوسی بووه‌, له‌ زۆربه‌ی زمانه‌کانی خۆرئاوادا ئه‌و به‌ناوی × ئه‌ڤێرۆس × (Averroes) ئه‌ناسن به‌ شێوه‌یه‌ک که‌ نزیکه‌ له‌ ده‌ربڕینی (ئیبنو ڕوشد)ه‌وه‌.

Colliget

بڕوانامه‌ی له‌ به‌شه‌کانی یاسا و پزیشکی هه‌بووه‌ و بۆ ماوه‌یکی له‌ شاره‌کانی (سویل و قرطبه‌) دادوه‌ر بووه‌ , ئه‌و باوه‌ڕی به‌ مانه‌وه‌ی ماده‌ و هه‌بوونی دونیایه‌کی هه‌تاهه‌تای له‌گه‌ڵ خودا هه‌بووه‌ , ئه‌و باوه‌ڕی وابوو که‌ هه‌ندێک جار فه‌لسه‌فه‌ و دین ناسازگاریه‌کی ته‌واویان هه‌یه‌ له‌م ڕووه‌وه‌ بیرکردنه‌وه‌ی دوو لایه‌نه‌ی هه‌بووه‌.

ئه‌گه‌رچی ئه‌و زانایه‌کی موسڵمانی سوننی (مالیکی) بوو به‌ڵام له‌ کاتی خۆیدا له‌لایه‌ن هه‌ندێک زانای ئه‌و سه‌رده‌مه‌وه‌ ئازار و ئه‌زیه‌ت دراوه‌ و نفرین کراوه‌ و هه‌روه‌ها له‌لایه‌ن کڵێساوه‌ به‌رهه‌مه‌کانی ئه‌و مه‌حکوم کراوه‌.