ترمزی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان



ئیمام ترمزی
ناو: ئیمام ترمزی
ناوی تەواو: محەمەد کوڕی عیسا
ڕێکەوتی لەدایکبوون: ٢٠٩ی کۆچی
شوێنی لەدایکبوون:  ئەفغانستان
ڕێکەوتی مردن: ٢٧٩ی کۆچی
بیروباوەڕ: سوننە
بواری کردوکۆش: زانستی فەرموودە

ترمزی، ئەبو عیسا محەمەد کوڕی عیسا کوڕی سورە کوڕی زوحاک سەلەمی ترمزی، لە سەرەتاکانی سەدەی سێی کۆچی هاتۆتە دنیاوە، لە ساڵی ٢٠٩ک لە ترمز لە ئاسیای ناوەڕاست.

کورتەی ژیانی[دەستکاری]

ئەبو عیسا محەمەد کوڕی عیسا کوڕی سورە کوڕی زوحاک سەلەمی ترمزی، لە دایکبووە لە ساڵی ٢٠٩ک لە گوندی بوغ سەر بە شارۆچکەی ترمز کە دەکەوێتە ئەفغانستانی ئێستاوە و چەندین شوێن گەڕاوە بە دوای زانستدا لەوانە عێراق و حیجاز و خۆراسان، کۆچی دوایی کردووە ساڵی ٢٧٩ک. خاوەنی کتێبی بەناوبانگی سونەنی ترمزییە.

دەربارەی ووتراوە[دەستکاری]

زانایانی ئیسلام ستایشێکی زۆری ترمزییان کردووە، بۆ نموونە؛

  • ئەلخەلیلی دەڵێت؛ ئەبوعیسا جێی متمانە بوو، هەموو زانایان لەسەری ڕێک بوون.
  • ئیمام زەهەبی دەربارەی ترمزی دەڵێت؛ حافزی مەزن خاوەنی کتێبی جامعە، ئەو هەموو زانایان لەسەری ڕێکەوتبوون کە جێی متمانەیە.
  • سەمعانی دەڵێت؛ ئیمام بێ ڕکەبەری سەردەمی خۆی بوو.
  • ئیبن عیماد حەنبەلی دەربارەی دەڵێت؛ پێشەوای زانایان بوو، لە لەبەرکردن و وردەکاریدا موعجیزەیەک بوو.

مامۆستا و خوێنکارەکانی[دەستکاری]

سەردەمی ترمزی سەردەمی ڕاپەڕینی زانستی بوو، سەردەمی گەڕان بوو بە دوای فەرموودەدا، ئیمام ترمزی گەڕا بە دوای فەرموودەدا، و لای ژمارەیەک زانا خوێندویەتی لەوانە، سوەیدی کوری نەسر، و قوتەیبە کوری سەعید، و ئەبومەسعەب ئەحمەد کوڕی ئەبوبەکر زوهری، و عەلی کوری حیجری مزوری ... و ئەوانی تر.

ئەوانەی لە ترمزییەوە زانستەکان بە تایبەتی فەرموودەوانی فێربوون، ئێجگار زۆرن، لەوانە ئەبوحامید ئەحمەد کوری عەبدوڵڵا، و هەیسەم کوڕی کولەیبی شامی، و ئەحمەد کوڕی یوسفی نەسەفی ، و ئەبولحارس ئەسەدی کوڕی حەمدەوەی.... و ئەوانی تر.

سەرچاوەکان[دەستکاری]

  • شەش پێشەواکەی فەرموودە، نووسینی/ نەجمەددین فەرەج ئەحمەد
  • وێکی عەرەبی