چارڵز شێرینگتۆن

چارڵز شێرینگتۆن
Charles Scott Sherrington
لەدایکبوون	٢٧ی تشرینی دووەمی ١٨٥٧  لەندەن
مەرگ	٤ی ئازاری ١٩٥٢  (٩٤ ساڵ ژیاوە) Eastbourne
گۆڕ	Ipswich
زانکۆ	Fitzwilliam College Gonville and Caius College Ipswich School زانکۆی ئۆکسفۆرد St Thomas's Hospital Medical School
پیشە	پزیشک، neurologist، مامۆستای زانکۆ، pathologist، فیزیۆلۆجیناس، یاریزانی تۆپی پێ
شوێنکار	Magdalen College زانکۆی لیڤەرپوول کۆلێژی کینگ لەندەن
خەڵاتەکان	Knight Grand Cross of the Order of the British Empire Order of Merit Croonian Medal and Lecture (١٨٩٧) Baly Medal (١٨٩٩) Silliman Memorial Lectures (١٩٠٤) Royal Medal (١٩٠٥) مێدالیای کۆپلی (For his distinguished work on neurology.، ١٩٢٧) Doctor honoris causa of the University of Strasbourg (١٩٢٧) doctor honoris causa from the University of Paris (١٩٢٨) خەڵاتی نۆبێل لە زانستی ئەرکی ئەندام و پزیشکی (٨٥٬٨٧٦ کرۆنی سوێدی، ئیدگار ئادریان، for their discoveries regarding the functions of neurons، ١٩٣٢) doctor honoris causa from the University of Lyon (١٩٤٦)
پلە	President of the Royal Society (١٩٢٠–١٩٢٥)

ئەلسێر چارڵز سکوت شرینگتۆن زانایەکی بەریتانیە و خەڵاتی نۆبڵی لەبواری پزیشکیدا وەرگرتووە، لە ٢٧ی تشرینی دووەمی ساڵی ١٨٥٧ لە لەندەنی پایتەختی بەریتانیا لەدایک بووە، ھەر لە منداڵیەوە خولیای ھونەر بووە و دوای ئەوەی قوناغەکانی خوێندنی بەسەرکەوتووی تەواو کردووە چۆتە زانکۆی پزیشکانی نەشتەرگەری شاهانە (الجراحین الملکیە) لە ساڵی ١٨٧٦ لە نەخۆشخانەی سانت تۆماس درێژەی بەخوێندن داوە و ھەموو قۆناغەکانی زانکۆی بە سەرکەوتوویی تەواوکردووە. لە ساڵی ١٨٧٩ چارڵز باڵاترین ژمارەی لە زانستی ڕووەک و شیکردنەوەی مرۆڤ و زانستی کارەکانی ئەندامی لەشی مرۆڤ بەدەستھێناوە، لە ساڵی ١٨٨٤ بۆتە ئەندام لەزانکۆی پزیشکانی نەشتەرگەری شاهانە، ساڵی ١٨٨٥ بەیەکەم دەرچووە لە زانستی سروشت و پلەی نایابی وەرگرتووە، ھەر لەھەمان ساڵ بڕوانامەی بەکالۆریۆسی لە بواری پزیشکدا بەدەستھێناوە، لە ساڵی ١٨٨٦ ڕێگەپێدانی لە زانکۆی شانشینی پزیشکەکان وەرگرتووە. لە ساڵی ١٨٩١ چارڵز لە پەیمانگای بڕاون بۆ توێژینەوەی فسیۆلۆجی و باپۆلۆجی وەکو چاودێر دامەزراوە، لەساڵی ١٨٩٥ بۆیەکەم جار لە زانکۆی لیڤەرپوول وەکو مامۆستا دامەزراوە و ھەموو دەسەڵاتێکیشی پێدراوە، ساڵی ١٩١٣ لە زانکۆی ئیکسفۆرد کاری کردووە، ساڵی ١٩١٦ بەرگری لە ئافرەت کردووە و داوای کردووە مافی ئەوەی ھەبێت لە قوتابخانەی پزیشکی لە زانکۆی ئیسکفۆرد وەربگیرێت، لە ساڵی ١٩٣٦ خۆی خانەنشین کردووە و گەڕاوەتەوە بۆ ئەو شارەی کە لێی لەدایک بووە و لەوێ نیشتەجێبووە و بەردەوام گرنگی داوە بەشیعر و مێژوو و فەلسەفە و لە ساڵی ١٩٤٤ و تاکو مردنیشی سەرۆکی مۆزەخانەی ئیبسوویچ ی شارەکەی بووە. چارڵز لە ساڵی ١٨٩٩ لە لایەن زانکۆی شانشینی پزیشکانەوە خەڵاتکراوە، لە ساڵی ١٩٠٥ خەڵاتی شانشینی لە کۆمەڵەی لەندەن وەرگرتووە، باڵاترین خەڵاتی بەریتانیای لەلایەن بەریتانیاوە لە ساڵی ١٩٢٢ پێبەخشراوە، لە ساڵی ١٩٣٢ خەڵاتی نۆبڵی لە بواری پزیشکدا وەرگرتووە، ھەروەھا ٢٢ بڕوانامەی دکتۆرای شانازی زانکۆکانی جیھانی بەدەستھێناوە. چارڵز شرینگتۆن لە ٤ ئازاری ساڵی ١٩٥٢ بەھۆی نەخۆشیەوە لە ڕۆژھەڵاتی تیکساسی ئەمریکا کۆچی دوایی کردووە.