دەروازە:شانشینی یەکگرتوو/ژیاننامەی ھەڵبژێردراو
ژیاننامەی ھەڵبژێردراو ١
دەروازە:شانشینی یەکگرتوو/ژیاننامەی ھەڵبژێردراو/١
وینستۆن لیونارد سپێنسر چێرچیل، (لەدایکبووی ٣٠ی تشرینی دووەمی ١٨٧٤ - مردن ٢٤ی کانوونی دووەمی ١٩٦٥) ڕامیاریزان و دەسەڵاتدارێکی بەڕیتانی بوو کە بەھۆی ڕێبەرایەتی بەڕیتانیا لە درێژەی شەڕی جیھانی دووەمدا ناسراوە، ھەروا لەدونیادا بە گشتی وەک یەکێک لە ناودارترین ڕابەرەکانی سەردەمانی شەڕ ناسراوە. وەک سەرۆک وەزیران دووجار خزمەتی وڵاتی کردووە لە نێوان ١٩٤٠ تاکوو ١٩٤٥ و دواتر لە ١٩٥١ تاکوو ١٩٥٥. چێرچیل ھەروەھا ئەفسەری ئەرتەشی بەڕیتانیا، مێژووزان، نووسەر و ھونەرمەند بووە. تا ئەمڕۆ تەنھا سەرۆک وەزیرێکی بەڕیتانیا بووە کە خەڵاتی نۆبێلی وێژەی وەرگرتووە و یەکەم کەسە کە ھاووڵاتی شانازیی ئەمەریکای وەرگرتووە.
ژیاننامەی ھەڵبژێردراو ٢
دەروازە:شانشینی یەکگرتوو/ژیاننامەی ھەڵبژێردراو/٢
ماجید عوسمان نواز (ئوردوو: [ˈmaːdʒɪd̪ nəwaːz]؛ لەدایکبووی ٢ی تشرینی دووەمی ١٩٧٧) چالاکەوانێکی بەڕیتانی و پێشکەشکارێکی ڕادیۆییە. دامەزرێنەری ڕێکخراوی «کوەیڵم»ە، کە دەستەیەکی خاوەن بیرۆکەن لە دژی توندڕەویی و ئامانجیان بەرھەڵستیکردنی وتەبێژانی فەرمی ئیسلامییە توندڕەوەکانن و بەھەمان شێوە پێشکەشکاری بەرنامەیەکی ڕادیۆییە لە کەناڵی LBC ھەموو ڕۆژانی شەممە و یەکشەممەیەک پەخش دەکرێت. لە (ساوس ئێند، ئێسکس - Southend-on-Sea, Essex) لە خێزانێکی پاکستانی بەڕیتانی ھاتۆتە دونیاوە، نواز ئەندامی پێشووی کۆمەڵەی ئیسلامی (حزب التحریر) بووە. ئەندام بوونی لەو حیزبەدا بووە ھۆی گیرانی لە میسڕ لە کانوونی یەکەمی ٢٠٠١ و لە بەندینخانەدا مایەوە ھەتا ٢٠٠٦. خوێندنەوەی کتێب لەسەر مافەکانی مرۆڤ و مامەڵەکردنی لەگەڵ (ڕێکخراوی بەخشینی نێودەوڵەتی - Amnesty International) بووە ھۆی ئەنجامی گۆڕانی دڵ و دەروونی: (حزب التحریر) بەجێھێشت لە ٢٠٠٧ دا، دەستی ھەڵگرت لە مێژووە ئیسلامیەکەی و بانگەشەی دەکرد بۆ ئیسلامێکی سیکۆلار «عەلمانی».
ژیاننامەی ھەڵبژێردراو ٣
دەروازە:شانشینی یەکگرتوو/ژیاننامەی ھەڵبژێردراو/٣
واین مارک ڕونی (لەدایکبووی ٢٤ی تشرینی یەکەمی ١٩٨٥) ھێرشبەرێکی ئینگلیزە و یاریزانێکی تۆپی پێیە لەھێڵی ھێرشبەر و بە یەکێک لە باشترین ھێڕشبەرانی جیھان ھەژامار دەکرێت وە سەرەتا ژیانی وەرزشی لەگەڵ یانەی ئێفێرتۆن دەست پێ کرد دواتر چووە ڕیزی یانەی مانشستەر یونایتد وە خاوەن توانایەکی زۆرە وە گۆڵکارێکی زۆر مەترسیدارە بەڵام ھەندێک جار ناتوانێت کۆنترۆلی خۆی بکات وە زوو توڕە دەبێت لە ناو یاریگادا بەڵام بە کوڕی زێڕینی تۆپی پێی ئینگلیزی دەژمێردرێت. واین ڕونی سەرەتایی ژیانی وەرزشی لە ئەکادیمییای وەرزشی یانەی ئێفێرتۆن دەست پێ کرد لە تەمەنی دە ساڵیەوە وە یاری لەگەڵ گشت تیمە تەمەنیەکانی یانەی ئێفرتۆنی کرد تا وەرزی ٢٠٠٢–٢٠٠٣ کاتێک ڕاھێنەر دێفد مۆیس بۆ یەکەم جار بانگھێشتی ھێڵی یەکەمی یانەی کرد وە بە خێراییەکی زۆر توانی خۆی بگونجێنێت لەگەڵ یانەی ئێفێرتۆن وە توانی شوێنێکی سەرەکی بۆ خۆی بگرێتەوە وە لەشداری لە ٣٣ یاری کرد لەگەڵ یانەی ئێفێرتۆن توانی ٦ گۆڵ لە خوولی پریمیێرلیگ تۆمار بکات وە دوو گۆڵ لە جامی ئینگلتەرا وە لە وەرزی دوایی یاریزان ڕونی چووە نێو باسی ڕۆژنامەکانەوە وە بەشداری لە ٣٤ یاری کرد توانی نۆ گۆڵ تۆمار بکات وە بووە بچووکترین یاریزان کە گۆڵ لە پریمیێرلیگ تۆمار بکات دوای ئەو ئاستە بەرزە ڕاھێنەری یانەی مانشستەر یونایتد سێر ئەلێکس فێرگسۆن بۆندێکی لەگەڵ بەست و بردیە ئۆڵدترافۆرد.
ژیاننامەی ھەڵبژێردراو ٤
دەروازە:شانشینی یەکگرتوو/ژیاننامەی ھەڵبژێردراو/٤
کریستۆفەر ئێریک ھیچنز (١٣ی نیسانی ١٩٤٩ - ١٥ی کانونی یەکەم ٢٠١١) نووسەر، ستووننووس، وتارنووس، گوتاربێژ، رۆژنامەنووس و ڕەخنەگری کۆمەڵایەتی بە ڕەگەز بەڕیتانی-ئەمریکی. ھیچنز نووسەر یان یاریدەدەری نووسەر، سەرنووسەر یان یاریدەدەری سەر نووسەری زیاد لە ٣٠ کتێبە، لەگەڵ پێنج کۆمەڵە وتار لەسەر کلتور، سیاسەت و ئەدەبیات. شێوازی بەرەنگاری لە گفتوگۆدا کردویەتی بە بابەتێکی سەرەکیی لە لێدوانی گشتی دا، کە بۆتە ھۆی ئەوەی ببێتە ڕوناکبیرێکی رۆشنبیر و کەسایەتییەکی جێباس. نووسین و بەشداری ھەبووە لە ھەر یەک لە: نیو ستەیتسمن (New Statesman)، زە نەیشن (The Nation)، زە ویکلی ستاندارد (The Weekly Standard)، زە ئەتلانتیک (The Atlantic)، لەندەن ریڤیو ئۆڤ بووکس (London Review of Books)، زە تایمز لەیترەری سەپلیمێنت (The Times Literary Supplement)، سڵەیت (Slate)، فریی ئینکویری (Free Inquiry) و ڤانیتی فەیر (Vanity Fair).
ژیاننامەی ھەڵبژێردراو ٥
دەروازە:شانشینی یەکگرتوو/ژیاننامەی ھەڵبژێردراو/٥
ئالان ئۆلاڤ واکەر (لەدایکبووی ٢٤ی ئابی ١٩٩٧ لە نۆرسامپتن، شانشینی یەکگرتوو) دی جەی و بەرھەمھێنەری تۆماری نەرویژییە. ناوبانگی ئالان بە زۆری بۆ تاکەگۆرانییەکەی بە ناوی «کاڵبوو» دەگەڕێتەوە کە چەندین خەڵاتی بردەوە، لەوانە، خەڵاتی ئەڵماس لە ئەڵمانیا و پۆڵەندا و خەڵاتی پلاتینیۆم لە زیاتر لە ١٠ وڵات، لەوانە، ویلایەتە یەکگرتووەکانی ئەمریکا و شانشینی یەکگرتوو. ئالان یەکەم ئەلبومی، بە ناوی جیھانی جیاواز، لە ساڵی ٢٠١٨ بڵاوکردەوە. ئەو پلەی ٣٦ھەمینی وەرگرت لە پێرستی باشترین دی جەیەکانی ساڵی ٢٠١٨ی کۆواری دی جەی.
ژیاننامەی ھەڵبژێردراو ٦
دەروازە:شانشینی یەکگرتوو/ژیاننامەی ھەڵبژێردراو/٦
ڕۆبێرت «بۆبی» ویلیام ڕۆبسن (لەدایکبووی ١٨ی شوباتی ١٩٣٣ - مردووی ٣١ی تەممووزی ٢٠٠٩) یاریزان و ڕاھێنەری تۆپی پێ بوو. ئەو نزیکەی ٦٠٠ یاری کرد و زیاتر لە ١٠٠ گۆڵی تۆمارکرد. ئەو بۆ ھەڵبژاردەی تۆپی پێی ئینگلتەراش یاری دەکرد. ئەو ٤ گۆڵی تۆمارکرد لە ٢٠ یاری لەگەڵ ھەڵبژاردەکە. ڕۆبسن ڕاھێنەر بوو لە یانەی فولھام و ئیپسویچ تاون. ئەو دواتر ڕاھێنەرایەتی بۆ ھەڵبژاردەی تۆپی پێی ئینگلتەرا کرد بۆ ھەشت ساڵ، لە ١٩٨٢ بۆ ١٩٩٠. ئەو سەرپەرشتی ئینگلتەرای کرد تا یاری پێش کۆتایی جامی جیھانی لە ١٩٩٠. ئەو ئینگلتەرای بەجێھێشت بۆ بوون بە ڕاھێنەری یانەی دیکە لە ئەورووپا. لەوانە، لە ھۆڵەندا، پورتوگال و ئیسپانیا. ڕۆبسن دیسانەوە بەرەو ئینگلتەرا گەییشت بۆ ڕاھێنەرایەتیکردنی یانەی نیوکاسڵ لە ١٩٩٩. ڕۆبسن شێرپەنجەی سییەکانی ھەبوو. شێرپەنجەکەی وەک «ھەمیشەیی» وەسف کرد لە ٢٠٠٧. لە ٢٠٠٩دا، مرد.
ژیاننامەی ھەڵبژێردراو ٧
دەروازە:شانشینی یەکگرتوو/ژیاننامەی ھەڵبژێردراو/٧
چارڵز ئێسپێنسێر چاپلین ([Charlie Chaplin] ھەڵە: {{زمان}}: دەقی لاری تێدایە (یارمەتی)) (١٨٨٩-١٩٧٧) بەناوبانگ بە چارلی چاپلین. ئەکتەرێکی کۆمیدی و دەرھێنەر و ئاوازدانەرێکی ئینگلیزە، کە بە زۆری ناوبانگی بەھۆی فیلمە بێدەنگەکانیەوە دەرکرد. پێش کۆتایی ھاتنی جەنگی جیھانی یەکەم بەناوبانگترین ئەستێرەی جیھانی بوو لە فیلمدا. چارڵی چاپلن لە ١٦ی نیسانی ١٨٨٩ لە وال وێرتی لەندەن لە بنەماڵەیێکی جولەکە لە دایک بوو. باوکی چارڵز و دایکی ھاناھیل ھەر دووکیان لە جیھانی مۆسیقا کاریان ئەکرد. ھێشتا ماوەیێکی زۆر لە لەدایک بوونی چارلی تێپەڕ نەبووکە چارڵز و ھانا لە یەک جیا بوونەوە و ھانا سەرپەرشتی منداڵەکانی لە ئەستۆ گرت. ئەوان ژیانێکی دژواریان تێ ئەپەڕاند لە بەر ئەوەی دایکی نەیتوانی بە ئاسانی بژیوی ژیانیان دابین بکات. لەبەر ئەمە چارلی بچکۆلانەو و برای گەورەتری سیدنی بۆ کار کردن، ماڵیان بەجێ ھێشت و لە ڕیکخراوەیێکی ھونەری بەرھەم ھێنانی فیلم وەک پادو دامەزران. ھەڵبەت نەیانتوانی لەوێ بەردەوام بن. کاتێ چارلی ١٢ ساڵان بوو باوکی کە پیاوێکی ھەمیشە سەرمەست بوو، کۆچی دوایی کرد. چارلی دایکێکی سەلامەتیشی نەبوو. دایکی چارلیش تووشی نەخۆشینی ڕەوانی بوو و لە ناکاو لە نەخۆشخانەی ڕەوانی «کین ھیل» لە ساڵی ١٩٢٨ کۆچی دوایی کرد.