ئەنجومەنی ئەورووپا (بە ئینگلیسی: Council of Europe) ڕێکخراوێکی نێونەتەوەییە بۆ پەرەپێدانی ھاوکاری لە نێوان وڵاتانی ئەورووپا لە بوارەکانی مافی مرۆڤ، پێشکەوتنی دیموکراسی، سەروەری یاسا و ھاوکاری کولتووری. بناغەی ئەم ڕێکخراوە لە ساڵی ١٩٤٩ داڕشتراوە و پێکھاتووە لە ٤٧ وڵاتی ئەندام بە ٨٢٠ میلیۆن شارۆمەند. ئەنجومەنی ئەورووپا ڕێکخراوێکی سەربەخۆیە و لە لایەن یەکێتیی ئەورووپاوە - کە ئەویش ڕێکخراوێکی جیاوازە - کۆنتڕۆڵ ناکرێ. بە پێچەوانەی یەکێتیی ئەورووپا و یەکێتیی ئابووری ئەوراسیا، ئەنجومەنی ئەورووپا ناتوانێ یاسای ناچاری دابنێت.[١]
