لە ئینسایکڵۆپیدیای ئازادی ویکیپیدیاوە
ئاو لەھەر سێ شێوەکەیدا: شل، ڕەق (سەھۆڵبەند)، و (نادیار) ھەڵمی ئاو لە ھەوادا. ھەورەکان، کۆبووەوەی کۆمەڵێ دڵۆپی ئاون
ئاو ئاوێتەیەکی نائەندامییە بە ھاوکێشەی کیمیاییی H2O. بێڕەنگ و بێتام و بێبۆنە. ماددەیەکی کیمیاییی تا ڕادەیەک بێڕەنگە و پێکھێنەرە سەرەکییەکەی ئاوەگۆی زەوی و شلەکانی ھەموو بوونەوەرە زیندووە ناسراوەکانە (کە تێیاندا وەک توێنەر ھەڵسوکەوت دەکات[١]). ئاو سەرەڕای ئەوەی وزەی خۆراکی یان وردەخۆراکە ئەندامییەکان دابین ناکات، بەڵام بۆ ھەموو شێوازە ناسراوەکانی ژین زۆر گرنگە. H2O کە ھاوکێشە کیمیایییەکەیەتی، دەرخەری ئەوەیە کە ھەر گەردێکی ئاو، یەک گەردیلە ئۆکسجین و دوو گەردیلەی ھایدرۆجینی تێدایە کە بە بەندە ھاوھێزەکان پێکەوە گرێ دراون. گەردیلەکانی ھایدرۆجین بە گۆشەی ١٠٤٫٤٥° بە گەردیلەکەی ئۆکسجینەوە لکاون.[٢] ھەروەھا «ئاو» ناوی دۆخی شلیی H2Oیە لە پەستان و پلەی گەرمیی پێوانەدا.
خواردنەوەی ئاو بەڕێژەیەکی زۆر لەسەریەک، دەبێتە ھۆی ژەھراویبوون بە ئاو (بە ئینگلیزی:Water Intoxication)، بە تایبەتی لە منداڵی ساوادا کە ڕێژەیەکی زۆر ئاو لەگەڵ شیر وەردەگرێت (کاتێک کە شیری زۆر ڕوونی پێدەدرێت) یا لەکاتی کەشوھەوای گەرم خواردنەوەی لەسەریەکی ئاو، ئەمەش دەبێتە ھۆی ھەڵاوسانی خانەکانی لەش و کەمبوونەوەی خەستی خوێن و بەرزبونەوەی پەستانی خوێن بەھۆی زیادبوونی قەبارەی خوێنەوە.[ژێدەر پێویستە]
سوودەکانی خواردنەوەی ئاو
- کاری ریخۆڵە و هەرس ئاسان دەکات
- ڕوون بوونی پێست
- یارمەتی کێش دابەزاندن دەدات
- خواردنەوەی بە بڕێکی گونجاو ڕێگرە لە وشک بوونی گورچیلەکان
ئاو لەسێ دۆخی جیادا ھەیە:
 |
بڕوانە ئاو لە ویکیفەرھەنگ، ویکیفەرھەنگی ئازاد. |
 |
کۆمنزی ویکیمیدیا، میدیای پەیوەندیدار بە ئاو تێدایە. |
