ویکیپیدیا:پێڕستی زاراوە پەسەندکراوەکان
 ئەرشیڤی بابەتە تاوتوێکراوەکان |
|---|
لەپێناو بەرجەستەکردنی یەکگرتوویی زمان و یەکدەنگی لەبەکارھێنانی زاراوەکان لە ویکیپیدیای کوردی ناوەندی، لەم پەڕەیەدا وشەگەلێکی دیاریکراو بوونیان ھەیە کەبەپێی ھاوکۆکیی ئەندامانی خێزانی ویکیپیدیای کوردیی لەسەریان، بڕیاریان لێ دراوە. پێویست وایە کە ئەندامان پابەند بن بەبەکارھێنانی ئەم وشانەوە لەکاتی نووسینی وتاردا، بەتایبەتی لەدۆخی وەرگێڕانی وتار لەزمانێکی دیکەوە، و بەپێی ئەو شێوازە ستانداردەی کە لێرە نووسراوە، وشە و زاراوەکان بەکاربەرن.
ھەڵەی باو
[دەستکاری]ھاوزمانانی کوردیی ناوەندی، بە ھەر ھۆکارێک بێت، لەبەکارھێنانی ھەندێک وشەدا بەھەڵەدا چوون. ئەگەرچی ئەمە کاری ئەکادیمیای کوردیی و لایەنی پسپۆڕە لە زماندا کە سەرلەنوێ بە درووستیی وشەکاندا بچێتەوە، بەکارھێنەرانی ویکیپیدیای کوردیی ناوەندیی خەمخۆری ئەو باسەن. بەپێی وتووێژە ئاماژەپێکراوەکان، وشەکانی لای خوارەوە، لە بەکارھێنانی ھەڵەوە ھاتۆتە ئاراوە و ھێندەی لەتوانای ئەندامانی خێزانی ویکیپیدیادا بووە، ڕاست کراونەتەوە.
تکایە لە نووسینی وتارەکانتدا، ئەوە بگرە بەرچاو کە ئەم وشانەی لای خوارەوە لەبری ھەڵە باوەکان بەکاربەریت، تاوەکوو یارمەتی ویکیپیدیا بدەیت بۆ بەدیھێنانی زمانی یەکگرتوو لەنێو نووسینەکانی ویکیپیدیادا.