شاول تچێرنیچۆڤسکی
شاول تچێرنیچۆڤسکی (بە عیبری: שאול טשרניחובסקי)یان ساول گوتمانۆڤیچ تچێرنیچۆڤسکی (بە ڕووسی: Саул Гутманович Черниховский؛ ٢٠ی ئابی ١٨٧٥ – ١٤ی تشرینی یەکەمی ١٩٤٣) شاعیرێکی عیبری لەدایکبووی ڕووسیا بووە. بە یەکێک لە شاعیرە گەورەکانی عیبری دادەنرێت، لەگەڵ شیعری سروشتدا دەناسرێتەوە و وەک شاعیرێک کە کاریگەرییەکی زۆری لەسەر کولتووری یۆنانییە کۆنەکان ھەیە. یەکەم شیعری خۆی لە ئۆدێسا بڵاوکردەوە و لە ساڵی ١٨٩٠ تا ١٨٩٢ لەوێ خوێندوویەتی و لە بازنەکانی زایۆنیدا چالاک بووە.[١] یەکەم شیعری چاپکراوی «لە خەونمدا» بوو.
ژیانی تایبەت[دەستکاری]
ھاوسەرگیری لەگەڵ مەسیحییە لەدایکبووی ڕووسیا، مێلانیا کارلۆڤا کرد،[٢] و بەرەنگاری ھەموو داواکارییەکانی ھاوڕێ جوولەکەکانی فەلەستین بووەوە کە بگۆڕێت بۆ ئایینی جوولەکە.[٣] تچەرنیچۆڤسکی و کارلۆڤا کچێکیان پێکەوە ھەبوو بە ناوی ئیسۆلدا.
کاری پزیشکی[دەستکاری]
لە ساڵی ١٨٩٩ تا ١٩٠٦ لە زانکۆی ھایدلبێرگ پزیشکی خوێندووە و خوێندنی پزیشکی لە شاری لۆزان تەواو کردووە. لەو کاتەوە چالاکییەکانی وەک پزیشکێک تێکەڵ بە چالاکییەکانی وەک شاعیرێک کرد. دوای تەواوکردنی خوێندنەکەی گەڕایەوە ئوکراینا بۆ ئەوەی لە خارکیڤ و لە کیێڤ مەشق بکات. لە جەنگی جیھانی یەکەمدا وەک پزیشکی سوپای لە مینسک و لە سانت پترسبۆرگ کاری کردووە.[٤]
تچەرنیچۆڤسکی وەک پزیشکی قوتابخانەی ئامادەیی عیبری ھێرزلیا لە تەلئەبیب کاری کردووە. لە ساڵانی دواتردا وەک پزیشک بۆ قوتابخانەکانی تەلئەبیب کاری کردووە.
وەرگێڕان[دەستکاری]
تچێرنیچۆڤسکی وەک وەرگێڕێکی لێھاتوو ناسرابوو.[٥] وەرگێڕانی کتێبی ئیلیادە و ئۆدیسێی ھۆمەر بە تایبەتی ناساندنی بەدەستھێنا. ھەروەھا وەرگێڕانی سۆفۆکلێس، ھۆراس، شکسپیر، مۆلیێر، پوشکین، گووەتە، ھاین، بایرۆن، شێلی، کالێڤالا، خولی گیلگامێش، ئێدای ئایسلەندی و ھتد.
خەڵات و ناساندن[دەستکاری]
تچێرنیچۆڤسکی دوو جار خەڵاتی بیالیک بۆ ئەدەبیاتی پێبەخشرا، لە ساڵی ١٩٤٠ (بە ھاوبەشی لەگەڵ زێلدا میشکۆڤسکی) و لە ساڵی ١٩٤٢ (بە ھاوبەشی لەگەڵ حەیم ھازاز).[٦]
دوای مردنی شارەوانی تەلئەبیب خەڵاتێکی بۆ وەرگێڕانی نموونەیی بە ناوی ئەوەوە تەرخان کرد. قوتابخانەیەک لە تەلئەبیب بە ناوی ئەوەوە ناونراوە، ھەروەھا سەنتەری کۆمەڵەی نووسەرانی عیبری لە ئیسرائیل. ھەروەھا زۆرێک لە شارۆچکەکانی دیکەی ئیسرائیل شەقام و قوتابخانەکانیان بە ناوی ئەوەوە ناوناوە.
لە ساڵی ٢٠١١دا، شاول تچێرنیچۆڤسکی ھەڵبژێردرا بۆ ئەوەی ببێتە یەکێک لە چوار شاعیری ئیسرائیلی کە وێنەکانیان لەسەر دراوی ئیسرائیل دەبێت (لەگەڵ لیا گۆڵدبێرگ، ڕەچەڵ بلوستاین و ناتان ئاڵتەرمان)؛[٧] پڕۆژە یاسای نوێی ٥٠ شیکلی ئیسرائیل لە ١٠ی ئەیلوولی ٢٠١٤ پەردەی لەسەر لادرا.[٨]
لە چەند شارێکی ئیسرائیلدا شەقام ھەیە کە بە ناوی ئەوەوە ناونراوە، وەک قودس، تەلئەبیب، پێتا تیکڤا، ڕەعانەنا، کفەر سەبا.
سەرچاوەکان[دەستکاری]
- ^ Jewish Virtual Library, Shaul Tchernichovsky
- ^ Sharon, Itamar. "Tchernichovsky sparks currency row". www.timesofisrael.com.
- ^ "'Mock me, mock me' — Variations on an Israel that has not yet come into being". Mondoweiss. 22 August 2018. Retrieved 21 November 2021.
- ^ Nevins, Michael (21 November 2006). Jewish Medicine: What it is and why it Matters. iUniverse. ISBN 978-0-595-40157-4 – via Google Books.
- ^ "Celebrating the Life and Work of Shaul Tchernichovsky, One of Modern Hebrew's Greatest Poets". web.nli.org.il.
- ^ "List of Bialik Prize recipients 1933–2004, Tel Aviv Municipality website" (PDF) (بە عیبری). Archived from the original (PDF) on 17 December 2007. ١٧ی کانوونی یەکەمی ٢٠٠٧ لە وەیبەک مەشین، ئەرشیڤ کراوە.
- ^ Nadav Shemer, The Jerusalem Post, 3 October 2011
- ^ "Israel announces new 50 shekel bill)". The Times of Israel.
 |
کۆمنزی ویکیمیدیا، میدیای پەیوەندیدار بە شاول تچێرنیچۆڤسکی تێدایە. |