زانکۆی کوردستان (سنە)

لەگەڵ زانکۆی کوردستان (ھەولێر) لێت تێک نەچێت.

زانکۆی کوردستان دانشگاە کردستان
بە لاتینی: University of Kurdistan
دامەزراندن	١٩٧٤ ١٩٩١ سەربەخۆبوون لە زانکۆی ڕازی
جۆر	میللی، حکومی
سەرۆکی زانکۆ	حامد قادرزادە (سەرپەرشت)
خوێندکاران	٩٤٤١ (٢٠١٩–٢٠٢٠)
شوێن	سنە, پارێزگای کوردستان, ئێران
کامپ	ناو شار
نازناو	UOK
ماڵپەڕ	https://www.uok.ac.ir/

زانکۆی کوردستان (بە ئینگلیزی: University Of Kurdistan) گەورەترین زانکۆی پارێزگای کوردستانی ئێرانە کە لە باشووری شاری سنە ھەڵکەوتووە. ساڵی ٢٠٠٧–٢٠٠٨ ی ئاکادێمیک، زانکۆی کوردستان پلەی ھەشتەمی لە نێوان زانکۆکانی ئێران دا بە دەست ھێنا کە لە ڕووی چەندێتی و چۆنێتی چالاکییە تۆژینەوەیییەکانیان دا ڕیزبەندی کرابوون. ھەروەھا لە ساڵی ئاکادێمیکی ٢٠٠٦–٢٠٠٧ دا، وەکوو یەکەمین زانکۆی ئێران کە زۆرترین گەشەی بووە ڕیزبەندی کراوە.

مێژوو

زانکۆی کوردستان، بۆ جاری یەکەم، لە نیوساڵی یەکەمی ساڵی ئاکادێمیکی ١٣٥٣–١٣٥٤ ک. ە (١٩٧٤ ز) بە ناوی یانەی زانستی باڵای سنە گرێدراو بە زانکۆی پەروەردەی مامۆستای تاران (بە فارسی: دانشسرای عالی سنندج وابستە بە دانشگاە تربیت معلم تھران)، لە ڕشتەی مامۆستایی بیرکاری، خوێندکاری وەرگرت. لە نیوساڵی یەکەمی ساڵی ئاکادێمیکی ١٣٥٦–١٣٥٥ ک. ە (١٩٧٥٤ ز)، دوای کەوتنەیەکی لەگەڵ زانکۆی ڕازیی کرماشان، وەکوو یەکێک لە بەشەکانی ئەو زانکۆیە، بە ناوی زانستگەی پەروەردەی مامۆستای سنە، جگە لە ڕشتەی مامۆستایی بیرکاری، لە ڕشتەگەلی شیمی و زمانی ئینگلیزیشدا خوێندکاری وەرگرت و بەم جۆرە چالاکییە فێرکارییەکانی درێژەپێدا. لە ساڵی ١٣٧٠ ک. ە وەزارەتی فەرھەنگ و خوێندنی باڵای ئەو کاتە، سەربەخۆ کارکردنی ئەو زانستگەیەی لەژێر ناوی زانکۆی کوردستان دا پەسەند کرد. لەو کاتە بە دوا، گەلێک ڕشتەی جۆربەجۆر بە کۆی ڕشتەکانی زانکۆی کوردستان ئیزافە بووە. زانکۆی کوردستان ئێستاکە زیاتر لە ١٠٠٠٠خوێندکاری ھەیە کە لە زۆرتر لە ٨٠ ڕشتە، لە ٧ زانکۆ، بە ٣ شێوەی ڕۆژانە، شەوانە و نیوە حوزووری خەریکی خوێندنن. لە ساڵی٢٠١٥ (١٣٩٤ ی ھەتاوی) لەم زانکۆ دا بۆ یەکەم جار لە ئێران ڕشتەی ئەدەبیاتی کوردی بە وەرگرتنی ٣٠ خوێندکار دەستی بە کار کرد

فاکەڵتییەکانی زانکۆی کوردستان

زانکۆی کوردستان ئەم حەوت زانکۆیەی خوارەوەی ھەیە:

• فاکەڵتیی زانستەکان
• فاکەڵتیی زانستە مرۆیی و کۆمەڵایەتییەکان
• فاکەڵتیی کشتوکاڵ
• فاکەڵتیی سەرچاوە سروشتییەکان
• فاکەڵتیی ئەندازیاری
• فاکەڵتیی وێژە و زمانە بیانییەکان
• فاکەڵتیی ھونەر و تەلارسازی (معماری)

زانکۆگەلی دیکەی شاری سنە

• زانستگای ئازادی ئیسلامی (لقی سنە)
• زانکۆی زانستە پزیشکییەکانی کوردستان
• زانستگای پەیامی نووری کوردستان
• زانکۆی مامۆستایانی سنە
• زانکۆی تەکنیکیی سنە
• زانکۆی زانست و بەکارھێنانی سنە

بەستەرە دەرەکییەکان

ماڵپەڕی زانکۆی کوردستان

پەڕتووکی زانکۆی کوردستان- سنە

زانکۆی کوردستان لە سنە ڕیزبەندی باشترین زانکۆی ئێرانی گرتووە