خولی نایابی کوردستان

لە ئینسایکڵۆپیدیای ئازادی ویکیپیدیاوە
Jump to navigation Jump to search

خولی نایابی کوردستان بەرزترین ئاستی کێبەرکێی یانەکانی تۆپی پێییە لە ھەرێمی کوردستاندا. ڕێکخەرەکەی یەکێتی تۆپی پێی کوردستان و لە وەرزی ٢٠٠٦-٢٠٠٧دا دەستی پیکردوە. ١٤ یانە بەشداری تێدا دەکەن و لە ھەر وەرزێکدا ٢ یانە دادەبەزن بۆ خولی پلە یەک. یەکەمین پاڵەوانی خولی نایاب یانە دھۆک بووە.لە ئێستادا بەڕێز سەفین کانەبی سەرۆکایەتی یەکێتیەکە دەکات و تا ئێستاش خولی کوردستانی تا ئاستێکی زۆر باش بردوە .

مێژوو[دەستکاری]

خولی نایابی کوردستان ، پێشبڕکێیەکی ساڵانەیە کە لەلایەن یەکێتی تۆپی پێی کوردستانەوە ڕێکدەخرێت ، سەرەتا ئەم خولە لە وەرزی ٢٠٠٦/ ٢٠٠٧ دەستی پێکرد بە بەشداری ۳۲ یانە کە دابەشکران بۆ چوار کۆمەڵە ھەر کۆمەڵەیەک لە ھەشت پێکھاتبوو ، چوار یانە لە ھەر کۆمەڵەیەک دابەزی بۆ خولی پلەیەک واتا ١٦ یانە لە ھەر چوار کۆمەڵەکە ، و ١٦ یانەش مایەوە لە خولی نایاب ، لە ھەر کۆمەڵەیەک ٢ یانە سەرکەوتن بۆ قۆناغی کۆتایی ، دواتر لە کۆتایی یانەی دھۆک بووە پاڵەوانی یەکەم وەرزی خولی نایابی کوردستان و یانەی ھەولێرش بووە خاوەنی پلەی دووەم ، لە وەرزی دواتر خولی نایابی کوردستان بە بەشداری ١٦ یانە بەڕێووە چوو ٢ یانەی کۆتایی ڕیزبەندی دادەبەزین بۆ خولی پلەیەک ، لە وەرزی ٢٠٠٧/ ٢٠٠٨ یانەی بروسک توانی بۆ یەکەمجار لە مێژووی خۆی ببێتە پاڵەوانی دووەم وەرزی خولی نایابی کوردستان ، لە وەرزی ٢٠٠٨/ ٢٠٠٩ بە ھەمان سیستەم بەڕێووە چوو یانەی بروسک بۆ دووەمجار لەسەر یەک بووە پاڵەوانی خولی بە کۆکردنەوەی ٦١ خاڵ و بە جیاوازی ٨ خاڵ لەگەڵ سیروانی نوێ دووەم بووە پاڵەوان و یانەی ھەندرێنیش پلەی سێیەمی بەدەستھێنا ، ھەر یەکە لە یانەکانی ئاڵا و سیمێڵ و زاخۆ و سلێمانی دابەزین بۆ خولی پلەیەک ، ئەمەش بەھۆی کەمکردنەوەی یانەکان لە ١٦ بۆ ١٤ یانە چوار یانە دابەزین.

لە وەرزی ٢٠٠٩/ ٢٠١٠ خولی نایابی کوردستان پاڵەوانێکی دیکەی بەخۆیەوە بینی لەم وەرزە یانەی ھەولێر بۆ یەکەمجار لە مێژووی خۆی توانی ببێتە پاڵەوانی خولی نایابی کوردستان ھەروەھا ئەم وەرزە بە بەشداری ١٤ یانە بەڕێوەچوو ،

لە وەرزی ٢٠١٠/ ٢٠١١ یانەی ھەندرێن توانی ببێتە پاڵەوانی ئەم وەرزە ،

لە وەرزی ٢٠١١/ ٢٠١٢ یانەی ھەولێر بۆ دووەمجار لە مێژووی خۆی بووە پاڵەوانی ئەم خولە ،

لە وەرزی ٢٠١٢/ ٢٠١٣ خولی نایابی کوردستان پاڵەوانێکو دیکەی بە خۆیەوە دیت ئەویش یانەی زێرەڤانی بوو کە توان بۆ یەکەمجار نازناوەکە بەدەستبھێنێت ، لە وەرزی ٢٠١٣/ ٢٠١٤ یانەی زێرەڤانی توانی بۆ دووەمجار لەسەریەک ببێتە پاڵەوان و نازناوەکە یەکلایی بکاتەوە و یانەی یانەی ھەولێرش پلەی دووەم و یانەی سلێمانی پلەی سێیەمی بەدەستھێنا ، ئەوەی جێی سەرسوڕمان بوو لەم وەرز یانەی کەرکوک لە قۆناغی یەکەم لە پلەی یەکەم بوو بەڵام لە کۆتایی پلەی حەوتەمی بەرکەوت ، لە وەرزی ٢٠١٤/ ٢٠١٥ یانەی زێرەڤانی بۆ سێیەم جار لەسەر یەک نازناوەکەی بەدەستھێنا دوای ڕکابەریەکی توند لەگەڵ ھە یەکە لە دھۆکی خاوەن پلەی دووەم و نەورۆزی پلەی سێیەم ، لەم وەرزی یانەی پێشمەرگەی سلێمانی بۆ یەکمجار دابەزی بۆ خولی یانە پلەیەکەکان ھاوشان لەگەڵ یانە بروسکی پاڵەوانی دوو وەرزی خولی نایاب کە پێش دەستپێکردنی خولەکە کشایەوە بەھۆی کێشەی دارایەوە .

پاڵەوانەکان[دەستکاری]

وەرز یانە
٢٠٠٦-٢٠٠٧ دھۆک
٢٠٠٧-٢٠٠٨ بروسک
٢٠٠٨-٢٠٠٩ بروسک
٢٠٠٩-٢٠١٠ ھەولێر
٢٠١٠-٢٠١١ ھەندرێن
٢٠١١-٢٠١٢ ھەولێر
٢٠١٢-٢٠١٣ زێرەڤانی
٢٠١٣-٢٠١٤ زێرەڤانی
٢٠١٤-٢٠١٥ زێرەڤانی
۲۰۱٥-۲۰۱٦ هەولێر
۲۰۱٦-۲۰۱۷ پێشمەرگەی هەولێر
۲۰۱۸-۲۰۱۷ زێرەڤانی
۲۰۱۸-٢٠١٩ پێشمەرگەی هەولێر