ویکیپیدیا:دیوەخان (پێشنیارەکان)

 سیاسەت تەکنیکی پێشنیارەکان جۆراوجۆر 

• خشتەی ناوەرۆک
• سەرەتای وتووێژ
• کۆتایی پەڕە

پێشنیار و بیرۆکە نوێکان لێرەدا وتووێژیان لەسەر دەکرێ. بەر لە دانانی پێشنیار: گۆڕانکارییە پێشنیارکراوەکانی نەرمامێر کە لەسەری پێکھاتوون دەبێ لە بەگزیلادا ڕاپۆرت بکرێ. گۆڕانکارییە پێشنیارکراوەکانی سیاسەت پەیوەندیی ھەیە بە ویکیپیدیا:دیوەخان (سیاسەت). وتارە نوێیە پێشنیارکراوەکان پەیوەندیی ھەیە بە ویکیپیدیا:وتارە پێشنیارکراوەکان.

« وتووێژە کۆنترەکان، ١، ٢، ٣، ٤، ٥

سیاسەت و کاری ویکیپیدیا و نیشانەکان

ئێمە هەر هەموومان ئەگەر بۆ یەک جاریش بێت یاریمان کردووە ئیتر هەر یارییەک بێت، لە یارییەکەدا وشەیەک نوسراوە بەناوی (mission) کەبریتییە (کارەکان) کە دەیکەینەوە نوسراوە ئەو کارە بکە و خەڵاتێکی لە بەرامبەردا وەرگرین، بۆیە منیش داوا دەکەم کە پڕۆژەیەک بۆ ویکیپیدیا دروستکەن و بە چەند کاریکی زۆر و نیشانەی زۆر ئێمە دەتوانیین هەم نیشانەکان بە شێوەیەکی دیموکراسیانە بەکارهێنەرەکان بەکاری بهێنین، هەم باشترکردنی وتارەکان

کارەکان دەتوانیین بە باشترین کار دایبنێن و بەشێوەیەک کە دڵنیام هەمووتان ھەی دەی تان کردووە، کە ئەویش کاری هەیە کە دانەیەک تەواو دەکەیت ئەوە دەچێتە کاریکی زەحمەتر کە هەر هەمان یاسایە

وەک: تەواوکردنی ١٠ سندوقی زانیاری. کە ئەم کارە تەواو کرا ببێت بە تەواو کردنی ١٠٠ سندوقی زانیاری.

ئەمەش لەسەر دەنگی بەڕێوبەران

بۆ خراپکاریش ئەو بەکارهێنەرانەی خراپکاریان پێکرد ئەوا دەتوانن ئێوەی بەڕێوبەران سەربەستیان بکەن، زۆر سوپاسئارۆ سالار محمود (لێدوان) ‏٠٨:٤١، ١٢ی تەممووزی ٢٠٢٢ (UTC)

بۆ ڕوونکردنەوەیەکی زیاتریش ئەم وتانەی کە لەسەرەوە باسمان کرد بەم شێوەیە بەڕیوە دەچێت

• دەبێت بەکارهێنەر نیشانەی سەرەکی هەبێت
• دەبێت هەر بەکارهێنەرێک پەڕیەکی تایبەت بە (mission)ی بۆ دابنرێت ئەمەش لەسەر شێوەی ڕۆبۆتی
• دەبێت بە سێ بەشەوە ئەنجام بدرێت کە بریتییە لە بۆ هەر (mission)نێک بریتی بێت لە سەرەتای ناوەندی زەحمەت، کە ئەمانە بەدوای یەکدا دێن لەدوای جێبەجێکردنی ئاسان دوای ناوەندی دوای زەحمەت.
• دەبێت ئەو (mission)نەی کە بۆی نوسراوە بە چاکی بیکات، نەوەک بە تێکچووی
• دەبێت لەسەر هەر (mission)ێک ئەو کارانەی بەکارهێنەری تێدابێت، وەک ئەوەی یەکسەر لەپەڕەکەی بەشێوەیەکی ڕۆبۆتی بۆی بنوسرێت.

هەرچەندە ئەم کارانە لە سەروو پلەی خۆمەوەیە بەڵام دەبێت ئێوەی بەکارهێنەرانی بەئەزموون یارمەتیم بدەن بەهۆی تواناو لێهاتوویتانەوە،

بەڵام من دەموێت لەسەرەتادا ١٠ بەکارهێنەری شارەزا بانگێشت بکەم بۆ ئەم پڕۆژەیە

@Sako Nanakli: @Sakura emad: @Aram: @Épine: @Calak: @Gyan333: @Kushared: @Serchia: @Pirehelokan: @Aza: دەموێت بڵێم لە هەرکاتێکدا دەنگدان لەسەر ئەم پڕۆژەیە ئەنجام بدرێت ئەوە بە تێکڕای دەنگ دەکرێت و هەرکەسێک بیەوێت دەنگ بدات ئەوا دەبێت بەژداربێت لەم پڕۆژەیەدا. سوپاس ئارۆ سالار محمود (لێدوان) ‏٠٩:٤٩، ١٣ی تەممووزی ٢٠٢٢ (UTC)

بەرێز @ئارۆ سالار محمود: بیرۆکەکەت جوانە ئەوەندەی لە مەبەستەکەت تێگەیشتم "دەتەوێت وەک پێشبڕکێیەک کارەکان بکرێت و پلەبەندی بۆ ھەر کارێک دابنرێت و ھەر بەکارھێنەرێک بەپێی ئاستی خۆی کارێک یان چەن کارێکی پێبدرێت و ئیتر بەپێی کارەکانی ئاستی بەرز بێتەوە و ئەرکەکانی زیاتر و زەحمەت تر بن، بۆ ھەر کارێکیش کە ئەنجامی دەدات خەڵاتی لە بەرامبەردا پێ بدرێت بەڵام خەڵاتەکە کێ دەیدات وە چییە؟" و ھەندێک لەوانەی تاگت کردوون ھیچ بەشداریان نەماوە یان ناتوانن بەچالاکی بەشداری بکەن لە ویکیپیدیا بۆ نموونە @Gyan333:، بەکارھێنەر:Épine. 🌸 Sakura emad 💖 (لێدوان) ‏١٨:١٠، ١٥ی تەممووزی ٢٠٢٢ (UTC)

@ئارۆ سالار محمود: سڵاو ، دیارە ئەوەندەی تێگەیشتبێتم ئەتەوێت پشبڕکێیەک لە نێوان بەکارهێنەران دروستبکەیت بۆ ئەوەی بتوانن زۆرترین سندوقی زانیاری وەڕبگێڕن، ئەگەر ئاوایە و مەبەستەکەت ئەوە بۆ ئەم قۆناغەی ئێمە کەمێک ئاسان نییە، بەتایبەت بەبێ پشتیوانی و خەڵات . پێشتر قەرارمان دەبوو پێشبڕکێەک ڕێکبخەین بۆ دانانی سەرچاوە بۆ ئەو وتارانەی بێ سەرچاوەن بە پشتیوانی ویکیمیدیا بەڵام وابزانم بەهۆی نەبوونی ژمارەیەکی زۆری بەکارهێنەر لە ویکیپیدیای کوردی کارەکە نەکرا .بۆیە هەر کارێک بەتایبەت لەو شێوەی جەنابت باسی دەکەیت ئاسان نییە بەتایبەت ئەم مەرجانەی تێدابێت قورس و گرانی و مامناوەن ، ئامانجی بەشی زۆری ئەوانەی لێرەن هەوڵدانە بۆ ئەوەی لانیکەم ژمارەی وتارەکان بگەیینە ئاستێکی زۆر باشە لەگەڵ بوونی ناوەڕۆکێکی باش .ئەمەش کەم کەس بە خۆبەخشی و بێ بێ چاوەڕوانی هیچ پاداشتێک ئەنجامی دەدات.لەگەڵ ئەوەش بوونی پڕۆژەی جیاواز لە نیشانەکانی پێشکەوتنی ویکیپیدیای کوردیدایە و لە قازانجیەتی ئەنجامیان بدات هەرچەند تا ئێستا چەن پڕۆژەیەک ئەنجام دراون ئێستاش پڕۆژەی شارەکانی ئێران لە بواری تەواوبووندایە.جا ئەگەر وادەزانی هەڵە تێگەیشتووم دەتوانی ڕوونکردنەوەی زیاتر بنوسی ، لەگەڵ ڕێزدا .Kurd2021 (لێدوان) ‏١٨:٠٩، ١٥ی تەممووزی ٢٠٢٢ (UTC)

بەڕێزان ڕاست دەکەن ئەمە ئەرکێکی قورسەو جێبەجێکیردنی کاتی دەوێت، بەڵام ئێمە دەتوانین وتارێکی ویکی لە سەرەتادا بۆ دروست بکەین، و دەتوانین بە چەند شێوەیەک کار دروستبکەین، ئەوەش حەزدەکەم یەکم کار ئێوە بینوسن، و دەزانین نیشانەکان زۆر لەمەوبەر دیاری کراوە، بەڵام نەخراوەتە بەرچاوی بەکارهێنەر و ئێمە دەتوانین بڵاویبکەینەوە لە پەڕەیەکدا، و بۆ کارەکان دەبێت لەیەکەو دوور بن

وەک دروستکردنی (چ ژمارەیە) وتارێک کە پێکهاتبێت لە ئەونە (ژمارە. سەردێڕ، ژمارە. ژێرسەردێڕ). یاخود بڵێن دروستکردنی ژمارە. وتاری (وەرزشی، هونەری، موسیقا)، ئیتر دەکەوێتە سەر ئەوەی چی بکەین.ئارۆ سالار محمود (لێدوان) ‏١٨:٤٤، ١٥ی تەممووزی ٢٠٢٢ (UTC)

@ئارۆ سالار محمود: گەر ھیچ قسەت نییە لەسەر پڕۆژەکە دەتەوێت دایبخەم، بە ھۆکاری ئەوەی نەکرا؟ یان دەتەوێت داواکارییەکە بەردەوام لێرە بێت؟ 🌸 Sakura emad 💖 (لێدوان) ‏٢٢:٠٤، ١١ی ئابی ٢٠٢٢ (UTC)

داوادەکەم بیسڕیتەوە و هەر دانەیەکی من کە دامناوە چوونکە هیچ کەسێک بێجگە لە تۆ و ئارام نایەنە سەر ئەم بەشەی ویکیپیدیا، لاخۆی دیوەخانە.🎻 𝓐𝓻𝓸 𝓼𝓪𝓵𝓪𝓻 🎻 (لێدوان) ‏٠٦:٠٠، ١٢ی ئابی ٢٠٢٢ (UTC)

@Sakura emad بێزەحمەت دایبخە Agent aro (لێدوان) ‏٠٦:٢٣، ١٩ی نیسانی ٢٠٢٣ (UTC)

گۆڕینی لۆگۆ بەپێی کات

نەکرا ٣ دژایەتی ١ پشتگیری Agent aro (لێدوان) ‏١٠:٠٦، ١٤ی ئایاری ٢٠٢٣ (UTC)

ئەم لێدوانە بەسراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

---

بانگەشتنامە

@Calak: @Kushared: @Pirehelokan: @Sarchia: @Aram: @Sakura emad: @Tessla: و هەرکەسێکی تر کە بییەوێت بەژداربێت

سڵاوتان لێبێت دەمەوێت ویکیپیدیا لۆگۆکانی بگۆڕێت ئەمیش بەپێی هەر بۆنەیەک کە دێتە بەردەمان لە ساڵەکەدا

مەبەست

مەبەستم لەوەیە کە لۆگۆی ویکیپیدیا بگۆڕدرێت بەپێی ئەو بۆنانەی کە دەنگی لەسەر دەدرێت لە پەڕەی تایبەتی ویکیپیدیا واتا پەڕەیەکی ویکیپیدیا دروست بکەین و لەو پەڕەیەدا دەنگ بدەین لەسەر ئەو لۆگۆیانەی کە دەمانەوێت دایبنیین بەپێی کاتی ئەمیش شتێکی تازە نییە بۆ ویکیپیدیا بەڵکو لە ویکیپیدیاکانی عەرەبی و فارسی و هیندی و چینی و ئینگلیزی کراوە، نەک تەنها بۆ بۆنەکان بەڵکو بۆ ئاهەنگی ویکیپیدیا کە ئەمەش سەرچاوەیە بۆ کارەکە

https://en.m.wikipedia.org/wiki/Wikipedia_logo#Gallery_of_logos

بەڵام دەمەوێت لە ویکیپیدیا کوردی بکرێت بە شتێک کە جیابکرێتەوە

دەنگدان

کارەکە باشە.پێشتریش کردوومانە. وابزانم بۆ نەورۆز لۆگۆکەمان دەگۆڕی؟ پیرەھەڵۆ (وتووێژ) ‏١٥:٠٦، ١٨ی نیسانی ٢٠٢٣ (UTC)

پشتگیری

• لەگەڵ هەندێک شت هەیە پێویستە هەمان بێت، جا لەبەر کوردایەتی بێت یان لەبەر هەر شتێکی تر بێت بەمەرجێک نەبێتەزیان. Tessla (وتووێژ) ‏١٦:٣٧، ١٨ی نیسانی ٢٠٢٣ (UTC)

دژایەتی

دژ - هەمان بۆچوونی کاک ئارامم هەیە. Kurd2021 (لێدوان) ‏١٧:٣٣، ١٩ی نیسانی ٢٠٢٣ (UTC)

دژ بیرورای بەڕێز ئارام سەبارەت بە ویکیپیدیا:بێلایەنی ڕوانگە زۆر جوان ڕوونکراوەتەوە و منیش لەگەڵیم —— 🌸 Sakura emad 💖 (لێدوان) ‏٠٨:٤٠، ٢٠ی نیسانی ٢٠٢٣ (UTC)

دژ لەگەڵ قسەکەی کاک ئارام، وە پێموایە لە قۆناغی ئێستادا تەنها دەبێتە هۆی بردنی کاتی بەکاربەران، کاتێک ژمارەی بەکارهێنەران زۆرتر بوون ئەوکاتە دەکرێت بیر لەم جوانکارییانە بکرێتەوە. Kushared (لێدوان) ‏٠٨:٥٧، ٢٠ی نیسانی ٢٠٢٣ (UTC)

لێدوان

سوپاس.‏بریکار ئارۆوتووێژ ‏١٣:٥١، ١٨ی نیسانی ٢٠٢٣ (UTC)

سڵاو Agent aro ئەو کەسانەی تاگت کردوون ئاگاداریان بۆ نەرۆشتووە. Tessla (وتووێژ) ‏١٤:١٢، ١٨ی نیسانی ٢٠٢٣ (UTC)

@Tessla نازانم ناڕوات ‏بریکار ئارۆوتووێژ ‏١٤:٥٦، ١٨ی نیسانی ٢٠٢٣ (UTC)

@Aram @Calak @Kushared @Sakura emad @Pirehelokan ‏بریکار ئارۆوتووێژ ‏١٤:٥٨، ١٨ی نیسانی ٢٠٢٣ (UTC)

@Agent aro: سپاس بۆ پێشنیارەکە. من ئەو کارەم تەنیا بۆ گەیشتن بە ڕێژەیەکی دیاریکراوی وتار پێ باشە و بڕوا ناکەم کەس ئەوەی پێ ناخۆش بێ. بڕوانە ئێرە و خۆشمان کە گەیشتین بە ٢٥٬٠٠٠ وتار لۆگۆمان گۆڕی و ئاھەنگمان گێڕا. بەڵام بۆ ھەموو شتێک نا چونکە پێم وا بێ لێرە نابێ ھەستی ئایینی و نەتەوایەتی تێکەڵی ویکیپیدیا بکەین چونکە بۆ نموونە (تەنیا نموونەیەکە) گەر تۆ بۆ جەژنی ڕەمەزان لۆگۆ بگۆڕی، ئەوا نابێ ڕێگری لە مەسیحییەکانی ئێرە بکەی کە بۆ جەژنی سەری ساڵی زایینی یان ھەر جەژنێکی تری خۆیان لۆگۆ بگۆڕن. ئاوا کەسانی تریش داوای گۆڕینی لۆگۆ بۆ بۆنەکانیان دەکەن و ئیتر ویکیپیدیا:بێلایەنی ڕوانگە دەنێینە لاوە. بۆ جەژنە نەتەوەیییەکانیش پێم باش نییە لۆگۆ بگۆڕین وەک چۆن لە داوایەک بۆ گۆڕینی لۆگۆ لە بۆنەی نەورۆز دژ بووم. بەکورتی تەنیا بۆ گەیشتن بە ڕێژەیەکی دیاریکراو لە وتار بە شتێکی خراپی نازانم. ⇐ئارام _{وتووێژ💭} ‏١٩:١٢، ١٨ی نیسانی ٢٠٢٣ (UTC)

بەڕێز @Aram ئەمەش وەک دیوەخانە و کۆمەڵگە بڕیار دەدات، واتا بەکۆی گشتی دەنگ ئێمە وەریدەگرین،.Agent aro (لێدوان) ‏١٩:٢٢، ١٨ی نیسانی ٢٠٢٣ (UTC)

باشە بەڕێز @Kurd2021: چ کێشەیەک لەمە دەبینیت، بەڕێز ئارام دەڵێت دەبێت کێشە ی بیروڕا، بەڵام من وتم کۆمەڵگە دەنگ دەدات خۆ من یەکسەر خۆم نایگۆڕم، تۆ چ کێشەیەک لەم قسانەی من دەبینیت؟.Agent aro (لێدوان) ‏٠٦:١٣، ٢٠ی نیسانی ٢٠٢٣ (UTC)

@Pirehelokan ڕاست دەکەیت دەنگمان دا بەڵام بەهۆی دواکەوتنی کارەکان و دەنگدان فریا نەکەوتین، بەڵام ئێستا بۆ گۆڕینی هەر لۆگۆیەک دەبێت بیست ڕۆژ پێش ئەوە داواکارییەکە لە پەڕەی ئایبەت بە گۆڕینی لۆگۆ ئەنجام بدەیت یان داوا بکەیت.Agent aro (لێدوان) ‏٠٨:٠١، ٢٠ی نیسانی ٢٠٢٣ (UTC)

@Agent aro پێم وانییە تێگەیشتن لەم بابەتە ئەوەندە قورس بێت کە پێویست بە ڕوونکردنەوەی زیاتر بکات، دەکرێت بۆ گەیشتن بە ژمارەیەکی دیارکراو لە وتار لۆگۆ بۆ ماوەیەک بگۆڕین من بۆ ئەوە گرفتێک نابینم بە تایبەت ئەگەر بگەینە ٥٠ یان ١٠٠ هەزار ناونیشان، کاتێک بۆ نەوڕۆز لۆگۆ بگۆڕین دەبێت بۆ بۆنەکانی دیکەش بیگۆرین. لەبیرمان نەچێت ویکیپیدیای کوردی تایبەتە بە زمانی کوردی نەک نەتەوەی کورد. Kurd2021 (لێدوان) ‏١٩:٠٠، ٢٠ی نیسانی ٢٠٢٣ (UTC) ----

ئەم وتووێژەی سەرەوە بەستراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

پێشنیاری گۆڕینی فۆنتی ویکیپیدیای کوردی

سڵاو، دەمەوێ پێشنیاری گۆڕینی فۆنتی ویکیپیدیای کوردی بکەم. لە ڤێرژنی مۆبایلی ویکیپیدیای کوردی (ckb.m.wikipedia.org) فۆنتی Segoe UI بەکارهاتووە کە فۆنتێکی تاڕادەیەک باشە و بۆ خوێندنەوە بێ کێشەیە، بەڵام لە ڤێرژنی کۆمپیوتەری ویکیپیدیای کوردی (ckb.wikipedia.org) فۆنتی Tahoma بەکارهاتووە، بەڕای من فۆنتێکی زۆر ناشرینە و خوێندنەوەی ناخۆش و بێزارکەرە.

من پێشنیار دەکەم یا ئەوەتا فۆنتی ڤێرژنی کۆمپیوتەریش بکرێرتە Segoe UI بۆ ئەوەی هەردووکیان وەک یەک بن، یانش لەوە باشتر فۆنتی هەردووکیان مۆبایل و کۆمپیوتەر بکرێنە Noto Naskh Arabic کە لەلایەن گووگڵەوە دروست کراوە و فۆنتێکی تا بڵێی سادە و ڕێک و جوانە و بۆ خوێندنەوە لە Segoe UI و Tahoma باشترە. بۆ زانیاریشتان ئەو فۆنتە لەسەر زۆربەی ئەپەکانی گووگڵ لە ئەندرۆید بەکارهاتووە بۆ زمانەکانی وەک عەرەبی و کوردی و ... دەتوانن لەو بەستەرەوە بیبینن Noto Naskh Arabic - Google Fonts فۆنتەکە مۆڵەتنامەی Open Font License بەکاردەهێنێت، وابزانم هیچ کێشەیەک لە بەکارهێنانی دروست نابێت. لەم بەستەرەوە دەتوانن نموونەی هەر سێ فۆنتەکە ببینین بەرامبەر یەک [نموونەی فۆنتەکان - https://drive.google.com/file/d/1ITQ_doAhh83lgZ2JpfWZ5wNGJyVyF9iw/view?usp=share_link] ئێوە ڕاتان چییە؟ 185.244.155.238 ‏١٩:٠٢، ١٠ی ئایاری ٢٠٢٣ (UTC) 185.244.155.238 ‏١٩:٣٣، ١٠ی ئایاری ٢٠٢٣ (UTC)

سڵاوت لێبێت پێشنیارەکەت باشە، بەڵام ئەمە لە ویکیپیدیا:نووسینی کوردی باسکراوە، کە دەڵیت ئەم فۆنتانە بۆ هەر جۆرێک لە موبایل یان کۆمیوتەر داڕێژراوەتەوە، بۆ زانیاری زیاتر داوا لەبەڕێز @Aram و @Sakura emad بکەین چونکە ئەوان باشتر دەزانن.Agent aro (لێدوان) ‏١٩:٤٩، ١٠ی ئایاری ٢٠٢٣ (UTC)

سڵاو @Agent aro:، سپاس بۆ ئەو ئای پییە کە بەجوانی باسی کردووە. کاک @Calak: پێم خۆش سەرەتا گوێبیستی ئێوە بم. چی دەڵێن؟ ⇐ئارام _{وتووێژ💭} ‏١٦:٤٧، ١٥ی حوزەیرانی ٢٠٢٣ (UTC)

پەرتووک

پەرتووک وشەیەکی کوردییە و ئێستا لە کۆمەڵگای کوردیدا سەیر و نامۆ نییە و پێم وایە جێگەی وشەی "کتێب"ی عەرەبی دەگرێتەوە، گەر بڵێن وشەکە نامۆیە بۆ کۆمەڵگە کەوایە بۆچی وشەی "نێودەوڵەتی" کراوە بە "نێونەتەوەیی" لە کاتێکدا زۆر نامۆیە؟، هیوادارم هەمان بۆچوونی منتان هەبێت و بۆ باشترکردنی زمانی کوردی و بەکارھێنانی وشەی ڕەسەنی کوردی یەکێک بێت لە کارەکانمان و وشەی پەرتووک وەک هەر وشەیەکی دیکە ئازادانە و بێ لابردن پەسەند بکرێت.

@Tessla @Aza @Calak @مامۆستا @Aram @Sakura emad

1silent scientist (لێدوان) ‏٢٠:٥٣، ١٤ی ئایاری ٢٠٢٣ (UTC)

@1silent scientist من لایەنگری بەکارھێنانی وشەی ڕەسەنی کوردیم. بەڵام پەرتووک ڕەسەن نییە. وشەیەکی بێ دایک و باوکە. پێشینەیەکی نییە لە زمان و ئەدەبی کوردیدا. ھیچ ڕەسەنایەتییەکی نییە. بەپێچەوانەوە، کتێب ڕەسەنە. چەن سەد ساڵە ھاتووەتە ناو کوردی و کوردیش کورداندوویە و بە ھیی خۆی کردووە. Aza (لێدوان) ‏٠٣:٢٢، ١٥ی ئایاری ٢٠٢٣ (UTC)

@1silent scientist: وەک کاک @Aza: وتی دیار نییە کە پەڕتووک لە چییەوە و چۆناوچۆن دروست بووە و ھاتووە. گەر تۆ دەزانی، ئێمەش تامەزرۆین بیزانین. ئەوەندەی دەقی وێژەییی کەڵە نووسەر و شاعیرەکانمانم بەرچاو کەوتبێت، وشەی پەڕتووکم نەدیوە و ھەر وشەی کتێبیان بەکاربردووە. سەبارەت بە وشەی نێونەتەوەیی، لە کورمانجیشدا ھەر نێونەتەوەییم بینیوە. ڕەنگە بۆ ئەم باسە کاک @Calak: قسەیەکی ھەبێت. ⇐ئارام _{وتووێژ💭} ‏١٤:٠٩، ٨ی حوزەیرانی ٢٠٢٣ (UTC)

@Aza و @Aram: ئەودەم کە لە ویکشنێری ئینگلیزیدا بەشداریم دەکرد تووشی وشەیەک ھاتم زۆر بۆم سەرنجراکێش بوو. وشەکە ئەرمەنیی کۆنە [١] کە پرتوو دەخوێنرێتەوە بە مانای پاپیرووس. ئەمە زۆر لە پەرتووک-ی سۆرانی و پرتووک-ی کرمانجی دەچێ و ماناکەشی نزیکە. بەڵام بەڕاستی نازانم ئەم لێکچوونە ڕواڵەتی بێ یان نا. ڕەنگە ھیچ پێوەندییەکان بەیەکەوە نەبێ.

بۆ نێونەتەوەیی-ش دیارە national دەبێتە نەتەوەیی. لەودیو دەڵێن نێودەوڵەتی چون بە عەرەبی دەڵێن دولي. چالاک _وتووێژ ‏١٠:٤٠، ١٣ی حوزەیرانی ٢٠٢٣ (UTC)

@Calak: ئەھا، زۆر سپاس بۆ لێدوانەکەت؛ لێدوانێکی بایەخدار بوو و شایەنی تێڕامانە. ئەگەر چی من ئەو مافە نادەمە خۆم کە توخنی بکەوم چونکە ناکرێ لەخۆمەوە (لانی کەم لە دوای لێدوانەکەتەوە) قسەی زیاتری لەسەر بکەم چونکە بەڕاستی بۆ ئەو کارە باش نیم و تەنیا حەزم کرد لە دەمی ئێوەوە شتێکی زیاتر لەسەر ئەو دوو وشەیە بزانم. با بانگی کاک @Pirehelokan: بکەین و ڕەنگە خامەی ئەوان باسەکە ڕەنگینتر بکەن. ⇐ئارام _{وتووێژ💭} ‏١٩:٤٣، ١٤ی حوزەیرانی ٢٠٢٣ (UTC)

@Aram: زۆر سپاس بۆ بانگکردنەکە و بۆ ئەو کراوەییە بە بیستنی ڕای خەڵکی تر. بەڕاستی ھاوڕێ ئارام یەکێک لەو بەکارھێنەرانەیە کە من سەرنجم داوە چۆن بەتێپەڕبوونی کات ئەزموونی زیادی کردووە و ھەمیشە سیاسەتەکان ڕچاو دەکات و بووە بە سەرمایەیەک بۆ ویکیی سۆرانی. بۆچوونی من لەسەر پەتیکردنەوەی زمان (purism)، بەتایبەت کوردی، لە قسەکەی ئازاوە نزیکە. ئەگەر وشەیەکی کوردی ھەبێت کە ڕیشەدار بێت و بزانین لە کوێوە ھاتووە من لەگەڵ ئەوەم ھەتا ئەوەی وشەی عەرەبی و تورکی و فارسی و ئینگلیزی بەکاربھێنین. ھۆکارەکەیشمی ئیدیۆلۆجیک نیە و ئەوە نیە بڵێم با ئەمە کۆمەک بکات بە دروستبوونی دەوڵەتی کوردستان یان زمانی کوردی پاکە و لە وشەی بێگانە خاوێنی بکەینەوە و... ھۆکاری سەرەکیم ئەوەیە کوردی زمانێکی نێودەوڵەتییە یانی لە چەند دەوڵەتدا قسەی پێدەکرێت و کوردەکانی پارچەکانی تر زۆرجار لە وشە خوازراوەکان تێناگەن. بۆ نموونە تۆ بڵێی موتابەعە یان مورتاح ڕەنگی کوردی سۆرانیی ڕۆژھەڵاتی کوردستان تێنەگات ھەروەھا کە ئەوان بڵێن قەیچی یا بازیکون ڕەنگە کوردی باشوور تێنەگات. بەڵام بۆ شتێک وەک کتێب یان قەڵەم یان شاعیر یان شەھید و... کوردی ھەموو بەشەکانی کوردستان دەزانن یانی چی. ئەگەرچی بە ڕیشە عەرەبی بن ئیستە مڵکی کوردین و من کێشەم لەگەڵیان نیە. پیرەھەڵۆ (وتووێژ) ‏٢٣:٠٤، ١٥ی حوزەیرانی ٢٠٢٣ (UTC)

زۆر سپاس کاک @Pirehelokan: بۆ لێدوان و ھەم ستایشەکەشت! وەڵا من لەو چەن وشەی کوردانی ڕۆژھەڵات کە دات نابوون حاڵی بووم؛ ھاوڕێیەکی کەرکووکیم ھەبوو و دەیوت ئێمە بە مەقەس ئەڵێین قەیچی. ئینجا بەھەرحاڵ، گەر خوا کات و توانا و تەمەن بدات، لە بەندەوە چاوەڕێی چتێکی زۆر گەورە بن و تامەزرۆی بن! ئیشەڵڵا ناگاتە ساڵێکی تر و گەر کەس پەنجەی ھەڕەشەمان بۆ درێژ نەکات، خەیری بۆ گشت لایەکی کوردزمان ھەیە. بەدەر لەوەش، ئەو چەند وشە کوردییە عەرەبییەی کە داتان نیا، خۆم دەمێکە نیازم وایە بیانخەینە ویکیفەرھەنگ. ئیشەڵڵا بانگتان دەکەم و کارێکی خۆمانە دەکەین. واتە لەبەر ئێوەی ئازیزانی ڕۆژھەڵات، چونکە بەڕاستی بەکارھێنەرانی ڕۆژھەڵات غەیری ویکیپیدیا خۆی نایەنە حیچ شوێن و پێگەیەکی تر و لێشتان تێدەگەین و مافی خۆتانە. سەرکەوتن! ⇐ئارام _{وتووێژ💭} ‏٠٦:٣٩، ١٦ی حوزەیرانی ٢٠٢٣ (UTC)

گۆڕینی لۆگۆی ویکیپیدیا

 کرا (لۆگۆی ژمارەی ٣ ھەڵبژێردرا: بەپێی زۆرینەی دەنگەکان) Nskoalj (لێدوان) ‏١٤:٤٧، ١١ی حوزەیرانی ٢٠٢٣ (UTC)

ئەم لێدوانە بەسراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

---

@Ahrir: @Serchia: @Calak: @Aza: @مامۆستا: @Amine: @Danial2703kurdistan: @Kurd2021: @Ayoub: @ArkanEN123: @MFTG: @Kushared: @Pirehelokan: @Aram: @Halbast420: @Paraw: @Muhammed taha: @Épine: @Haryad: @Abdurhman Ahmad: @فەرهاد: @هیوا: @کاردۆ جاف: @Tessla: @Sakura emad:

پێشنیار

لە ماوەیەکی نزیکدا وتارەکانی ویکیپیدیای کوردیی سۆرانی دەگاتە ٥٠٫٠٠٠ بۆیە پێشنیار دەکەم ئەو کاتەی کە وتارەکان گەیشنە ٥٠ ھەزار، بۆ ماوەی چەند ڕۆژان لۆگۆی ویکیپیدیا بگۆڕدرێت. Nskoalj (لێدوان) ‏١٩:٤٤، ٣١ی ئایاری ٢٠٢٣ (UTC)

لۆگۆی پێشنیار کراو

1. 
2. 
3. 

• یان ھەر کەسێکی دیکە دەتوانێت لۆگۆی خۆی بەبۆنەی گەیشتن بە ٥٠ ھەزار وتار ساز بکات و لێرەی دابنێت.

پشتگیری

• لەگەڵ -Aza (لێدوان) ‏١٩:٤٨، ٣١ی ئایاری ٢٠٢٣ (UTC)
• لەگەڵ دووەمین، چونکە زیاتر ئاھەنگگێڕانی پێوە دیارە. Tessla (وتووێژ) ‏٢٢:٠٣، ٣١ی ئایاری ٢٠٢٣ (UTC)
• لەگەڵ -Kurd2021 (لێدوان) ‏٠٨:١٣، ١ی حوزەیرانی ٢٠٢٣ (UTC)
• لەگەڵ، دووەم دانە مامۆستا (لێدوان) ‏١١:٥٦، ١ی حوزەیرانی ٢٠٢٣ (UTC)
• لەگەڵ —— 🌸 Sakura emad 💖 (لێدوان) ‏١٣:٢٥، ٧ی حوزەیرانی ٢٠٢٣ (UTC)
• لەگەڵ سێیەم. ھۆکارەکەم لە خوارەوە نووسیوە. ⇐ئارام _{وتووێژ💭} ‏٢١:٣١، ٧ی حوزەیرانی ٢٠٢٣ (UTC)

دژایەتی

 لێدوان:

@Tessla:@Nskoalj: من لە شتێک تێنەگەیشتم ئەم دەنگە لەگەڵانە بۆ کامە لۆگۆیە یەک یان دوو، لە فابریکەتر کامەی پێشنیار بکەین؟ —— 🌸 Sakura emad 💖 (لێدوان) ‏١٣:٢٨، ٧ی حوزەیرانی ٢٠٢٣ (UTC)

Sakura emad: من دەنگەکەی خۆمم ڕوون کردەوە ئێستا. Tessla (وتووێژ) ‏١٤:٥٣، ٧ی حوزەیرانی ٢٠٢٣ (UTC)

@Tessla ئەوەی یەکەم پەنجاهەزارەکەی جواننترە،تەنها ئەگەر ئاهەنگێرانەکەی بۆ زیاد بکەیت بەبێ بوونی ئەو شریتەی ناوەڕاست باشتر ئەبێت. Kurd2021 (لێدوان) ‏١٥:٢٧، ٧ی حوزەیرانی ٢٠٢٣ (UTC)

@Kurd2021: ئێمە ئەو دووانەمان پێشنیار کردووە، ئیتر با یەکێکیان هەڵبژێردرێت. ئەگەر @Nskoalj خۆی چاکی بکات ئەوە شتێکی ترە. Tessla (وتووێژ) ‏١٥:٣٠، ٧ی حوزەیرانی ٢٠٢٣ (UTC)

سەرەتا زۆر ببوورن و لەبەر ھێواشیی ھێڵی ئینتەرنێتەکەم نەمتوانی گرنگی بەم بەشە بدەم. @Nskoalj: سپاس بۆ کردنەوەی ئەم بەشە، و سپاس بۆ سەرجەم ئەو بەکارھێنەرانەی کە تا ئەم ڕۆژە ماندووبوون بەم پڕۆژەوە! ئێستا لۆگۆی ژمارە ٣ من زیادم کرد، بەڵام ھەر ئەوەی یەکەمە بێجگە لەوەی جۆرەکەی بریتییە لە svg نەک png چونکە بەڕاستی بۆ لۆگۆ سەردەم سەردەمی svgیە نەک png، و دەستکاریکردنی ئاسانترە. ئینجا خاڵی دووەمی جیاوازییەکە تەنیا ڕێنووسەکەیە کە ئەمیرییە. ئێستا تا کات ماوە و گەر دەتانەوێت ئەمیری بکەنە شتێکی تر یان دەستکاریی تری بکەن، ئەوا یان خۆتان بیکەن یانیش ئاگادارم بکەنەوە تا دەستکاریی بکەم. ئینجا @Sakura emad: ڕاست دەکات و دەبێ دەنگدەران بڵێن کە لەگەڵ کامە لۆگۆن. بۆ مەسەلەی فابریکەیتریش، پێویست ناکات و خۆمان دەیگۆڕین. :) ⇐ئارام _{وتووێژ💭} ‏٢١:٣١، ٧ی حوزەیرانی ٢٠٢٣ (UTC)

@Aram: @Tessla: @Sakura emad: @Kurd2021: سەرەتا سپاسی ھەمووتان دەکەم. من خۆم لەگەڵ سێیەمین دانەم کە کاک ئارام سازی کردووە و ھیوادارم ئەوەش ڕای خۆتان لەبارەی ئەو سێیانەدا بڵێن چۆن ئێستا تەنیا شەش وتار ماوە ھەتا ٥٠ ھەزار و با زوو ھەڵیبژێرین. Nskoalj (لێدوان) ‏١٢:٠٧، ٨ی حوزەیرانی ٢٠٢٣ (UTC)

منیش سێیەمم پێ باشە، بەڵام بەم ھێمایە «٫» بێ. یانی بەم شێوەیە ٥٠٫٠٠٠. ‎Gêjełûk ‏١٢:٢٣، ٨ی حوزەیرانی ٢٠٢٣ (UTC)

گەر بکرێ بۆ سێیەمی بێجگە لەمەش، «ویکیپیدیا ئینسایکڵۆپیدیای ئازاد» ھەندێک بێتە سەرتر و لە لۆگۆکە نزیکتر بێتەوە، وەکوو وێنەی سەرەکیی ویکیپیدیا. Nskoalj (لێدوان) ‏١٢:٥٦، ٨ی حوزەیرانی ٢٠٢٣ (UTC)

زۆر سپاس بۆ ئێوەش! @Gejeluk: ھێمای «٫» بۆ پۆینتە (بە نموونە ٤٫٥) نەک جیاکردنەوەی ڕەنووسی سێ ژمارەیی، کە بۆ ئەمەیان ھێمای «٬» بەکاردێت (بە نموونە ٥٠٬٠٠٠). بۆ ئەوەشی کە بۆچی کلکی بەرەو سەرەوەیە، ئەو شێوازی ئەمیری خۆی وایە. گەر دەتانەوێت، بیکەنە دانەیەکی تر (بەڵام ئازاد بێت)، ئەوا پێم بڵێن. @Nskoalj: بۆ نا؟ دەکرێ. ھیچی تر ھەیە؟ با بە یەک جار، گشت کارەکانی بکەین. ھەڵبەتە ھێشتا ئەوە ڕوون نییە کە زۆرینە لەگەڵ کام پەڕگەن. ⇐ئارام _{وتووێژ💭} ‏١٣:١٤، ٨ی حوزەیرانی ٢٠٢٣ (UTC)

@Aram: خۆتان لە ئێمە باشتر لە ویکیپیدیا دەزانن و بەئەزموونترن، بۆیە تکایە چۆن پێتان دروستترە وابکە، بزانین بەڕێزان چ دەڵێن. Nskoalj (لێدوان) ‏١٣:٢٢، ٨ی حوزەیرانی ٢٠٢٣ (UTC)

 منیش سێیەمم پێ باشە —— 🌸 Sakura emad 💖 (لێدوان) ‏١٣:٥٠، ٨ی حوزەیرانی ٢٠٢٣ (UTC)

Aram: ھەرچەند هەمووان لەسەر ڕای سێیەمن، سێیەمیش باشە بەس کێشەی سادەیی تێ دەبینم، واتا گەر شریتی ئاهەنگەکەی وێنەی دووەم، یان پارچە ڕەنگەکانی دوای لۆگۆکە زیاد بکرایە، ڕەنگە باشتر بوایە. Tessla (وتووێژ) ‏١٤:٠١، ٨ی حوزەیرانی ٢٠٢٣ (UTC)

بۆ ماوەکەی پێم باشە ھەتا ٢٠ی حوزەیران بێت، واتە لە ئەمڕۆ یان سبەینێ (کاتێک بووبە ٥٠ ھەزار وتار) ھەتا کۆتاییی ٢٠ی حوزەیران (١١-١٢ ڕۆژ). ئێوەش لەو بابەتەدا ڕای خۆتان بڵێن. Nskoalj (لێدوان) ‏١٤:١٧، ٨ی حوزەیرانی ٢٠٢٣ (UTC)

@Nskoalj: خەجاڵەتم و حەدم نییە لە کەستان زیاتر بزانم. @Tessla: وەڵا من ھەر خۆم شتی سادەم پێ جوانە. ئەو وێنەیەی دووەم pngیە و ئاسان ناکرێتە svg. بشکرێت، وەک خۆی دەرناچێت. بۆ ماوەکە، ھەڵە نەبم کە گەشتینە ٢٥٬٠٠٠ وتار تەنیا بۆ دوو حەفتە دامان نا، بەڵام لەبەرئەوەی چەند ساڵ جارێک ئەمە ڕوودەدات، پێشنیار دەکەم تا سەری مانگ ھەبێت. ⇐ئارام _{وتووێژ💭} ‏١٤:٥٥، ٨ی حوزەیرانی ٢٠٢٣ (UTC)

@Aram: ڕێزت ھەیە. منیش ئەو جۆرەم پێ باشترە. ھەر ئەو جۆرەی ئاماژەتان پێکرد پێموانەبێ ھەتا ١٠٠ ھەزار وتار کەس پێشنیاری گۆڕینی لۆگۆ بکات، بۆیە منیش لەگەڵ ئێوەم و پێم باشە ھەتا ئاخیری حوزەیران دابندرێت. ھێندەمان نەماوە ھەتا ٥٠ ھەزار با وردە وردە ساغبینەوە. Nskoalj (لێدوان) ‏١٥:٠١، ٨ی حوزەیرانی ٢٠٢٣ (UTC)

وابزانم ناتوانین تا ئاخیری حوزەیران چاوەڕێ بکەین ھەر ئێستا بووین بە 50 ھەزار وتار @Aram ئەتوانیت بیگۆڕیت؟ —— 🌸 Sakura emad 💖 (لێدوان) ‏١٥:١٩، ٨ی حوزەیرانی ٢٠٢٣ (UTC)

@Sakura emad: مەبەست لە ئەمڕۆ ھەتا ئاخیری حوزەیرانە. @Aram: تکایە گەر دەتوانی وێنەکە دابنێ و دواتر گەر شتێکی بەرچاو بوو دەتوانین دەستکاری لە وێنەکەدا بکەین بەڵام خوودی لۆگۆکە دانەین تەواوە. ئەھا لەبیرم چوو بڵێم پیرۆزە لە ھەمووان :) Nskoalj (لێدوان) ‏١٥:٣٢، ٨ی حوزەیرانی ٢٠٢٣ (UTC)

گەیشتن بەم ژمارەیە ئاسان نەبوو هەچەند دەکرا زووتر بگەین بە ژمارەی گەورەتر بەڵام ئیتر بەداخەوە هەر ئەوەندە دەرفەت هەیە، سەبارەت بە لۆگۆکە دیارە من پێشتر پێشنیارم هەبوو وە باسم کرد، بەڵام ئێستا پێم وایە سێیەم خراپ نییە.Kurd2021 (لێدوان) ‏١٦:٣٧، ٨ی حوزەیرانی ٢٠٢٣ (UTC)

 کرا. زۆر زۆر سپاس بۆ ھەمووتان! ⇐ئارام _{وتووێژ💭} ‏١٨:٣٩، ٨ی حوزەیرانی ٢٠٢٣ (UTC)

@Aram لۆگۆکە تۆزێک بچووکە ئەتوانیت تۆزێک گەورەتری بکەیت؟ واتا 50 ھەزار وتار بە ڕوونی دەرناکەوێت. —— 🌸 Sakura emad 💖 (لێدوان) ‏٢٠:٠٢، ٨ی حوزەیرانی ٢٠٢٣ (UTC)

@Sakura emad وەڵا ڕاست دەکەیت. دەقی «٥٠٬٠٠٠ وتار»ەکەم ئەوپەڕی گەورە کردەوە و پێم وا بێت ئێستا دەخوێندرێتەوە. بەس بۆ ڤێکتۆرە تازەکە ھەر خۆی مەجالەکەی کەم بوو و مەگەر شاشەکە نزیک بکەیتەوە ئەگینا نووسینەکە دیار نییە. :) ئەوەم لەبیر چوو کە من تەنیا بۆ پێستەی ڤێکتۆرە کۆن و تازەکە لۆگۆکانم گۆڕیوە و دەستکاریی ئەوانی ترم نەکردووە چونکە پێم وا نییە کەس ئیشیان پێ بکات. زۆر سپاس! ⇐ئارام _{وتووێژ💭} ‏١٣:١٨، ٩ی حوزەیرانی ٢٠٢٣ (UTC)

ئێستا زۆر باشتر دیارە ^__^ دەستەکانت خۆش. —— 🌸 Sakura emad 💖 (لێدوان) ‏١٥:٣٠، ٩ی حوزەیرانی ٢٠٢٣ (UTC)

---

ئەم وتووێژەی سەرەوە بەستراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

وتاری ھەڵبژێردراو

پەسەند کرا:بەپێی دەنگ. Tessla (وتووێژ) ‏١٧:٤٤، ١٥ی حوزەیرانی ٢٠٢٣ (UTC)

ئەم لێدوانە بەسراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

---

بەناوی خوای گەورە و میھرەبان (بِسْمِ اللَّـهِ الرَّحْمَـٰنِ الرَّحِيمِ)، بەکارھێنەر و بەڕێوەبەرانی ویکی کوردی (سۆرانی)، دەمەوێت پێشنیارێک سەبارەت بە ویکییەکەمان بکەم لە پەڕەی دەسپتێک. ئێوەش ڕای خۆتان (پێشنیارەکانتان) بخەنەڕوو.

بابەتی سەرەکی

ئازیزان، وەک دەزانن ویکی سۆرانی لەئێستادا ھێندە بەکارهێنەری چالاکی نییە، چ بەڕێوەبەر و چ بەکارهێنەری ئاسایی بێت، بۆیە حەزم کرد پێنشیاری ئەوە بکەم، وەک ویکی تورکی و ویکی عەرەبی لە پەڕەی دەستپێک وتاری هەڵبژێردراو بکەین بە (وتاری هەڵبژێردراوی هەفتە؛ یان وتاری هەڵبژێردراوی ئەمڕۆ)، ڕاستە ئێمە وەک ویکی تورکی و عەرەبی وتاری هەڵبژێردراومان نییە، بۆیە ناتوانین بەباشی بڵێین وتاری هەڵبژێردراوی ئەمڕۆ، باشترە بڵێین وتاری هەڵبژێردراوی هەفتە، ٥١ وتاری هەڵبژێردراوی ڕاستەوخۆمان هەیە، سێ بۆ چواریش لە ڕێگەدایە، دەتوانین هەفتە بە هەفتە وتارە کۆنەکانیش بێنینەوە سەر پەڕەی دەستپێک، خۆ ناکرێت هەر یەکجار بکرێنە سەر پەڕەی دەستپێک و پاشان ببنە مێژوو و بکرێنە ئەرشیڤ و ئیتر تەواو. لەبەرئەوەی من لە ئێستادا ئەتوانم بڵێم چالاکم، خۆم بە ئەنجامدانی گۆڕینی وتارەکانی سەر پەڕەی دەستپێک هەڵدەستم، خۆ کەسێکی تریش بیکات ئەوە خراپ نابێت. هەرچەنە ناشزانم سەبارەت بە ویکی فارسی هەفتەیە یان مانگانەیە یان چی. وە هەروەها وتارەکە گەر لە پێنج شەممان بگۆڕدرێت گونجاو دەبێت، یان لە کام ڕۆژ بێت؟! (ڕاتان بڵێن). ئەمە پێشنیارەکەی منە و هیوادارم هۆکاری دژتان بنووسن، یان گەر نیشە ئەوا دەنگی خۆتان وەک پشتگیری بخەنەڕوو. سپاس و پێزانینم هەیە بۆ خوێنەرانی ئەم پێنشیارە.

بانگھێشتنامە

@Aram ، @Sakura emad ، @Calak ، @Serchia ، @Kushared ، @Pirehelokan ، @Aza ، @Gejeluk ، @Nskoalj ، @1silent scientist ، @Central Kurdish ، @Mamozk ، @MFTG ، @مامۆستا . Tessla (وتووێژ) ‏١٥:١٣، ١٤ی حوزەیرانی ٢٠٢٣ (UTC)

دەنگەکان

پشتگیری

• لەگەڵ Tessla (وتووێژ) ‏١٥:١٦، ١٤ی حوزەیرانی ٢٠٢٣ (UTC)

• لەگەڵ -Aza (لێدوان) ‏١٧:٠٢، ١٤ی حوزەیرانی ٢٠٢٣ (UTC)
• لەگەڵ ماندوو نەبن. Central Kurdish (لێدوان) ‏١٧:٤١، ١٤ی حوزەیرانی ٢٠٢٣ (UTC)
• لەگەڵ.Agent aro (لێدوان) ‏١٨:٤٨، ١٤ی حوزەیرانی ٢٠٢٣ (UTC)
• لەگەڵ Kushared (لێدوان) ‏١٨:٥٣، ١٤ی حوزەیرانی ٢٠٢٣ (UTC)
• لەگەڵ Kurd2021 (لێدوان) ‏١٩:٠٦، ١٤ی حوزەیرانی ٢٠٢٣ (UTC)

دژایەتی

• دژ، وتاری پێویستمان نییە. ‎Gêjełûk ‏١٥:٤٥، ١٥ی حوزەیرانی ٢٠٢٣ (UTC)
• دژ بۆ ئێستا. حەزم نەکرد ئەم دەنگە بدەم، بەڵام بۆ ئێستا ئەمە باش نییە تا بڕێ وتاری ھەڵبژێردراوی زانستیمان زیاد دەبێت. ئەم دۆخەی ئێستای وتارە ھەڵبژێردراوەکان تێیدان زیاتر پێگەی فیلم و زنجیرەم بیر دەخاتەوە. بێگومان دەستخۆشیم ھەیە بۆ ماندووبوونتان و من ناتوانم کەس ناچار بکەم کە چی وتارێک بنووسێت و چی نەنووسێت، بەڵام پێم باشترە گرنگییەکی زیاتر بدرێتە وتارە زانستییەکان، پزیشکییەکان، ژیاننامەکان و... تا باشترینەکانیان ھەڵبژێردرێن ئینجا ئەو کاتە لەگەڵی دەبم. لە خوارەوەش لێدوانی زیاترم داوە. ⇐ئارام _{وتووێژ💭} ‏١٦:٢٥، ١٥ی حوزەیرانی ٢٠٢٣ (UTC)

 لێدوان:

سپاس. ئەگەر شتێک بێت بە ئۆتۆماتیک بکرێت چاکە بەڵام بە دەستی ئەرکمان زیاد دەکات و چاک نیە. پیرەھەڵۆ (وتووێژ) ‏١٦:٤٨، ١٤ی حوزەیرانی ٢٠٢٣ (UTC)

ڕاستییەکەی کاک پیرەھەڵۆ لەبەرئەوەی من بەڕێوەبەری تەکنیکی نیم، بۆیە ناتوانم دەستکاری کۆد و کارە ئۆتۆماتیکییەکان بکەم، بەڵام گەر مەبەستت لە ئەرکەکە بێت، ئەوە من لەو باوەڕەدا نیم دووربکەومەوە لە ویکی تا ئەم کارە ئەنجام نەدرێت هەموو سەری هەفتەیەک، بۆیە نابێتە کێشە. سپاس بۆتۆش برای من. Tessla (وتووێژ) ‏١٧:٥٥، ١٤ی حوزەیرانی ٢٠٢٣ (UTC)

@Tessla: هەرچەندە بانگ نەکراوم بەڵام لە دواین گۆڕانکارییەکاندا بینیم پێم جوان بوو بۆیە بەژداریم کرد. بەڕای من دەبێت پێش دانانەوەی وتارە هەڵبژێردراوەکە دووبارە لەناو وتارەکەدا وتووێژێکی ئاسای بکرێتەوە و دووبارە وتارەکە چاکسازی تێدا بکرێت بەڵام وا باشترە تیمێکی دایاریکراوی بۆ دابنرێت، تا کاتی دیاریکراو بە تەواوەتی دەنگ نادەم.Agent aro (لێدوان) ‏١٦:٥٢، ١٤ی حوزەیرانی ٢٠٢٣ (UTC)

Agent aro: ڕاستی بڵێم من لێرەیا هەڵەم کردووە کە تۆم بانگ نەکردووە، چونکە ئەو کەسانەی سەرەوە چالاکیان زۆر بووە و تۆش یەکێکی لەوان بەس دیارە بیرم چووە. (بەهەرحاڵ)، کاکە ئارۆ سەبارەت بە وتووێژی وتارەکە، ئەوە نابێتە کێشە، چونکە وتارەکان پێشتر دەنگیان لەسەر دراوە و ئامادەییەکی باشیان هەیە بۆ دووبارە دانانەوە، بۆیە پێویستی پێ نییە. سەبارەت بە تیمەکە، تیمی بۆچییە؟ گەر تۆ توانیت ئەوا سەری هەفتە بیکە بە وتارە نوێیە هەڵبژێردراوەکە، گەر وتاری نوێ نەبوو ئەوا یەکێکی تر دابنێ. ناشزانم گەر هاوڕێیان سەبارەت بە تیمەکە پێشنیاریان هەبێت. Tessla (وتووێژ) ‏١٧:٥٥، ١٤ی حوزەیرانی ٢٠٢٣ (UTC)

لەگەڵی دەبم Agent aro (لێدوان) ‏١٨:٤٨، ١٤ی حوزەیرانی ٢٠٢٣ (UTC)

• سڵاو @Tessla: ئەمە ڕای منە. بێگومان بیرۆکەیەکی زۆر باشە، بەڵام نەک بۆ ٥٠ وتار، بەڵکوو کە گەیشتینە ١٠٠ وتار ئینجا کاتێکی زۆر گونجاوە تا گۆڕینەکە بکرێتە ھەفتانە. وەختی خۆی ھەوڵمان دا کە گۆڕینی مانگانە بکەینە خۆگەڕ، بەڵام بەداخەوە میدیاویکی تەنیا پشتگیریی گۆڕینی ڕۆژانە و ھەفتانەی دەکرد، بۆیە نەکرا. ئینجا من زوو ئەم گۆڕینی مانگانەیەم کردە نیمچەخۆگەڕ، بەس لەسەر لابردن یان لانەبردنی باجی وتاری ھەڵبژێردراوی ٤ وتار یەکلایی نەبووینەوە و ئیتر درێژەی پێ نەدرا. بڕوانە باسەکە و ئەو کارەی کە من کردبووم. ⇐ئارام _{وتووێژ💭} ‏١٩:٢٣، ١٤ی حوزەیرانی ٢٠٢٣ (UTC)

  سڵاو لەتۆش کاکە Aram: پێشتر سەیری وتووێژەکانتانم کردبوو و دووبارەش دڵنیایم کردەوە لێی، بەڵێ ڕاست دەکەیت درێژەی زیاتری پێ نەدرابوو وتووێژەکان. بەس کاکە ئارام ڕایەکشت ڕاستە سەبارەت بە کەمی وتارە هەڵبژێردراوەکانمان و هەڵبەت لەسەریشەوە خۆشم باسێکیم کردبوو (گەر تێبینیت کردبێت)، بەس کێشە نییە با ئەمجارە خۆمان بگونجێنین لەگەڵ ئەم شێوازە و سەرەتامانە. ئەو چوار وتارەش ڕۆژێک دێت چارەسەر دەکرێن کێشەکانی بێ خەمبە لەوە. سپاس. Tessla (وتووێژ) ‏٢٠:٤٨، ١٤ی حوزەیرانی ٢٠٢٣ (UTC)

  @Tessla: بەخوا برا ٥٠ وتار زۆر زۆر کەمە بۆ ئەو ئامانجەی دات ناوە. کە بووینە ١٠٠ وتار من خۆم ئەو کارە دەکەم. بە نێو وتارە ھەڵبژێردراوەکان بگەڕێیت زیاتر وتاری فیلم زنجیرە و ئەمانە دەبینیت نەک وتارێکی زانستی یان ژیاننامە. ئێستا پەیامەکەم گەیشت؟ سپاس بۆ ماندووبوونتان! ⇐ئارام _{وتووێژ💭} ‏١٠:٣٥، ١٥ی حوزەیرانی ٢٠٢٣ (UTC)

  @Aram: ئەخر دەبێت بیرێک لەوەش بکەینەوە: (دڵنیا نیم کە ٢٠٠٤ یان کەی ویکی سۆرانی دروست کرا یان جیاکرایەوە، بەڵام لەو کاتەوە تا ئێستا بیھێنە پێش چاوت کە تازە ٥٠ وتاری هەڵبژێردراو دروستکراوە، واتا چەندین ساڵ دەکات کە تازە گەیشتووین بەو ڕاددەیە، ئەی دەبێت چەن ساڵی تر بوەستین بۆ گەیشتن بە ١٠٠ وتار کاکە ئارام!. با ئەوشمان لەبیر نەچێت کە پێشتر وەرگێڕی مایکرۆسۆفت هەبوو، و وە چەندین مانگە وەرگێڕی گووگڵیش هاتووە، ئەمانە بۆ یارمەتیدان پێویستین، بەڵام وتارێکی وامان بۆ هەڵبژێردراو نەبووە. هەڵبەت ڕەنگە کاتێک بگەین بە ١٠٠ وتاری هەڵبژێردراو کە ئەوکاتە من و تۆ مناڵمان لە قوتابخانە بێت، یان گەیشتبین بە شوێنێک یان چوزانم ڕەنگە خانەنشین بووبێتین. ئاخۆ چۆن بگەین بە ١٠٠ وتار لەکاتێکا بەکارهێنەری چالاک کە پێشتر دروستکەری وتاری هەڵبژێردراو بوونە ئێستا نماون لێرە.)، نازانم ئێستا چۆن بیریش ئەکەیتەوە، گەر شتێکی تریشت هەبێت پێمی بڵێ. (بەس با ئەوەش بڵێم تخوا: من توانیوومە کەمێک ویکیپیدیا هەڵبستێنمەوە، بەڵام گەر نەتوانم چەن شتێکم پێویست بێت و نەیانکەم، ئەوکات لەو ڕۆژە دەترسم منیش هێزی ویکیم نەمێنێت). Tessla (وتووێژ) ‏١١:٠٧، ١٥ی حوزەیرانی ٢٠٢٣ (UTC)

  @Tessla: بیر لەوە بکەینەوە، ھەر ئەو کاتە چەند سەد وتاری ھەڵبژێردراومان دەبوو چونکە ئەو کاتە بەکاربەر زۆر زیاتر بوون تا ئێستا. ئینجا ویکیپیدیای ئەو کاتە و ئێستا فەرقی زۆرە. ئێستا بەکاربەر ھەر ماندوو نابێت و بە گووگڵ تڕانزلەیت وتار وەردەگێڕێت کەچی ئەو کاتە ھیچ شتێکی وا و ئاسانکارییەکی وا نەکرابوو. ئێستا بە حەفتەیەک ١٠٠ وتار دەنووسرێت و بڵاودەکرێتەوە. بە چاوتروکانێک وتاری ھەڵبژێردراومان بۆ دروست دەبێت. واتا ئێستا ئاسانکاریی زۆر ھەیە و کردنی ئەو پەنجا وتارە بە سەد بۆ ئەم سەردەمەی ئێستا کارێکی گران نییە و بڕوا ناکەم ساڵێکی پێ بچێت. ھەڵبەت من تەنیا بۆچوونی خۆم دەربڕیوە و چی بە باش دەزانن ئەوە بکەن. ⇐ئارام _{وتووێژ💭} ‏١٤:٥٨، ١٥ی حوزەیرانی ٢٠٢٣ (UTC)

  @Aram: دەی ئەوەتا کاکە ئارام، خۆشت دەڵێیت گریمان ساڵێکی پێ بچێت، گەر ئێمە ئەم پڕۆژەیە وا لێ بکەین، ئەوا ٥٤ وتاری هەڵبژێردراو لەماوەی ساڵێکە لە پەڕەی دەستپێک دەبن و دەگۆڕدرێن بۆ ئەو پەنجا وتارە نوێیەی لەماوەی ئەم یەک ساڵە دروستمان کردوون. واتا هەر لەماوەی ئەم ساڵەدا وتارە نوێییەکانیش دائەنرێن، گەر چەقاین و وتاری نوێمان نەبوو، ئەوا کۆنەکان دائەنرێتەوە تا دانەیەکی نوێ دروست دەکرێت. باوەر ناکەم کێشەبێت ئەمە بەڕاستی. (دەزانم تەنھا ڕای خۆتە، بەڵام بەگشتپرسی شتەکە بچێت بەڕێوە خۆشترە، و هەڵبەت مافی ئەوەم هەیە بۆ کەمێکیش بێت بتوانم ڕازیت بکەم کەمێک لەگەڵمان بیت بۆ بەڕێوەچوونی ئەم پێشنیارە). Tessla (وتووێژ) ‏١٥:٠٥، ١٥ی حوزەیرانی ٢٠٢٣ (UTC)

  @Aram بەڕاستی نوسینی وتارە زانستییەکان زۆر زەحمەترە لە وەرگێڕانی وتارێکی فیلم، بەڕای من بۆ هەمووکەسێک کە لە ویکیپیدیایە، گەر تۆ لەبەشی کۆمپیوتەریت وتارێک وەربگێڕە کە باسی کۆمپیوتەر دەکات و ئەوانەی دیکەش وەک ئەمە، من وەکو خۆم وەرگێڕی فیلمم لە پەیجێک لێرەش فیلم وەردەگێڕم، گەر ئێمە لە ئێستاوە ئەم کارە ئەنجام بدەین ئەوا باشتر دەبین، بەڵام لە کۆنەوە هەر گرینگی دراوە بە فیلم، بۆیە ئاوها دواکەوتووە Agent aro (لێدوان) ‏١٧:١٤، ١٥ی حوزەیرانی ٢٠٢٣ (UTC)

  ----

ئەم وتووێژەی سەرەوە بەستراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

سەری داتابۆکس

سڵاو @Aram ، @Agent aro ، @Gejeluk ، @Sakura emad ، @Kurd2021 ، وە ئەوانی تریش. پێم باشە کە سەری داتابۆکس ڕەنگی لەسەر نەمێنێت، و بەشێوەیەکی ساددە دەربکەوێت، ئاوا جوانییەکی زۆرتر بە وتارەکە دەدات بەڕای من. ڕای ئێوە چییە لەسەری لادانی ڕەنگەکە. Tessla (وتووێژ) ‏١٤:١٧، ١٦ی حوزەیرانی ٢٠٢٣ (UTC)

@Tesslaئەو رەنگەی سەر ناونیشانی وتارەکە پێم وایە خراپ نییە و جوانە. Kurd2021 (لێدوان) ‏١٤:٤٦، ١٦ی حوزەیرانی ٢٠٢٣ (UTC)

@Kurd2021: دەزانم خراپ نییە، بەڵام نازانم وک بڵێی جوانترە بۆکسی زانیاریدان هەموویان یەک بن، نەک هەنێکی ڕەنگی نەبێت و هەنێکی هەیبێت. بۆیە دەڵێم هەمووی ساددە بن جوانترە. Tessla (وتووێژ) ‏١٤:٥٨، ١٦ی حوزەیرانی ٢٠٢٣ (UTC)

@Tessla خۆی ناوەکە دەکەوێتە ناو چوارچێوەکەوە بۆیە جوانیەکەی پێی دەبەخشێت ئەگەر بچێتە دەرەوەی چوارچێوەکە لەوەیە جوان نەبێت،بەلام لەگەڵ ئەوەش ئەگەر هەمویان یەک بن ئەوە خراپ نییە. Kurd2021 (لێدوان) ‏١٦:٠٥، ١٦ی حوزەیرانی ٢٠٢٣ (UTC)

@Kurd2021: گەر بزانم ناوەکە دەچێتە دەرەوەی چوارچێوەکە، ئەوا منیش پێم جوان نەدەبوو، بەڵام هەڵە نەبم لە چوارچێوەکە دەرناچێت. ئەوەیان کاک ئارام دەیزانێت، و ڕەنگە دواتر لێدوانی خۆی بدات. Tessla (وتووێژ) ‏١٦:٠٧، ١٦ی حوزەیرانی ٢٠٢٣ (UTC)

@Tessla داتا بۆکسەکان، ئەوانەی ڕەنگیان لەسەرە هی ویکیدراوە، گەر بۆلسی ویکیدراو نەهێڵرێت، ئەوا ئەو کێشەیە نامێنێت Agent aro (لێدوان) ‏١٧:١٨، ١٦ی حوزەیرانی ٢٠٢٣ (UTC)

@Tessla بەس وەڵای زۆر جوانە، هەقە هەر بیکەین بە یاسا بۆ سندوقی هەموو وتارێک دابنرێت Agent aro (لێدوان) ‏١٧:٢٠، ١٦ی حوزەیرانی ٢٠٢٣ (UTC)

@Agent aro: لە قسەکەی سەرەوەت تێنەگەیشتم ڕاستییەکەی. بەس نابێت بکرێت بە یاسا، چونکە بۆ وتاری باش و وتاری هەڵبژێردراو نابێت داتابۆکس بەکاربەرین، شتێکی جوان نابێت بۆ کێش و باڵی وتارەکە. Tessla (وتووێژ) ‏١٧:٢٧، ١٦ی حوزەیرانی ٢٠٢٣ (UTC)

خۆزگە ئەم باسانە لە جێگەی دروستی خۆیان (وتووێژی داڕێژە:Databox) دەکران. گەر ویستتان ڕەنگەکە لادەن، بانگم بکەن. ⇐ئارام _{وتووێژ💭} ‏٢٠:٢٢، ١٦ی حوزەیرانی ٢٠٢٣ (UTC)

@Tessla گەر ئەوەی تۆ دەیڵێیت گەر بۆ داتا بۆکس بێت لەگەڵتم، بەڵام گەر بۆ بۆکسی زانیاری بێت من ڕازی نیم Agent aro (لێدوان) ‏٢٠:٢٥، ١٦ی حوزەیرانی ٢٠٢٣ (UTC)

@Agent aro: ئەوەی من دەیڵێم پەیوەندی تەنھا بە داتابۆکس هەیە، نەک بۆکسەکانی تر. Tessla (وتووێژ) ‏٢٠:٣١، ١٦ی حوزەیرانی ٢٠٢٣ (UTC)

پشتگیەیت دەکەم @Tessla، هەندێک جاریش وشە ڕەنگ کراوەکان لە ناوەڕاستدا ناوەستێت دێتە لای دەستە ڕاست، تکایە ئەوەش چاک بکەن Agent aro (لێدوان) ‏٢٢:١١، ١٦ی حوزەیرانی ٢٠٢٣ (UTC)

سپاس بۆ لێدوانەکان، ئەوانە کاک ئارام دەیزانیت. @Aram: کاکە ئەوە Kurd2021یش دەڵێت شتێکی خراپ نییە، واتا پێی باشە، هەروەها Aroش دەڵێت لەگەڵتانم. جا ئەگەر بتوانیت ڕەنگەکە لابدەیت باشەبێت. لەشت ساغ. Tessla (وتووێژ) ‏٠٨:٣٥، ١٧ی حوزەیرانی ٢٠٢٣ (UTC)