ویکیپیدیا:پرسگا

پرسگای ویکیپیدیا

• ئەم پەڕەیە تەنیا بۆ ئەو پرسیارانەیە کە دەربارەی چۆنییەتیی بەکارھێنان یان دەستکاریکردنی ویکیپیدیان. بۆ ھەر چەشنە پرسیارێکی تر، سندووقی گەڕان یان مێزی زانیاری بەکار بھێنە.
• ھەڵمەستە بە پێدانی ناونیشانی ئیمەیلەکەت یان ھەر زانیارییەکی تری پەیوەندی. وەڵامەکان تەنیا لەسەر ئەم پەڕەیە دەستەبەر دەکرێن.
• ئێمە ھەموومان خۆبەخشین، بۆیە لەوانەیە وەڵامدانەوە ھەندێک کاتی بوێت. تکایە پشوودرێژ بە. ناوەناوە بگەڕێوە و ئەم پەڕەیە بپشکنە تا بزانی ئاخۆ پرسیارەکەت وەڵام دراوەتەوە یان نا.
• بەکارھێنەرە نوێیەکان: لەکاتێکدا پرسگا شوێنێکی باشە تا پرسیارەکانت بکەیت، دەشێت بەکارھێنەرە نوێیەکان وا بە باش بزانن داوای یارمەتی لە چایخانە، کە شوێنێکی تایبەتە بۆ بەکارھێنەرە نوێیەکان تا ڕێنوینییان لەسەر دەستکاریکردن، دروستکردنی وتار، و بەکارھێنانی ویکیپیدیا بەگشتی، لە ژینگەیەکی دۆستانە دەست بکەوێت.

ئایا , چۆن بتوانم ناوبانگم هەبێ؟

ئایا,چۆن بتوانم ناوبانگم هەبێت؟ سەنا, (لێدوان) ‏١٧:٢١، ١١ی کانوونی دووەمی ٢٠٢٣ (UTC)

@سەنا, سڵاو مەبەستت لە چییە لە ناوبانگ؟.ئارۆ سالار محمود (لێدوان) ‏١١:٣٩، ٢٧ی شوباتی ٢٠٢٣ (UTC)

تەختەکلیل

پاش دانانی بابەتەکان یان پێداچوونەوە بەردەوام کێشەی تەختەکلیل دێتە سەرەوە و دەڵێت کیبۆردەکەت پیتی نەگونجاوی تێدایە. دوایین تەختەکلیلی ویندۆز بۆ خۆی لەسەر سیستەمەکەمە، تکایە پێم بڵێن چۆنی چارەسەر کەم نەیتەوە. Arma1991 (لێدوان) ‏١٢:١٦، ٢٤ی شوباتی ٢٠٢٣ (UTC)

سڵاو @Arma1991: بڕوانە ئێرە. ⇐ئارام _{وتووێژ💭} ‏١٣:٠٨، ٢٤ی شوباتی ٢٠٢٣ (UTC)

ماڵت ئاوا، ئەی پرسیارێکی دیکە زەحمەت نییە، ماوەیەک دەرفەتم هەیە و کۆمەڵە وتارێکیشم بەردەستە بۆ ئەوەی ئامادەی بکەم و لێرە داینێم. بۆ وەرگێڕان پێشنیار یان شتێکی گونجاوتان نییە کار لەسەر وەرگێڕانی بەشێکی گونجاو بکەم. کۆی ئەو شتانەی بۆ وەرگێڕان پێشنیاریان دەکات بابەتگەلێکن کە پێم خۆش نییە. هیچ پێشنیار یان لیستێکتان نییە وەک پڕۆژەیەکی بەکەڵکتر کاری لەسەر بکرێت؟ بۆ وەرگێڕان لە فارسی و ئینگلیزییەوە بۆ کوردی کێشەم نییە Arma1991 (لێدوان) ‏١٣:١٩، ٢٤ی شوباتی ٢٠٢٣ (UTC)

@Arma1991: بەرێوەڵا، ھەیە. بڕوانە وپ:وس٤ کە ناونیشانی ١٠٬٠٠٠ وتاری تێدا پێڕست کراوە و دەتوانیت لەو بەشانەی کە پێت خۆشە کاریان تێدا بکەیت بگەڕێیت و ناونیشانی گونجاو بدۆزیتەوە. بەڵام پێڕستەکە کۆنە و لەوانەیە ھەندێک وتار دروست کرابێتن. ⇐ئارام _{وتووێژ💭} ‏١٧:٠٩، ٢٤ی شوباتی ٢٠٢٣ (UTC)

سپاس کاکی من. Arma1991 (لێدوان) ‏١٩:٤٤، ٢٤ی شوباتی ٢٠٢٣ (UTC)

@Arma1991: سەرچاو کاکە، ڕاستی، سەبارەت بە پرسیاری پێشنیارکردنی وتار، ئەمڕۆ چاوم بە کۆمەڵێک ھاوڕێ کەوت و زانیم دوو ھاوڕێ لەوان ئامڕازێکیان دروست کردووە کە ئەو وتارانەی لە زۆر زمان ھەن، بەڵام لە ویکیپیدیای کوردی نین پیشان دەدات. لە ئێستادا تەنیا پشتگیری لە وتارەکانی شار و کەسایەتییەکان دەکات. سەردانی https://wiki.devs.krd بکە. ئیشەڵڵا ئەو پێڕستانەی سەرەوەش لە دەرفەتێکدا نوێ دەکەمەوە. ⇐ئارام _{وتووێژ💭} ‏١٨:٤٧، ٢٥ی شوباتی ٢٠٢٣ (UTC)

دەست و چاوت خۆش و پڕ سپاس برای من، ئەو پێرستە دوێنێش داتاننا بەڵام سەردانم کرد شتێکی وام دەست نەکەوت. بۆ ئەوەی ئێستا داتانناوە دەست خۆش و ئەگەریش ئەو پێرستەتان نوێ کردەوە مەمنوون دەبم بۆم دانێن. Arma1991 (لێدوان) ‏١٨:٥٠، ٢٥ی شوباتی ٢٠٢٣ (UTC)

@Arma1991: سەرچاوانم، بەستەرەکانی پێڕستەکانی وپ:وس٤ نوێ کرانەوە. گەر بگەڕێی، شتی باشی تێدایە. دەتوانی لە خشتەکە بچیتە ئەو پێڕستەی دەتەوێت. بۆ نموونە بڕۆ بۆ ویکیپیدیا:وتارە سەرەکییەکان/ئاست/٤/کەسایەتییەکان. بەستەرە سوورەکان واتە لە ویکیی ئینگلیزی ھەن، بەڵام لای خۆمان نا. ⇐ئارام _{وتووێژ💭} ‏٢٠:٠٠، ٢٥ی شوباتی ٢٠٢٣ (UTC)

چارەسەرکردنی بەستەرێک

ئیلۆمیناتی تکایە ئەدمێنێک کە توانای هەیە ئەو لاپەڕەیە گرێ بداتە لاپەڕەی ئینگلیزییەکەیەوە. نازانم لەبەرچی بۆ من جێبەجێ نابێ. هەروەها وەکوو دووبارەکردنەوەی داواکارییەک ئەگەر لیستەیەکتان بەردەستدایە بۆ وەرگێڕان کە پێتان بەکەڵکترە لەسەر فارسی و ئینگلیزییەوە بۆ کوردی ماوەیەک کاتم هەیە و خەریکم کار دەکەم، بەڵام کۆی ئەو شتانەی پێشنیاریان دەکات شتێک نین خواستی من بێت یان پێم بەکەڵک بن، ئەگەر شتی بەکەڵکتان پێ شک دێ و بابەت هەیە پێتان وایە سوودی زیاترە وەک یەکەمایەتی تکایە بیناسێنن و سپاس و پێزانین. Arma1991 (لێدوان) ‏١٥:٠٨، ٢٥ی شوباتی ٢٠٢٣ (UTC)

سڵاو @Arma1991، وتارەکە بەسترایەوە تەواو. سەبارەت بە وتاری گرینگ، بڕوانە ئێرە و کام وتارەت پێ باشە دەتوانیت وەریان بگێڕیت، سوپاس. Tessla (وتووێژ) ‏١٦:٠٦، ٢٥ی شوباتی ٢٠٢٣ (UTC)

داواکارییەک

ئەپیکور ئەدمینێکی بەڕێز، تکایە چاوێک بەو لاپەڕەیەدا بخشێنن و ئەگەر کێشەی نییە لەگەڵ لاپەڕەی سەرەکی گرێی بدەن، خۆم یان نازانم یان ئەو دەسەڵاتەم نییە، هەندێ بابەت لەگەڵ لاپەڕە سەرەکییەکان گرێ نادات و تاقیشم کردۆتەوە ڕێگام نادات بۆ خۆم چاکی بکەم، بەستەری وتاری سەرەکی: https://en.wikipedia.org/wiki/Epicurus Arma1991 (لێدوان) ‏١٧:٥٢، ٢٨ی شوباتی ٢٠٢٣ (UTC)

@Arma1991 وتارەکەم بۆ گرێدایت بە وتارە ئینگلیزییەکەوە، بەڵام ئیتر پێویست ناکات هەر لە پرسگا داوای گرێدان بکەیت وتووێژ بکەرەوە لە پەڕەکەم بۆ ئاسانکاری خۆت ئارۆ سالار محمود (لێدوان) ‏١٨:٤٦، ٢٨ی شوباتی ٢٠٢٣ (UTC)

داواکارییەک

نەتەوەی بێ دەوڵەت

بەشی ئینگلیزی ئەو لاپەڕەیە خشتەیەکی گەورەی تێدایە، بێ زەحمەت کەسێک بۆم بێنێتە نێو کوردییەکەی، بۆ خۆم زانیاریم لەسەر هەڵگرتنی ئەو جۆرە داڕێژەیە نییە. ئەگەر ڕێگای گواستنەوەی هەیە مەمنوون دەبم بۆ دانێن، نووسراوەکانی بۆ خۆم وەردەگێڕمەوە تەنیا خشتەکەم دەوێ. سپاس Arma1991 (لێدوان) ‏٠٨:١٩، ١ی ئازاری ٢٠٢٣ (UTC)