فوئاد مەعسووم
فوئاد مەعسووم | |
|---|---|
 | |
| لەدایکبوون | ١٩٣٨ |
| نیشتەجێی | عێراق |
| نەتەوە | کورد |
| پیشە | سەرۆک کۆماری عێراق |
| پێش | جەلال تاڵەبانی |
| حیزبی سیاسی | یەکێتیی نیشتمانیی کوردستان |
| ئایین | ئیسلام |
| ھاوسەر | ڕوناک |
| مناڵ(ەکان) | جوان |
فوئاد مەعسووم ناوی تەواوی محەممەد فوئاد مەعسووم خدر ھەورامی سیاسەتوانێکی ناسراوی کوردە. لە ساڵی ٢٠١٤ی زایینیدا لەلایەن پەرلەمانی عێراقەوە بۆ سەرۆک کۆماری عێراق ھەڵبژێردرا و بوو بە حەوتەم سەرۆک کۆماری عێراق و دووەمین سەرۆک کۆماری کورد کە سەرۆکایەتی عێراقیان کردبێت (لە دوای جەلال تاڵەبانی). فوئاد مەعسووم لە ساڵی ١٩٣٨ لە شاری کۆیە لە بنەماڵەیەکی ئایینیدا لەدایکبووە.[١]
ژیان
[دەستکاری]فوئاد مەعسووم لە شاری کۆیە لەدایکبووە. بنەماڵەی ئەو پێشتر لە ناوچەی ھەورامانەوە ھاتوون بۆ شاری کۆیە.[٢] ئەو لە قوتابخانە ئایینییەکانی کوردستان دەستی بە خوێندن کرد. دواتر لە زانکۆی بەغدا شەریعەتی ئیسلامی خوێند.[٣] لە ساڵی ١٩٥٨ بۆ شاری قاھیرە کۆچی کرد ھەتاکوو بتوانێت درێژە بە خوێندنەکانی لە زانکۆی ئەزھەر بدات.[٤] دواتر لە ساڵی ١٩٦٨ لە زانکۆی بەسرە بە مامۆستایی وەگیرا.[٣] فوئاد مەعسووم لە ساڵی ١٩٧٥ بڕوانامەی PhD لە فەلسەفەی ئیسلامی لە زانکۆی ئەزھەر وەرگرت کە تێزەکەی لەسەر ئیخوان موسلیمین بووە لەژێر ناونیشانی (إخوان الصفا فلسفتهم وأفكارهم).[٣][٥]
ژیانی سیاسی
[دەستکاری]حیزبی شیوعی
[دەستکاری]لە ساڵی ١٩٦٢دا فوئاد مەعسووم بوو بە ئەندامی حیزبی شیوعی عێراق و ھەتا ساڵی ١٩٦٤ ھەر ئەندامی ئەم حیزبە بوو. لە ئەم ساڵەدا (١٩٦٤) لە دوای سەفەر بۆ سووریا و چاوپێکەوتنێک لەگەڵ خالید بەکداش، سکرتێری ئەوکاتی حیزبی شیوعی،[٢] دوای پێزانین بەوەی کە خالید بەکداش ھەرچەند کە خۆی بە ڕەچەڵەک کوردە بەڵام دژ بە کورد خەبات دەکات، لە حیزبی شیوعی ھەڵگەڕاوە و بوو بە ئەندامی پارتی دیموکراتی کوردستان.[٦]
حیزبی دیموکڕاتی کوردستان
[دەستکاری]لە ساڵی ١٩٦٨دا مەعسووم نوێنەری پارتی دیموکڕاتی کوردستان بوو لە بەسرە. ھەروەھا ئەو ھەتا ساڵی ١٩٧٥ نوێنەری شۆڕشی کورد بوو لە پایتەختی وڵاتی میسر، قاھیرە.[٢] لە ساڵی ١٩٧٦دا مەعسووم یەکێک لە بناغەدانەرانی یەکێتیی نیشتمانیی کوردستان بوو.[٦] ساڵی ١٩٩٢ بوو بە یەکەم سەرۆک وەزیرانی کوردستان.[٦] لە ساڵی ٢٠٠٣ و دوای ڕووخانی ڕژیمی بەعس، مەعسووم یەکێک بوو لە نوێنەرانی کورد کە چوونە بەغدا و لە پڕۆسەی نووسینی پێشنوونی یاسای بنەڕەتی عێراقدا بەشداریان کرد.[٢] لە خولی یەکەمی پەرلەمانی کوردستان ئەندامی پەرلەمان بووە.[٧]
سەرۆک کۆماری
[دەستکاری]
لە ساڵی ٢٠١٤دا فوئاد مەعسووم بە بەدەستھێنانی ٢١١ دەنگ لە پەرلەمانی عێراق بوو بە حەوتەمین سەرۆککۆماری عێراق.[٨]
ژیانی ھاوسەری
[دەستکاری]فوئاد مەعسووم لەگەڵ ڕووناک عەبدولوەحید مستەفا ھاوسەرگیری کردووە و پێنج کچی ھەیە: شیرین، جوان، زۆزان، شیلان و ویان. ئەو ھەروەھا کوڕێکیشی بوو بە ناوی شوان کە بەھۆی نەخۆشییەوە گیانی لە دەست دا.[٩]
سەرچاوەکان
[دەستکاری]- ^ تۆڕی میدیایی ڕووداو - ژیاننامەی فوئاد مەعسووم
- ^ ئ ا ب پ http://www.alsumaria.tv/news/106401/من-هو-فؤاد-معصوم-رئيس-جمهورية-العراق/ar
- ^ ئ ا ب http://www.bbc.co.uk/arabic/middleeast/2014/07/140724_fouad_massoum_profile.shtml
- ^ «وەشانی ئەرشیڤکراو». لە ڕەسەنەکە لە ٢٧ی تەممووزی ٢٠١٤ ئەرشیڤ کراوە. لە ٢٤ی تەممووزی ٢٠١٧ ھێنراوە.
- ^ http://rudaw.net/sorani/middleeast/iraq/29072014 ، تێزی دکتۆرا
- ^ ئ ا ب «وەشانی ئەرشیڤکراو». لە ڕەسەنەکە لە ١٤ی ئابی ٢٠١٤ ئەرشیڤ کراوە. لە ٢٦ی تەممووزی ٢٠١٤ ھێنراوە.
- ^ پەرلەمانی کوردستان-عێراق: مێژووی ھەڵبژاردن خولی یەکەم ١٩٩٢ (بە سۆرانی)؛ سەردان لە ١٠ی کانوونی یەکەمی ٢٠٢٣.
- ^ http://www.worldbulletin.net/headlines/141288/iraq-selects-fuad-masum-as-new-president
- ^ «وەشانی ئەرشیڤکراو». لە ڕەسەنەکە لە ٢٨ی تەممووزی ٢٠١٤ ئەرشیڤ کراوە. لە ٢٤ی تەممووزی ٢٠١٤ ھێنراوە. ٢٨ی تەممووزی ٢٠١٤ لە وەیبەک مەشین، ئەرشیڤ کراوە.
| ھەرێمی کوردستان (١٩٩٢-١٩٩٤) |
|  | |||
|---|---|---|---|---|---|
| سەرۆک وەزیرانی ناوچەکان |
| ||||
| ھەرێمی کوردستان |
| ||||
| کۆماری عێراق (١٩٥٨–٢٠٠٣) |
| |||
|---|---|---|---|---|
| ھاوپەیمانی دەسەڵاتی کاتی (٢٠٠٣–٢٠٠٤) |
| |||
| کۆماری عێراق (لەوەتەی ٢٠٠٤) |
| |||
* کاتی † سەربازی | ||||
.svg){kind=small}
.svg){kind=small}
.svg){kind=small}
.svg){kind=small}
 |
کۆمنزی ویکیمیدیا، میدیای پەیوەندیدار بە فوئاد مەعسووم تێدایە. |