شاوک

شاوک Shawk
گوند
وڵات	کوردستان عێراق
پارێزگا	سلێمانی
قەزا	قەزای چەمچەماڵ
ناحیە	ناحیەی قادرکەرەم
بەرزایی	٤٠٤ مەتر (١٬٣٢٥ پێ)
زمان و ئایین
• زمان	کوردی (سۆرانی)
• ئایین	سوننی شافعی

شاوک گوندێکە، کەوتووەتە ناحیەی قادرکەرەم، قەزای چەمچەماڵ، پارێزگای سلێمانی، باشووری کوردستان.

جوگرافیا

شاوک لە باکوور ھاوسنوورە لەگەڵ گوندی قەڵامیکائیلی بچوک و لە باشوور لەگەڵ گوندی ئیبراھیم غوڵام و لە ڕۆژھەڵات لەگەڵ گوندی لەک ھیدایەت لە ڕۆژاوا لەگەڵ گوندی ئالیاوە.

مێژوو

مێژووی دروستبوون و ئاوەدانكردنەوەی گوندەکەمان.

دیارە مێژووی دروست بوونی ئەم گوندە دەگەڕێتەوە بۆ سەرەتا یان ناوڕاستی ساڵانی(1800) زاینی (كە ناوزەندە بەسەدەی نۆزدەیەم) ، واتا بنیاتنانی ئەم گوندە نزیك بووەتەوە لە دوو سەدە ، بە بەڵگەی ئەوەی بنیاتنەری ئەم گوندە كەسێك بووە بە ناوی"سید أحمد" ەوە كە كوڕێكی هەبووە بەناوی (سید أمین) ەوە  كە لە نێو دەڤەرەكەدا ناسراو بووە بە "عەمین ئەحە" كە باپیری"سید حمید" بووە،هەر لەبەر ئەمەش بووە کە خەڵکی گوندی شاووك بە خێڵ [عەمین ئەحە] ناسراوبوون ،دیارە سید حمید یش كە دەكاتە كوڕەزای سید ئەحمەد لە ساڵی (1865) لە دایك بووە كە ناسنامەی باری شارستانی ناوبراو تا ئێستاش ماوە ، لەبەر ئەوە ئەگەر وادابنین لە نێوان باپیرو كوڕەزادا (50)ساڵ هەبێت ئەوە مەزەندە دەكرێت كە ساڵی لە دایك بوونی "سید أحمد" نزیك بێت لە ساڵی(1815) ەوە،

بەنموونە  تەمەنی کوڕە گەورەکەی سید حمید کەناوی[حاجی محمد]بووە جیاوازی تەمەنی لەگەڵ باوکی [35] ساڵ بووە ،چونکە حاجی محمد لە ساڵی (1900) لە دایک بووە،واتا لە نێو باوک و کوڕدا سی و پێنچ ساڵ هەبێ ئەوە نزیکە لە نێو باپیر و کوڕەزادا پەنچا ساڵ زیاتر بێت،وە دەشبێت کەمتر لە پەنجا ساڵیش هەبێت،بۆیە ئێمە پەنجا ساڵمان بە نموونەی جیاوزی تەمەنی باپیرو کوڕەزا وەرگرت.

لەبەر ئەوە ئەكرێت باپیرە گەورەی شاوكیەكان ئەو وەختەی هاتووەتە گوندەكەو  و بنیاتی نابێت تەمەنی نزیك بێت لە نێوان ساڵەكانی (1840 یان 1850) ەوە، لەبەر ئەوە بە پێی ئەم شیكاریە دەتوانین بڵین بە تەقریبی سەرەتای بیناتنانی ئەم گوندە دەگەڕێتەوە بۆ سەرەتا یان ناوڕاستی سەدەی نۆزدەیەمی ڕابردوو .

وێنەکان : وێنەی باری شارستانی "سید حمید" .وە گوندی شاوك  له نێو نەخشەی  گوندەكانى ناحیەی قادرکەرەمدا .

بؤ زياتر زانيارى:دیارە جنسیەی ئەو سەردەمە لە چەند پەڕەیەك پێك هاتووە جیاواز بە ناسنامەی ئەم سەردەمە لەو جیاوازیانەش ناوی هەڵگری ناسنامەو ناوی باوكی تێدابووە بەڵام ناوی باپیری تیدانیە،چەند پەڕەیەكی تری تێدایە لەوانە پەڕەی (حوادث النكاح) وە پەڕەی(الطلاق والافتراق) وە پەڕەی(حوادث) وە پەڕەی(تغییر المسكن) وە پەڕەی(المعاملات) وە پەڕەی(العسكریە) وە پەڕەی كۆتایش ژمارەیەك لەمادەی قانوونی تێدایە كە ژمارەیان دەگاتە(8)مادەی قانوونی.

کەواتە:ناسنامەی ئەو دەمە هەم جنسیە بووە، وە عقد الزواج بووە،وە دەفتەر خدمە بووە،وە تەید سەکن بووە، هەموو ئەمانەو زانیاری زیاتری تێدابووە.

نوسینی بابەت :مامۆستا خلیل فهمی شاوکی

ئەمانەش ببینە

• گوندەکانی پارێزگای سلێمانی