دەروازە:کایەی ڤیدیۆیی

لە ئینسایکڵۆپیدیای ئازادی ویکیپیدیاوە

بەخێربێن!

کایەی ڤیدیۆیی یان کایەی ئەلیکترۆنی یان کایەی کۆمپیوتەر بریتییە لە کایەیەکی دروستکراو لەلایەن کۆمپیتەرەوە، وە بە گشتی کایەی پێدەکرێت بە سیستمی کایەی ڤیدیۆ کە پەخش دەکرێت لەسەر تەلەڤیزیۆن دوای گەیاندنی ئامێرەکە پێیەوە. ئامێری کارکردن لە کایەی ڤیدیۆییدا بە گشتی بریتییە لە دەستی کۆنتڕۆڵ، یان دوگمە (لە ئامێرەکانی ئەرکەیددا)، یان مشک، وە چەندەھای تر. کایەی ڤیدیۆ دەکرێت کار بکات لەسەر ئامێری تایبەت کە دەگەیەندرێت بە تەلەڤیزیۆن یان ئامێری دەستی یان کۆمپیوتەر یان مۆبایل یان کۆمپویتەری گیرفانی.

وتاری ھەڵبژێردراو

ڕوەکەکان دژی زۆمبییەکان: شەڕی باخچە (بە ئینگلیزی: Plants Vs Zombies: Garden Warfare) کایەیەکی ڤیدیۆییی فرەیاریزانی تەقەکەری کەسی سێیەم و بەرگری لە بورجی ساڵی ٢٠١٤یە. لە لایەن پۆپ کاپ گەیمز پەرەی پێ دراوە و لە لایەن ئێلیکترۆنیک ئاڕتس بڵاو کراوەتەوە. سێیەمین کایەی فرەنچایزی ڕوەکەکان دژی زۆمبییەکانە. کایەکە بە دەوری کۆمەڵێک ڕوەک دەسووڕێتەوە کە مرۆڤایەتی لە داگیرکاریی زۆمبییەکان دەپارێزن. لە یارییەکەدا یاریزانەکان کۆنترۆڵی ڕوەکەکان (لەژێر دەستی کرەیزی دەیڤ) یان زۆمبییەکان (لەژێر دەستی دکتۆر زۆمبۆس) دەکەن، ئەمە لەکاتێکدایە بە چەندین شێوازی وەک "فرە یاریزان و کێبڕکێ"دا شەڕ دەکەن. دوای تەواوکردنی یارییەکان و تەواوکردنی ئامانجەکان، یاریزانەکان سکە بەدەستدەھێنن بۆ بەدەستھێنانی "چەسپ" کە شتە تایبەتەکان و جۆرەکانی کەسایەتییەکانی پێ دەکەنەوە. کۆمپانیای پۆپکەپ گەیمز لە سەرەتای ساڵی ٢٠١٢ دەستی بە پەرەپێدانی شەڕی باخچە کردووە. بڕیاریان دا لە ڕەگ و ڕیشەی بەرگریی بورجی زنجیرەکە دوور بکەونەوە، و یارییەکە بەکاربھێنن بۆ ناساندنی زنجیرەکە بە بینەرێکی فراوانتر. تیمەکە ئیلھامیان لە تیمی دروستکەری یارییەکانی تر وەرگرتووە کە شێوازی تەقەر بەکاردەھێنن، یەکێک لەو یاریانە بریتییە لە تیم فۆرترێس ٢.

لە کاتی دیزاینکردنی "ھەشت پۆل"ەکەی یارییەکەدا ڕووبەڕووی ڕەخنەی جیاواز بوونەتەوە. یارییەکە بە بزوێنەری فرۆستبایت ٣ کاردەکات. تیمەکە لە کاتی جێبەجێکردنی تەکنەلۆژیاکەیدا لە نزیکەوە ھاوکاری لەگەڵ گەشەپێدەری فرۆستبایت ئی ئەی دایسیان کردووە. یارییەکە لە ئی تری ٢٠١٣ ئاشکراکرا، و لە شوباتی ٢٠١٤ وەک ناونیشانێکی بوددجە بۆ ئێکس بۆکس ٣٦٠ و ئێکس بۆکس وەن بڵاوکرایەوە. دواتر وەشانی مایکرۆسۆفت ویندۆز و پلەیستەیشن ٣ و پلەیستەیشن ٤ لە کۆتایی ئەو ساڵەدا بڵاوکرایەوە. یارییەکە بەگشتی لەلایەن ڕەخنەگرانەوە پێشوازییەکی ئەرێنی لێکرا، ستایشی ئاڕاستەی تۆنی یاریزانانە و ھونەر و شەڕکردن و دیزاینی کەسایەتییەکانی کرا؛ بەڵام پێشکەوتنی یارییەکە و نەبوونی ڕەسەنایەتی و نەبوونی ناوەڕۆک بەتایبەتی ڕەخنەیان لێگیرا. یارییەکە لەگەڵ چەند پارچە ناوەڕۆکێکی بێبەرامبەر کە دەتوانرێت دابەزێنرێت لەگەڵ بڵاوبوونەوەیدا پشتگیری لێکرا. تا مانگی تشرینی دووەمی ٢٠١٥ زیاتر لە ھەشت ملیۆن یاریزان ئەم یارییەیان ئەنجامدابوو. بەدواداچوونێک بەناوی ڕوەکەکان دژی زۆمبییەکان: شەڕی باخچە ٢ لە مانگی شوباتی ٢٠١٦ بڵاوکرایەوە.
خوێندنەوەی زیاتر...

وێنەی ھەڵبژێردراو

کایەی کریستاڵ ئەڵتیمەت.

ئایا زانیوتە؟

  • شیگیرو میامۆتۆ، دروستکەری دۆنکی کۆنگ و سووپەر ماریۆ برۆز، ڕێگەی پێ نادرێ کە بۆ سەر کار پاسکیل لێ بخوڕێت، چوونکە سەلامەتیی ئەو بۆ نینتێندۆ زۆر گرنگە
  • زۆرینەی کتێبخانە گشتییەکانی ئەمریکا کایەی ڤیدیۆیی دادەنێن بۆ ڕاکێشانی سەرنجی لاوان، بە ھۆی ئەمەوە ڕێژەی خوێنەری گەنج زیادی کردووە
  • دروستکەری کایەی کلاسیکیی پاکمان نەیدەزانی چۆن پاکمان کۆتایی دێت، چوونکە بە شێوەیەک دیزاینی کردبوو کە بەبێ سنوور بەردەوام بێت، تەنیا کاتێک زانی کۆتایی یارییەکە چۆنە کە بیلی میچێل ھێندە زۆر بەردەوام بوو کە خەزێنەی ناوەکیی کایەکە کۆتایی پێ ھات
  • گراند تێفت ئەوتۆ لە ئەسڵدا کایەیەکی سیباق بوو بە ناوی «ڕەیس ئێند چەیس»، بەڵام کێشەیەک وای لە سەیارەی پۆلیسەکان دەکرد کە بە توندی خۆیان بماڵن بە یاریکەرەکەدا، کە پەرەپێدەرەکانی ھان دا کایەی جی تی ئەی لەسەر دروست بکەن.

ژیاننامەی ھەڵبژێردراو

لیان ئێس کێنێدی (بە ئینگلیزی: Leon S. Kennedy – ناوی تەواو: لیان سکات کێنێدی • بە ژاپۆنی: レオン・スコット・ケネディ) کەسایەتییەکی خەیاڵیی کایەکانی زنجیرەی ڕێزدێنت ئیڤڵی کاپکمە. ئەو وەک یەکێک لە دوو کەسایەتییە سەرەکییەکانی ڕێزدێنت ئیڤڵ ٢ دەرکەوت. لیان دواتر وەک کەسایەتیی سەرەکیی ڕێزدێنت ئیڤڵ ٤ دەرکەوت، جارێکی تریش وەک یەکێک لە حەوت کەسایەتییە سەرەکییەکەی ڕێزدێنت ئیڤڵ ٦ دەرکەوت. بە شێوەیەکی گشتی، کەسایەتییەکە ڕەخنەی ئەرێنی لێ گیراوە.

لەکاتی ڕووداوەکانی ڕێزدێنت ئیڤڵ ٢دا، لیان ئەفسەرێکی پۆلیسی نوێیە کە یەکەم ڕۆژی کارکردنێتی لە ڕاکوون سیتی، بەڵام بۆ سەر کارەکەی دوا کەوتووە و کاتێک دەگاتە شوێنی کارەکەی، دەبینێت کە ڕاکوون سیتی وێران بووە و نزیکەی ھەموو دانیشتووانەکە بوونەتە زۆمبی. لیان لەگەڵ کڵێر ڕێدفیڵد، خوێندکارێکی زانکۆ کە بە دوای براکەیدا دەگەڕێت، بۆ ڕزگارکردنی شێری بێرکن کار دەکات و لەلایەن ئەیدا وۆنگەوە یارمەتی دەدرێت. ٦ ساڵ دواتر، لە ڕێزدێنت ئیڤڵ ٤دا، لیان وەک بریکارێکی خزمەتگوزاریی نھێنیی حکوومەتی فیدڕاڵیی ویلایەتە یەکگرتووەکان دەردەکەوێتەوە، کە ئەرکی ڕزگارکردنی کچی سەرۆکی ویلایەتە یەکگرتووەکان، ئاشڵی، پێ دراوە. لە ڕێزدێنت ئیڤڵ ٦دا، ئەو ھێشتا کار بۆ حکوومەت دەکات و جارێکی تر چاوی بە ئەیدا و شێری دەکەوێتەوە.
خوێندنەوەی زیاتر...

دەنگی ھەڵبژێردراو

مۆسیقای مێنیوی دەستپێکردنی کایەی کاتبەسەربردنی فلووت.

وتەی ھەڵبژێردراو

پۆلەکان

ھەنووکە ٥٣٧ وتار لە دەروازەی کایەی ڤیدیۆییدا ھەیە.

بینینی وتارێک

دەروازە پەیوەندیدارەکان

ئەو کارانەی دەتوانیت بیانکەیت

پڕۆژەکانی تری ویکیپیدیا

ویکیپیدیا لەلایەن دەستکاریکەرانی خۆبەخشەوە نووسراوە و لەلایەن دامەزراوەی ویکیمیدیا ڕاژە کراوە، کە دامەزراوەیەکی قازانج نەویستە و پڕۆژەگەلێکی تری خۆبەخشانەش ڕاژە دەکات وەک:

دەروازەکان