پلەی ستەیشن ٤

لە ئینسایکڵۆپیدیای ئازادی ویکیپیدیاوە
Jump to navigation Jump to search
ئامێری پلەی ستەیشن ٤

پلەی ستەیشتن ٤ (بە ئینگلیزی PlayStation 4) ئامێرێکی یاریە ڤیدیۆییەکانە لە درووستکراوی کۆمپانیای (Sony Computer Entertainment)ە و جێگرەوەی پلەی ستەیشن ٣ەیە ، ئامێرەکە لە ٢٠ی فێبرایەری ٢٠١٣ ڕاگەیندرا و لە ١٥ی نۆڤەمبەری ٢٠١٣ لە باکووری ئەمەریکا خرایە بازاڕ و لە ٢٩ی نۆڤەمبەری ٢٠١٣ خرایە بازارەکانی ئەوڕوپا،باشووری ئەمەریکا و ئوستورالیا.ئامێرەکە ڕکابەری سەرەکی ئامێری ئێکس بۆکس وەنە و نەوەی هەشتەمی ئامێری یاریە ڤیدیۆییەکانە.

ئامێرەکە پرۆسێسەری کۆمپانیای AMD بەکاردەهێنێ کە پشت دەبەستێ بە دارشتنی هەردوو جۆری (ئێکس ٨٦ و ئێکس ٦٤) ، کۆمپانیایەی AMD ئەوەی ڕایگەیاند کە ئەو پرۆسێسەرانەی باشترین پرۆسێسەر بووە کە درووستیان کردبێت لەمێژووی کۆمپانیاکەیان.ئامێری پلەی ستەیشن ٤ توانایەکی تەواو دەداتە بەکارهێنەرانی لە بەستنی پەیوەندی لەگەڵ یاریکەرانی تر بەشێوەی ئۆنڵاین و هەروەها پشتگیری مۆبایلی (سۆنی ئێکسپریا)ش دەکات کە دەتوانی لەو ڕێگایەوە بەبێ تەل یاری پێبکەیت و ڤیدیۆی پێ پەخش بکەیت.دەسکی ئامێرەکەش دووبارە دیزاین کراوەتەوە و پادێکی تایبەت هەیە وەک ماوس دەکرێ بەکاربهێنرێ و شوێنی پلەگی مایکڕۆفۆنیشی هەیە.

لەگەڵ دەرچوونی ئامێرەکەش ، شارەزایانی بوارەکە بەگشتی ڕای ئەرێنیان هەبوو لەسەر ئامیرەکە و بەو ئامێرەیان ناوبردووە کە یاریکەر پێویستە هەیبێ. ژمارەی فرۆشتنەکانی ئامێری پلەی ستەیشتن ٤ زۆر بەرچاو بووە و بەپێی دوایین ئامار لە ٦ی دیسێمبەر نزیکەی ٥٠ ملیۆن دانەی لێفرۆشراوە.پێشبنی ئەوەش دەکرێ ئامێری پلەی ستەیشن ٤ تاکو ساڵی ٢٠٢١ پشتگیری تەواوی بمێنێ و یاری تازەی بۆ دەربچێت.

سەرچاوەکان[دەستکاری]

دەسکی یاریەکە ، کە بەشێوەیەکی نایاب دیزاینکراوە.

١. ویکیپیدیای ئینگلیزی