دەروازە:کایەی ڤیدیۆیی/وتاری ھەڵبژێردراو
وتاری ھەڵبژێردراو ١
دەروازە:کایەی ڤیدیۆیی/وتاری ھەڵبژێردراو/١ ڕێزدنت ئیڤڵ ٦ (بە ژاپۆنی: バイオハザード6؛ خوێندنەوەی ژاپۆنی بە کوردی: بایۆھازاردۆ شیکوسو) کایەیەکی ڤیدیۆیی سەرکێشیی-ئاکشنە لە جۆری بینا ھاوێژی کەسی سێھەم کە لەلایەن کاپکمەوە بەرھەمھێنراوە و بڵاوکراوەتەوە. ڕێزدێنت ئیڤڵ ٦ نۆیەم بەشی سەرەکیی کایەکەیە، یەکەمجار بۆ پلەی ستەیشن ٣ و ئێکس بۆکس ٣٦٠ لە ٢ی تشرینی یەکەمی ٢٠١٢ بڵاوکرایەوە، دواتر بۆ مایکرۆسۆفت ویندۆز لە ٢٢ی ئازاری ٢٠١٣. کایەکە دووبارە بە ھەموو بەشە داگرتنەکانییەوە بۆ پلەی ستەیشن ٤ و ئێکس بۆکس وەن لە ٢٩ی ئازاری ٢٠١٦ بڵاوکراوەتەوە.
چیرۆکەکە دەگێڕدرێتەوە لەلایەن کریس ڕێدفیڵد، دامەزرێنەر و ئەندامی پێشووی خەمڵاندنی ھاوپەیمانیی ئاسایشی زیندە-تیرۆر (BSAA) کە تووشی تۆقان و لەبیرچوونەوە بووە بەھۆی پرۆسەیەکی نێردراویی ناسەرکەوتووەوە، ڵیۆن ئێس کێنێدی، ڕزگاربووەیەکی ڕاکوون سیتی و بریکاری حوکومەتی ویلایەتە یەکگرتووەکان، جەیک میوڵەر، کوڕێکی نایاسایی ئەلبەرت وێسکر و ھاوکاری شێری بێرکن، وە ھەروەھا ئەیدا وۆنگ، بریکارێکی کورتخایەن کە تۆمەتبارکراوە بە ھێرشی زیندە-تیرۆرستی لەلایەن ڕێکخراوە دووژمنەکەی، نیۆ-ئەمبرێلا. ئەوان ھەموویان ڕووبەڕووی ھێرشێکی زیندە-تێرۆرستی دەبنەوە کە دروست بووە بەھۆی ڤایرۆسێکی نوێوە بەناوی ڤایرۆسی-سی لە شارەکانی جیھاندا. یارییەکە تیشکۆ دەخاتە سەر ھەر چوار بەشەکە، کە لە ھەر یەکێکیاندا کاسایەتییەکان شێواز و توانای تایبەتیان ھەیە.
خوێندنەوەی زیاتر...
وتاری ھەڵبژێردراو ٢
دەروازە:کایەی ڤیدیۆیی/وتاری ھەڵبژێردراو/٢ ڕوەکەکان دژی زۆمبییەکان: شەڕی باخچە (بە ئینگلیزی: Plants Vs Zombies: Garden Warfare) کایەیەکی ڤیدیۆییی فرەیاریزانی تەقەکەری کەسی سێیەم و بەرگری لە بورجی ساڵی ٢٠١٤یە. لە لایەن پۆپ کاپ گەیمز پەرەی پێ دراوە و لە لایەن ئێلیکترۆنیک ئاڕتس بڵاو کراوەتەوە. سێیەمین کایەی فرەنچایزی ڕوەکەکان دژی زۆمبییەکانە. کایەکە بە دەوری کۆمەڵێک ڕوەک دەسووڕێتەوە کە مرۆڤایەتی لە داگیرکاریی زۆمبییەکان دەپارێزن. لە یارییەکەدا یاریزانەکان کۆنترۆڵی ڕوەکەکان (لەژێر دەستی کرەیزی دەیڤ) یان زۆمبییەکان (لەژێر دەستی دکتۆر زۆمبۆس) دەکەن، ئەمە لەکاتێکدایە بە چەندین شێوازی وەک "فرە یاریزان و کێبڕکێ"دا شەڕ دەکەن. دوای تەواوکردنی یارییەکان و تەواوکردنی ئامانجەکان، یاریزانەکان سکە بەدەستدەھێنن بۆ بەدەستھێنانی "چەسپ" کە شتە تایبەتەکان و جۆرەکانی کەسایەتییەکانی پێ دەکەنەوە. کۆمپانیای پۆپکەپ گەیمز لە سەرەتای ساڵی ٢٠١٢ دەستی بە پەرەپێدانی شەڕی باخچە کردووە. بڕیاریان دا لە ڕەگ و ڕیشەی بەرگریی بورجی زنجیرەکە دوور بکەونەوە، و یارییەکە بەکاربھێنن بۆ ناساندنی زنجیرەکە بە بینەرێکی فراوانتر. تیمەکە ئیلھامیان لە تیمی دروستکەری یارییەکانی تر وەرگرتووە کە شێوازی تەقەر بەکاردەھێنن، یەکێک لەو یاریانە بریتییە لە تیم فۆرترێس ٢.
لە کاتی دیزاینکردنی "ھەشت پۆل"ەکەی یارییەکەدا ڕووبەڕووی ڕەخنەی جیاواز بوونەتەوە. یارییەکە بە بزوێنەری فرۆستبایت ٣ کاردەکات. تیمەکە لە کاتی جێبەجێکردنی تەکنەلۆژیاکەیدا لە نزیکەوە ھاوکاری لەگەڵ گەشەپێدەری فرۆستبایت ئی ئەی دایسیان کردووە. یارییەکە لە ئی تری ٢٠١٣ ئاشکراکرا، و لە شوباتی ٢٠١٤ وەک ناونیشانێکی بوددجە بۆ ئێکس بۆکس ٣٦٠ و ئێکس بۆکس وەن بڵاوکرایەوە. دواتر وەشانی مایکرۆسۆفت ویندۆز و پلەیستەیشن ٣ و پلەیستەیشن ٤ لە کۆتایی ئەو ساڵەدا بڵاوکرایەوە. یارییەکە بەگشتی لەلایەن ڕەخنەگرانەوە پێشوازییەکی ئەرێنی لێکرا، ستایشی ئاڕاستەی تۆنی یاریزانانە و ھونەر و شەڕکردن و دیزاینی کەسایەتییەکانی کرا؛ بەڵام پێشکەوتنی یارییەکە و نەبوونی ڕەسەنایەتی و نەبوونی ناوەڕۆک بەتایبەتی ڕەخنەیان لێگیرا. یارییەکە لەگەڵ چەند پارچە ناوەڕۆکێکی بێبەرامبەر کە دەتوانرێت دابەزێنرێت لەگەڵ بڵاوبوونەوەیدا پشتگیری لێکرا. تا مانگی تشرینی دووەمی ٢٠١٥ زیاتر لە ھەشت ملیۆن یاریزان ئەم یارییەیان ئەنجامدابوو. بەدواداچوونێک بەناوی ڕوەکەکان دژی زۆمبییەکان: شەڕی باخچە ٢ لە مانگی شوباتی ٢٠١٦ بڵاوکرایەوە.
خوێندنەوەی زیاتر...