بەختیاری یەکێک لە خێڵەکانی نەتەوەی کوردە کە لە شارەکانی ورووگەڕ، ئەھواز، ئەسفەھان، شاری کورد، یاسووج و چەند شارێکی تر دەژین. ڕۆژهەڵاتناسی بەناوبانگ لورد کرزن بەختیاریەکانی بە یەکێک لە خێڵەکانی نەتەوەی کورد پەسەند کردوە و کورد بوونی ئەوانی پشتڕاست کردوەتەوە.[١] دکتۆر فریچ لە کتێبی کورد-لووڕ، کوردبوونی بەختیاریەکانی پەسەند کردوە.[٢] شرەفخانی بدەلیسی لە کتێبی شەرەفنامە خێڵی بەختیاری بە کورد پەسەند کردوە.[٣] عەلی ئەکبەر دێهخودا لە کتێبی لۆغەتنامەی دێهخودا بۆ بەختیاری ئاماژەی داوە کە یەکێکە لە خێڵە کوردییەکان.[٤] لە هەموو کتێبە مێژووییەکاندا کە بەهێزترینیان مێژووی لوڕ و بەختیاری ناسی جیهانە، کتێبی ڕۆشنبیری بەختیاری سەردار ئەسعەد بەختیارییە. ئەو لوڕ و بەختیاری بە کورد حیساب کردگە و دەڵێت من کورد بەختیاریم. سەردار ئەسعەد بەختیاری، لە کتێبی (خلاصه الاعصار فی تاریخ البختیار) لە بەندی حەوتەمی کتێبەکەدا کە نووسیویەتی کە لوڕەکان و بەختیارییەکان لە لقەکانی ئەکرادن، وشەی ئەکراد لە بەرەی عەرەبیدا بەکار هاتووە، سەردار ئەسعەد دەڵێت هەموو لوڕەکان و بەختیارییەکان کوردن.[٥] حەمدوڵڵای مستەوفی لە کتێبی مێژووی بژاردە، کورد بوونی بەختیاری پەسند کردگە[٦] و هەروەها ئایەتوڵڵا مەردۆخ کوردستانی لە کتێبی مێژووی مەردۆخا بۆ بەختیاریەکان نووسیگە بەشێک لە نەتەوی کوردن.[٧][٨]
- ^ زەکی, محەممەد ئەمین (۱۹۹۸). کورد و کوردستان. تەورێز: ئایدین. pp. ٢٩،٣١.
- ^ فریج, دوکتور. کورد لۆڕ.
- ^ بەدلیسی, شەرەفخان (۱۹۹۴). مێژووی ماڵەمیرانی کوردستان. تاران: حەدیس. pp. ٢٣، ٢٤.
- ^ دێهخوا, عەلی ئەکبەر. هەنبانە بۆرینەی فارسی.
- ^ خلاصه الاعصار فی تاریخ البختیار، فصل هفتم
- ^ مستەوفی, حەمدوڵڵا. مێژووی بژاردە.
- ^ مەردۆخ, شێخ محەممەد (۲۰۰۰). کوردستان. تاران: کا ڕەنگ. pp. ٩٢. ISBN 964-6730-08-6.
- ^ "پایگاه فرهنگی لُرویر". lorveir.blogfa.com. Retrieved 2021-04-12.
ئەم وتارە سەبارەت بە خێڵ بەختیاری نووسراوە. بۆ بینینی وتارە هاوشێوەکان بڕوانە بەختیاری (ڕوونکردنەوە).
.jpg)