ھێدی

لە ئینسایکڵۆپیدیای ئازادی ویکیپیدیاوە
Jump to navigation Jump to search

خالید حیسامی ناسراو بە ھێدی شاعیرێکی ناوداری کوردە.

ژیان[دەستکاری]

ھێدی لەدایکبووی ١٩٢٧ لە گوندی شێخاڵی سەر بە شاری بۆکانی ڕۆژھەڵاتی کوردستانە. باوکی ھێدی ئاغای گوند بووە. ساڵی ١٩٤٥ پەیوەندی بەکۆمەڵەی کۆمەڵەی ژیانەوەی کوردستان کردووە. پەیوەندی بە کۆماری کوردستانەوە کردووە و پاش ڕووخانی کۆمارە ڕەگەڵ شۆڕشی ئەیلوول کەوتووە. تا کۆتایی تەمەنی لە شۆڕشی مەلا مستەفای بارزانیدا بەشدار بووە.

دیوانی شێعرەکانی[دەستکاری]

بەشێک لەبەرھەمەکانی ھێدی لەژێرناوی 'کاروانی خەیاڵ' لە لایەن بنکەی سەلاحەدینی ئەییووبی لە ورمێ بڵاوکراوەتەوە. دواتر سەرجەم شێعرەکانی لە ھەولێر چاپ کرانەوە. ھێدی بە شاعیرێکی ناسک خەیاڵ ناوی دەرکردووە و قارەمانەتی و پێشمەرگایەتیش لە شێعرەکانیدا ڕەنگیان داوەتەوە.

جگە لە شێعرەکانی ژیاننامەکەی مامۆستا ھێدی لە ژێر ناوی "ئاوێنە شکاو" بە قەڵەمی خۆی بڵاو کراوەتەوە.

نموونە شیعری نەتەوەیی[دەستکاری]

نموونە شیعرێکی ھێدی کە لەلایەن ناسر ڕەزازی کراوەتە گۆرانی:

کوردستان یان نەمان
سڵاو پێشمەرگەی قارەمان چاکترین ڕۆڵەی کوردستان
کوڕی نەبەزی نیشتمان سڵاو پێشمەرگەی قارەمان
ھەڵۆی خوێناوی سەر بەردان پەڕکووڕی ڕەوەز و زەردان
پڵنگی سەر شاخ و ھەردان پێشمەرگە جوانمێری مەردان
کوڕی کوردی ئازا و دلێر ھەستە ڕاپەڕە وەکوو شێر
لە کوردستان ڕامێنە تێر وێران بووە وڵاتی زەنوێر
ھا، بڕوانە ئەو کیژۆڵە برا گچکەکەی لە کۆڵە
چۆن دژ داماوە لەو چۆڵە چەندە ھەژار و کڵۆڵە
ئەو پیرەمێردی بێ تاوان ڕووت و ھەژار و سەرگەردان
سەری ناوەتە سەر بەردان کێ ماڵی لێ کردووە وێران؟
دوژمن ئاغایە لەسەر تۆ ماڵی تۆ دەخوا بە فیڕۆ
کێ ما نەگا بە مافی خۆ؟ ئێمە تا کەی دەستەو ئەژنۆ؟
ئەو خاکە خاکی کوردییە خۆ خاوەنی دیکەی نییە
سەبەب بۆ ھێرشی وی چییە کوردستانە و کورد خێوییە
شەڕی مە شەڕی ژیانە شەڕی باوەڕ و ئیمانە

کۆچی دوایی[دەستکاری]

ڕۆژی ٢٧ی تشرینی یەکەمی ٢٠١٦ لە شاری ھەولێر کۆچی دوایی کرد.

بەستەرە دەرەکییەکان[دەستکاری]