ھایاو میازاکی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
ھایاو میازاکی
لەدایکبوون ٥ی کانوونی دووەمی١٩٤١
تۆکیۆ ژاپۆن
نیشتەجێ ژاپۆن
نەتەوە ژاپۆنی
پیشە وێنەکیش. دەرھێنەر
ساڵانی چالاکی ١٩٧٨-ئێستا

ھایاو میازاکی دەرھێنەرێکی سەرکەوتووی ئەنیمەیشنی ژاپۆنییە کە بە (ئەنیمی) ناسراوە. لە ڕۆژی٥ کانوونی دووەمی ساڵی ١٩٤١ لەتۆکیۆ پایتەختی وڵاتی ژاپۆن ھاتۆتە دنیاوە. لەساڵی ١٩٤٤ بەھۆی شەڕی نێوان ئەمێریکاو ژاپۆن دەچنە شارۆچکەی کانۆما واتە بەشێکی ژیانی لەنێو شەڕدا بووە. ھەر لەبەر ئەمەش کاردانەوەیەکی تەواوی لە بەرھەمەکانیدا ھەیە. لەساڵی ١٩٦٣ لەزانکۆی گاکوشاین بەشی ئابوری و زانستی سیاسی تەواو دەکات، بەڵام لەگەڵ ئەو بەشەشدا جارو بار لەکاتی پشووەکاندا سەردانی کۆلێجی ئەدەبیاتی منداڵان دەکات و حەزێکی زۆری بۆ ئەو بەشە دەبێت. لە ساڵی ١٩٦١ بۆتە ئەندام لە کۆمپانیای تۆئی تۆوگا و پاشان جەند کۆمپانییایەکی تر دەگۆڕیت و لەیەکەم بەرھەمی ئەنیمیدا وەک دەرھێنەرو وێنەکێش و نوسەر بەشداری دەکات ناوبانگێکی تەواو لەسەدەکانی پێشوودا و تائێستەش بۆ خۆی مسۆگەر دەکات ، کە ئەویش (کۆنان. کوڕەکەی دواڕۆژ) کە بە (عەدنان و لینا ) ناسراوە لەساڵی ١٩٧٨ بەرھەمدەھێنێت. لە دواترا لە لایەن چەند کۆمپانییایەکی زەبەلاحی جیھانییەوە گرێبەستی لەگەڵدا دەکرێت وەک کۆمپانیای واڵت دیزنی و وارنەر برۆس. پاشان بە ھاوکاری چەند ھاوڕێیەکی ستۆدیۆیەکی تایبەت بە بواری ئەنیمی لە تۆکیۆ دادەمەزرێنن بە ناوی ( ستۆدیۆ جھیبلی) کە ساڵانە یەک بەرھەمی فیلمی ئەنیمی بەرھەمدەھێنن و بۆ زۆرێک لە زمانەکانی جیھان وەردەگێڕدرێن و خەڵاتی جیھانییان پێدەبەخشرێت. ھایاو میازاکی خانەوەداکەشی ھەمان ڕێچکەی ئەمیان گرتووە، ( گۆرۆ میازاکی) کە کوڕە گەورەیەتی شوێنی باوکی گرتۆتەوە. لە مانگی ٨ ی ٢٠١٣ ھایاو لە میدیاکانەوە بڵاوی کردەوە کە دواکاری فیلمی ( ھەستانەوەی زریان) ە و پاش ئەوە خانەنەنشین دەکرێت و کار ناکات، ئەمەش نیگەرانییەکی یەکجار زۆری لەلای ھەوادارانی درووست کرد.

لە کارە دیارەکانی[دەستکاری]

  • کۆنان کوڕەکەی دواڕۆژ (عەدنان و لینا) ١٩٧٨
  • ناسیکا. شازادەی دۆڵی با ١٩٨٤ Nausicaä of the Valley of the Wind
  • قەڵایەک لە ئاسمان ١٩٨٦ Laputa: Castle in the Sky
  • تۆتۆرۆی دراوسێم ١٩٨٨ My Neighbor Totoro
  • کیکی بۆ کاری گەیاندن ١٩٨٩ Kiki's Delivery Service
  • پۆرکۆ ڕۆسۆ ١٩٩٢ Porco Rosso
  • شازادە مۆنۆنۆکی ١٩٩٧ Princess Mononoke
  • ڕفێندراو ٢٠٠١ Spirited Away (خەڵاتی ئۆسکاری بەدەستھێناوە)
  • قەڵای جوڵاوی ھاوڵ ٢٠٠٤ Howl's Moving Castle
  • پۆنیۆ لەسەر ڕوی دەریا ٢٠٠٨ Ponyo
  • ھەستانەوەی زریان ٢٠١٤ The Wind Rises

کارەکانی تری ستۆدیۆ جھیبلی[دەستکاری]

Studio Ghibli - 株式会社スタジオジブ

  • Grave of the Fireflies
  • Only Yesterday
  • Pom Poko
  • Whisper of the Heart
  • My Neighbors the Yamadas
  • The Cat Returns
  • Tales from Earthsea
  • Arrietty
  • From Up on Poppy Hill
  • Ocean Waves
  • The Tale of PrincessKaguya