فەرزاد کەمانگەر

لە ئینسایکڵۆپیدیای ئازادی ویکیپیدیاوە
Jump to navigation Jump to search
فەرزاد کەمانگەر
Farzad Kamangar

Farzad.svg
لەدایکبوون١٩٧٨
مەرگ٩ی ئایاری ٢٠١٠
ھۆکاری مەرگلە سێدارە دان
شوێنی گۆڕنادیار
نیشتەجێیکامیاران
نەتەوەکورد
پیشەمامۆستا
تۆمەتی تاوانباریئەندامییەتی پژاک
سزای تاوانباریسێدارە


فەرزاد کەمانگەر (لەدایکبووی ١٩٧٨ لە کامیاران - مردووی ٩ی ئایاری ٢٠١٠[١] لە تاران) مامۆستا، چالاکوانی مافەکانی مرۆڤ، ئاریکاریی کۆمەڵایەتی، شاعیر و ڕۆژنامەوانێکی خەڵکی ڕۆژھەڵاتی کوردستان بوو[٢][٣][٤] کە بە تۆمەتی ئەندام بوون و ھاوکاری لەگەڵ پژاک لەلایەن کۆماری ئیسلامیی ئێرانەوە سزای سێدارەی بۆ دەرکرا و لە ٩ی ئایاری ٢٠١٠ (١٩ی بانەمەڕی ١٣٨٩ی کۆچی ھەتاوی) لەگەڵ عەلی حەیدەریان، فەرھاد وەکیلی، شیرین عەلەم ھولی و مەھدی ئیسلامیان لە گرتووخانەی ئێڤین لە سێدارە درا.[١]

ژیاننامە[دەستکاری]

فەرزاد کەمانگەر کوڕی باقی و سەڵتەنە ساڵی ١٩٧٨ لە کامیاران لە دایک بووە. لە زانکۆی پەیامی نووری سنە دەروونناسی تەواو کردووە؛ تا پێش قۆڵبەست کردنی بۆ ماوەی دوازدە ساڵ لە کامیاران و ئاوایییەکانی دەوروبەری مامۆستا بووە، ھەروەھا ئەندامی دەستەی نووسەرانی مانگنامەی ڕۆیان سەر بە بەڕێوبەرایەتی پەروەردە و بارھێنانی شاری کامیاران و ئەندامی سەرۆکایەتیی ڕێکخراوەی ژینگەپارێزیی ئاسک و ئەندامی ڕێکخراوەی چالاکانی مافی مرۆڤی ئێران بووە. ٢٨ی گەلاوێژی ساڵی ١٣٨٥ لە سەفەرێکی تاراندا فەرزاد دەستبەسەر کراوە[٥] و تا کاتی شەھید بوونی لە تاران و سنە و کرماشان لەژێر دڕندانەترین ئەشکەنجەکاندا بووە و ماوەیەکی زۆریش ئیزنی دیتنی کەسوکاری نەبووە.[٦][٧]

لە سێدارە دان[دەستکاری]

فەرزاد مافی گرتنی پارێزەری نەبوو و لە ڕێکەوتی ١٠ی ڕێبەندانی ١٣٨٦ (٣٠ی کانوونی دووەمی ٢٠٠٨) لەلایەن لقی سی دادگای شۆڕشی تاران لە حەوت خولەکدا بە تۆمەتی ئەندامییەتی پژاک (محاربە - دژایەتی خودا) حوکمی سێدارەی بەسەردا سەپا[٨] و لە ١٩ی گوڵانی ١٣٨٩دا ھاوڕێ لەگەڵ چوار زیندانی تر کە سێیانیان کورد بوون، بە بێ ئاگادارکردنەوەی بنەماڵەکانیان و بە نھێنی لە پارکینگی گرتووخانەی ئێڤین لە دار دران و بە دزییەوە بە خاک ئەسپێردران و ھەنووکەش شوێنی ناشتنی تەرمەکانیان ڕوون نییە.[٩][١٠]

کاردانەوەکان[دەستکاری]

  1. بنەماڵەی فەرزاد پیرۆزباییان کرد و وتیان پێویست بە سەرەخۆشی ناکات.[١١]
  2. ٢٣ی بانەمەڕی ھەمان ساڵ خەڵکی کوردستان بە مانگرتنێکی گشتی ناڕەزایەتی خۆیان دەربڕی.[١٢]
  3. نەتەوە یەکگرتووەکان ڕایگەیاند ئەو کارە پێشێل کردنی مافەکانی مرۆڤ بووە و داواشی لە ڕژیمی ئێران کرد چارەنووس یان شوێنی بە خاک ئەسپاردنی ئەو چوار زیندانییە کوردە ئاشکرا بکات دەنا بەدواداچوونەوەکان ھەر بەردەوام دەبن.[١٣]
  4. لە چوارەمین ساڵیادی ڕووداوەکە لە زیندانی ڕەجایی شاری کەرەج ڕێوڕەسمێک بەڕێوە چوو و بەشداربووەکانیشی یەک ڕۆژ مانیان لە خواردن گرت.[١٤]
  5. لە حەوتەمین ساڵیادی لە سێدارە دانی چوار کورد لەلایەن ڕژیمی ئێرانەوە لە سوید و ئەڵمانیا خۆپێشاندان بەڕێوە چوو.[١٥]
  6. لە ئامەد قوتابخانەیەک بە یاد و ناوی فەرزاد کەمانگەر کرایەوە.[١٦]
  7. بەھمەن قوبادی دوایین فیلمی خۆی پێشکەشی فەرزاد کەمانگەر و سانع ژاڵە کرد.[١٧]
  8. شێرکۆ بێکەس شێعرێکی بۆ دانا.[١٨]
  9. شاھین نەجەفی گۆرانییەکی بۆ دانا.[١٩]

ڕۆژی مامۆستا[دەستکاری]

لە کوردستان ڕۆژی لە سێدارە دانی فەرزاد کەمانگەر (١٩ی بانەمەڕ - ٩ی ئایار) بە ڕۆژی مامۆستا نێودێر کراوە.[٢٠][٢١]

ئەمانەش ببینە[دەستکاری]

سەرچاوەکان[دەستکاری]

  1. ^ ئ ا پنج زندانی سیاسی فرزاد کمانگر، علی حیدریان، فرھاد وکیلی، شیرین علم ھولی و مھدی اسلامیان سحرگاە امروز (یکشنبھ) اعدام شدند. ڕۆشنگەریی. سەردان لە ڕێکەوتی ١٩ی گوڵانی ١٣٨٩.
  2. ^ THE WORDS OF FARZAD KAMANGER
  3. ^ "FARZAD KAMANGAR and 4 Other political prisoners EXECUTED!". Archived from the original on ١١ی ئایاری ٢٠١٠. Retrieved ٦ی ئایاری ٢٠٢٠. Check date values in: |access-date=, |ڕێکەوتی ئەرشیڤ= (help)
  4. ^ ماھی کوچکی بر بالای دار؛ مقالە واشنگتن تایمز دربارە اعدام فرزاد کمانگر Archived 2010-05-14 لە وەیبەک مەشین.
  5. ^ "Farzad Kamangar: One Person's Story". Abdorrahman Boroumand Center. Retrieved ٨ی ئایاری ٢٠٢١. Check date values in: |access-date= (help)
  6. ^ کوردیپێدیا, Kurdipedia-. "فەرزاد کەمانگەر". Retrieved ٤ی ئایاری ٢٠٢١. Check date values in: |access-date= (help)
  7. ^ payaam. "یادی فەرزاد کەمانگەر و ھاوڕێیانی و مانگرتنی گشتی ۲۳ی گولان – پەیام". Retrieved ٤ی ئایاری ٢٠٢١. Check date values in: |access-date= (help)[بەستەری مردوو]
  8. ^ "The death sentences of Farzad Kamangar, Ali Heydarian and Farhad Vakili has been approved by the Iranian Supreme Court". iranhr.net. Retrieved ٨ی ئایاری ٢٠٢١. Check date values in: |access-date= (help)
  9. ^ "شەھیدانی ١٩ی بانەمەڕ دوای ٧ ساڵ ئێستاش بە گڵکۆیان نازاندرێ". کوردستان و کورد. Retrieved ٤ی ئایاری ٢٠٢١. Check date values in: |access-date= (help)
  10. ^ Association, Kurdistan Human Rights (2018-05-08). "فەرزاد کەمانگەر/لە ئەشکەنجە و زیندان تا تیرۆر و سێدارە". کۆمەڵەی مافی مرۆڤی کوردستان. Retrieved ٤ی ئایاری ٢٠٢١. Check date values in: |access-date= (help)
  11. ^ "خوشکی فەرزاد کەمانگەر: پێویست بە سەرەخۆشی ناکا". کوردستانپۆست. Retrieved ٤ی ئایاری ٢٠٢١. Check date values in: |access-date= (help)
  12. ^ "یادی فەرزاد کەمانگەر و ھاوڕێیانی و مانگرتنی گشتی ۲۳ی گولان – پەیام". Retrieved ٤ی ئایاری ٢٠٢١. Check date values in: |access-date= (help)[بەستەری مردوو]
  13. ^ "نەتەوە یەکگرتووەکان: ئێران ناچارە شوێنی بەخاکسپاردنی ٤ زیندانیی سیاسی کورد ئاشکرابکات". ڕاچڵەکین. Retrieved ٤ی ئایاری ٢٠٢١. Check date values in: |access-date= (help)
  14. ^ "رێزگرتن لە فەرزاد کەمانگەر لە زیندانی ڕەجایی شاری کەرەج". ئاسۆی ڕۆژھەڵات. Archived from the original on ٤ی ئایاری ٢٠٢١. Retrieved ٤ی ئایاری ٢٠٢١. Check date values in: |access-date=, |ڕێکەوتی ئەرشیڤ= (help)
  15. ^ "لە ئەڵمانیا و سوید یادی شەھید فەرزاد و ھاوڕێکانی کرایەوە". ڕۆژنیووز. Retrieved ٤ی ئایاری ٢٠٢١. Check date values in: |access-date= (help)[بەستەری مردوو]
  16. ^ "قوتابخانەی بنەڕەتیی فەرزاد کەمانگەر لە دیاربەکر پلۆمپ کرا". ڕۆژی کورد. Retrieved ٤ی ئایاری ٢٠٢١. Check date values in: |access-date= (help)
  17. ^ TV, CHRA. "بەھمەن قوبادی فیلمە نوێیەکەی پێشکەش بە فەرزاد کەمانگەر و سانع ژاڵە کرد". چرا تیڤی. Retrieved ٤ی ئایاری ٢٠٢١. Check date values in: |access-date= (help)
  18. ^ "له ساڵیادی مردنی شێركۆ بێكه‌سدا". www.peyserpress.com. Retrieved 2021-05-10.
  19. ^ "شەهیدانی مانگی گوڵان، ئەو مۆمانەی ناکوژێنەوە". کوردی - RojNews.News. 2020-02-24. Retrieved 2021-05-10.
  20. ^ "خوێندکارانی زانکۆی پەیامی نووری مەریوان بە بۆنەی ساڵیادی لەسێدارەدانی مامۆستا فەرزاد کەمانگەر بەیانییەیەکیان بڵاو کردەوە". ڕۆژی کورد. Retrieved ٤ی ئایاری ٢٠٢١. Check date values in: |access-date= (help)
  21. ^ "بۆ 19 گووڵان ببێتە ڕۆژی مامۆستا". مەسعوود مەناف. Retrieved ٤ی ئایاری ٢٠٢١. Check date values in: |access-date= (help)

بەستەرە دەرەکییەکان[دەستکاری]