پەیمان موعادی

لە ئینسایکڵۆپیدیای ئازادی ویکیپیدیاوە
Jump to navigation Jump to search
پەیمان موعادی
موعادی لە ٢٠١٣
لەدایکبوون٣٠ی حوزەیرانی ١٩٧٠
نیوۆرک
نیشتەجێلۆس ئانجلەس، کالیفۆرنیا، تاران
نەتەوەئێران
دەرچوویزانکۆی ئیسلامی ئازاد لە کەرەج
پیشەئەکتەر نووسەر دەرھێنەر
ساڵانی چالاکی٢٠٠٠ تا ئێستا
ھاوسەرفرانک قوانلۆ
منداڵەکان٢
خەڵاتەکانورچی زیوین بۆ باشترین ئەکتەر ساڵی ٢٠١١

پەیمان موعادی (بە فارسی: پیمان معادی) (لەدایکبووی ١٩٧٠، لە نیویۆرک) دەرھێنەر و نووسەر و ئەکتەرە، موعادی بە ڕۆڵگێڕان لە فیلمەکانی جیابوونەوەی نادر لە سیمین و دەربارەی ئێلی ناوبانگێکی باشی دەرکرد وەکو ئەکتەر و توانی لە ساڵی ٢٠١١ خەڵاتی ورچی زیوین بەدەستبھێنێت لە فیستیڤاڵی فیلمی بەرلین بۆ باشترین ئەکتەری پیاو لە فیلمی جیابوونەوەی نادر لە سیمین[١]، لە ساڵی ٢٠١٤ بۆ یەکەم جار بەشداری لە فیلمێکی ھۆلیوود کرد بە ناوی کامپی ئێکس ڕەی[٢]

ژیاننامە و چالاکی[دەستکاری]

پەیمان موعادی لە ساڵی ١٩٧٠ لە شاری نیویۆرک لە دایک و باوکێکی ئێرانی ھاتە دنیاوە، موعادی لە ساڵی ٢٠٠٠ یەکەمین سیناریۆی خۆی نوسی بە ناوی ئاوازی قاز کە سەرکەوتنێکی باشی بەدەست ھێنا و تا ساڵی ٢٠٠٦ چوار سیناریۆی دیکەی نوسی و لە ساڵی ٢٠٠٧ کورتە فیلمێکی دەرھێنا، لە ساڵی ٢٠٠٩ بۆ یەکەمجار وەکو ئەکتەر دەرکەوت لە فیلمێکی دەرھێنەر ئەسغەر فەرھادی بە ناوی دەربارەی ئێلی وە ئەم ڕۆڵگێڕانەی وەکو یەکەمین دەرکەوتن بە دڵی ڕەخنەگران بوو[٣]، موعادی دواتر لەگەڵ ئەسغەر فەرھادی دەستیکرد بە نوسینی سیناریۆیەک بەڵام دواتر پڕۆژەکە ھەڵوەشێنرایەوە،[٤] لە ساڵی ٢٠١١ وەکو ئەکتەری سەرەکی بەشداری لە فیلمی جیابوونەوەی نادر لە سیمین کردوو بە ھاوبەشی لەگەڵ شەھاب حوسێنی و بابەک کەریمی و عەلی ئەسغەر شەھبازی خەڵاتی ورچی زیوینی باشترین ئەکتەری بردەوە لە فیستیڤاڵی بەرلین[١]. ساڵێک دواتر موعادی بۆ یەکەم جار لە ژیانیدا فیلمێکی درێژی دەرھێنا بە ناوی بەفر لەسەر ڕووی سنەوبەرەکان و توانی خەڵاتی باشترین فیلم بەدەست بھێنێت لە ڕوانگەی بینەرانە لە فێستیڤاڵی فیلمی فەجر،[٥] موعادی دواتر بەشداری لە چەند فیلمێکی دیکە کرد لە نێویشیاندا فیلمی (چیرۆکەکان) کە لە دەرھێنانی خانمە دەرھێنەری بەناوبانگی ئێران ڕەخشان بەنی ئیعتیماد بوو، لە ساڵی ٢٠١٤ بۆ یەکەمجار بەشداری لە فیلمێکی ھۆلیوود کرد بە ناوی (کامپی ئێکس ڕەی) کە ھاوشانی کریستن ستیوارت ڕۆڵی سەرەکی دەگێڕا[٢] و پاشتریش بەشداری لە دوو فیلمی دیکەی ھۆلیووددا کرد بە نێوەکانی (دواھەمین سوارچاک -last knights) و (سیازدە کاتژمێر - 13Hours: The Secret Soldiers of Benghazi)، دواتریش ناوبانگێکی جیھانی زیاتری دەرکد کاتێک لە زنجیرەیەکی کەناڵی ئێچ بی ئۆ بەشداری کرد بە ناوی (شەوی - the night of)، پەیمان موعادی لە ساڵی ٢٠١٥ بەھۆی ڕۆڵگێڕان لە فیلمی ھەتاھەتا و یەک ڕۆژ پاڵێورا بۆ خەڵاتی باشترین ئەکتەری سەرەکی لە فێستیڤاڵی فیلمی فەجر بەڵام خەڵاتەکەی نەبردەوە پەرویز پەرەستویی خەڵاتەکەی بردەوە بەھۆی ڕۆڵگێڕان لە فیلمی (پاسەوانی تایبەت - بادیگارد)،[٦] دوای چەند کاتژمێرێک لە دابەشکردنی خەڵاتەکان پەیمان موعادی لە پەڕەی ئینستاگرامی خۆیەوە پیرۆزبایی لە پەرەستویی کرد،[٧] موعادی لە فیستیڤاڵی ماڵی سینەما خەڵاتی باشترین ئەکتەری وەرگرت بۆ ھەمان فیلم[٨]

سەرچاوەکان[دەستکاری]

  1. ^ ی ا ورچی زیوین بۆ باشترین ئەکتەر - فارسی - دواین سەردان ٢٧ی ١ی ٢٠١٧
  2. ^ ی ا پەیمان موعادی لەگەڵ کریستن ستیوارت لە فیلمی کامپی ئێکس ڕەی- ئینگلیزی - دواین سەردان ٢٧ی ١ی ٢٠١٧
  3. ^ ڕوانینێک بۆ ڕۆڵگێڕانی ڕۆڵگێڕانی فیلمی دەربارەی ئێلی - فارسی - دواین سەردان ٢٧ی ١ی ٢٠١٧
  4. ^ گفتوگۆ لەگەڵ پەیمان موعادی ڕۆڵگێڕی فیلمی جیابونەوە[بەستەری مردوو] -فارسی -دواین سەردان ٢٧ی ١ی ٢٠١٧
  5. ^ بەفر لەسەر ڕوی سنەوبەرەکان بوە باشترین فیلم لە ڕوانگەی بینەرانەوە Archived ٧ی ئایاری ٢٠١٥, لە وەیبەک مەشین. - فارسی - دواین سەردان ٢٧ی ١ی ٢٠١٧
  6. ^ ناساندن و خەڵاتەکانی ھەتاھەتاو یەک ڕۆژ[بەستەری مردوو] - فارسی - دواین سەردان ٢٧ی ١ی ٢٠١٧
  7. ^ پیرۆزبایی لە پەرویزی خۆشەویست دەکەم بۆ پێنجەمین خەڵاتی باشترین ئەکتەر - فارسی - دواین سەردان ٢٧ی ١ی ٢٠١٧
  8. ^ دابەشکردنی خەڵاتی ماڵی سینەما و درەوشانەوەی ھەتاھەتا و یەک ڕۆژ - فارسی - دواین سەردان ٢٧ی ١ی ٢٠١٧