بەفر لەسەر ڕووی سنەوبەرەکان
| بەفر لەسەر ڕوی سنەوبەرەکان | |
 | |
| دەرھێنەر | پەیمان مەعادی |
|---|---|
| بەرھەمھێنەر | جەمال ساداتیان |
| نووسین | پەیمان مەعادی |
| کاست | مەھناز ئەفشار ئاناھیتا ئەفشار سابر ئەبر ویشکا ئاسایش حوسێن پاکدڵ زانیار خوسرەوی |
| مۆسیقا | کارن ھومایۆنفەر |
| وێنەگری سینەمایی | مەحمود کەلاری |
| دەستکاری | سپێدە عەبدولوەھاب |
| ماوەی فیلم | ٩٠ خولەک |
| وڵات | ئێران |
| زمان | فارسی |
| داھات | زیاد لە ١ میلیارد تمەن |
بەفر لەسەر ڕوی سنەوبەرەکان (بە فارسی: برف روی کاج‌ها) فیلمێکی کۆمەڵایەتیی ئێرانییە، لە ساڵی ٢٠١٢ بەرھەم ھاتووە، لە نووسین و دەرھێنانی پەیمان مەعادی و بەرھەمھێنانی جەمال ساداتیانە. ئەم فیلمە سەرەڕای حەرامکردنی کە لایەن حوزەی ھونەرییەوە و نەدانی بڕی گونجاوی شاشەی سینەما بۆ پەخشکردن توانی داھاتێکی باش کۆبکاتەوە
فیلمەکە لە لایەن مەحمود کەلارییەوە سینەماتۆگرافی بۆ کراوە و ڕەخنەگران بەدڵیان بووە. وە ڕەش و سپی بوونی فیلمەکە یەکێکی ترە لەو خاڵانەی سەرنجی بینەران ڕادەکێشێت کە ڕەش و سپی بونی فیلمەکە ئاماژەیە بۆ حاڵ و گوزەرانی مردو و بێڕەنگی ژیانی ڕویا و مێردەکەی[١]
چیرۆکی فیلم
[دەستکاری]ڕویا (مەھناز ئەفشار) ژنێکی مامۆستای پیانۆیە کە خۆی ھەندێک کێشەی ھەیە و دوچاری ھەندێک کێشەی دیکەش دەبێتەوە و جۆرێک لە خەمۆکی ھەیە کە بەھۆی نەبونی منداڵ و دوبارەبونەوەی ڕۆژەکانی توشی ھاتووە، ڕویا دوای ئەوەی یەکێک لە خوێندکارەکانی ماوەیەکی زۆر بێھەواڵ دەبێت گومان دەکات پاشان بۆی دەردەکەوێت کە خوێندکارەکەی و مێردەکەی لە دەرەوەی وڵات پێکەوەن و بە جۆرێک خیانەتی لێکراوە کە ھەموان ئاگادارن لەو خیانەتە جگە لە خۆی،
کاست و کەسایەتییەکان
[دەستکاری]- مەھناز ئەفشار ڕۆڵی ڕویا دەگێڕێت ڕویا کەسایەتییەکی ئارامی ھەیە کە زۆربەی دەرد و ئازارەکانی لە ناو خۆیدا دەھێڵێتەوە و تەنانەت ئەو ساتەی بە خیانەتی مێردەکەی دەزانێت ئارامی خۆی ڕادەگرێت. ڕەخنەگران پێیان وایە ژنانی ھاوشێوەی کەسایەتی ڕویا لە کۆمەڵگای ئێراندا زۆر نین
- حسێن پاکدڵ ڕۆڵی مێردی ڕویا دەگێڕێت وا دەردەکەوێت کە جیاوازی تەمەنی لەگەڵ ڕویادا زۆربێت
- ویشکا ئاسایش ڕۆڵی نزیکترین ھاوڕێی ڕویا دەگێڕێت. یەکێکە لەوانەی ئاگاداری ئەو خیانەتەی کە لە ڕویا کراوە بەڵام بێدەنگ دەبێتو باسی ناکات
- زانیار خوسرەوی ڕۆڵی خۆشەویستی خوێندکارەکەی ڕویا دەگێڕێت و ئەویش بێئاگایە لەوەی کە خیانەتی لێکراوە لەلایەن خۆشەویستەکەیەوە
- سابر ئەبر ڕۆڵی گەنجێک دەگێڕێت کە ماڵی خوشکەکەی نزیکە لە ماڵی ڕویا و دوات ئاشنا بوون لەگەڵ ڕویا یەکتریان خۆشدەوێت، ڕویا ئارامییەکی زۆر دەست دەکەوێت دوای ناسینی[٢]
خەڵاتەکان
[دەستکاری]خەڵاتی باشترین فیلم بە ڕای بینەران لە سییەمین فیستیڤاڵی فەجر[٣]
سەرچاوەکان
[دەستکاری]- ^ ڕەش و سپی بونی بەفر لەسەر ڕوی سنەوبەرەکان[بەستەری مردوو]- فارسی - دواین سەردان ٢٧ی ١ی ٢٠١٧
- ^ بەفر لەسەر ڕووی سنەوبەرەکان، سورە سینەما ٧ی حوزەیرانی ٢٠١٧ لە وەیبەک مەشین، ئەرشیڤ کراوە. - فارسی - دواین سەردان ٢٧ی ١ی ٢٠١٧
- ^ بەفر لەسەر ڕوی سنەوبەرەکان بوە باشترین فیلم لە ڕوانگەی بینەرانەوە ٧ی ئایاری ٢٠١٥ لە وەیبەک مەشین، ئەرشیڤ کراوە. - فارسی - دواین سەردان ٢٧ی ١ی ٢٠١٧
