عەبدوڵڵا موھتەدی

لەدایکبوون	١٩٤٩ بۆکان
نەتەوە	کورد
پەروەردە	بازرگانی لە زانکۆی تاران
کار	سکرتێری گشتی
حیزبی سیاسی	کۆمەڵەی شۆڕشگێڕی زەحمەتکێشانی کوردستانی ئێران

عەبدوڵڵا موھتەدی (لەدایکبووی ١٩٤٩ لە بۆکان) چالاکی سیاسی و سکرتێری گشتیی حیزبی کۆمەڵەی کوردستانی ئێرانە. ئەو ھەروەھا یەکێک لە دامەزرێنەرانی کۆمەڵەی شۆڕشگێڕی زەحمەتکێشانی کوردستانی ئێران بووە.

عەبدوڵڵا موھتەدی کوڕی حاجی ڕەحمان ئاغای موھتەدی لە وەزیرەکانی کۆماری کوردستان و زایینەی شاری بۆکانە. قوتابخانەی سەرەتایی و ناوەندییی لە تاران خوێندووە و بە وتەی خۆی خزمی ئەمیرکەبیرە، دەرچووی بازرگانییە لە زانکۆی تاران.

عەبدوڵڵا موھتەدی، فواد مستەفاسوڵتانی، محەمەدحسێن کەریمی و سدیق کەمانگەر و چەند کەسی تر لە دامەزرێنەرانی کۆمەڵە بوون لە ٢٧ی ئۆکتۆبەری ١٩٦٩ (٥/٨/١٣٤٨ کۆچیی ھەتاوی). پێش لە سەرکەوتنی شۆڕشی ئیسلامیی ئێران سێ جار قۆڵبەست کرا کە جارێکیان مەحکووم کرا بە سێ ساڵ بەندیخانە.

ناھید بەھمەنی ھاوسەریەتی و دوو کچیان ھەیە کە ئێستا خوێندکارن. عەبدوڵا موهتەدی و ناهید بەهمەنی لە ڕوانگەی سیاسییەوە نزیکن لە شاپەرستەکانی فارس و بەردەوام هەوڵدەدەن لۆبی بۆ ئەو بابەتە بکەن.

سەرچاوەکان

• سی و نۆ ساڵ کۆمەڵە، وتووێژ لەگەڵ عەبدووڵای موهتەدی سکرتێری گشتی کۆمەڵە (فارسی) - ماڵپەڕی کوردانە