گەورەدزیی ئۆتۆمۆبیل ٥

جی تی ئەی ٥
Grand Theft Auto V
جی تی ئەی ٥; Grand Theft Auto V
پەرەپێدەر	ڕۆکستار نۆرت
بڵاوکەرەوە	ڕۆکستار گەیمز
بەرھەمھێنەر	لێسلی بێنزیس; عیمران سەروەر
شێوەساز	لێسلی بێنزیس; عیمران سەروەر
بەرنامەساز	ئادام فۆولەر
ھوونەرمەند	ئاڕۆن گاربوت
نووسەر	دان ھاوسەر; ڕوپەرت ھەمفایەر; مایکڵ ئەنوۆرث
ئاوازدانەر	وودی جاکسن
زنجیرە	زنجیرەی یاری جی تی ئەی
بزوێنەر	مەکینەی تایبەتی ڕۆکستار بۆ یاری
سەکۆ	مایکرۆسۆفت ویندۆز; پلەی ستەیشن ٤; پلەی ستەیشن ٣; ئێکس بۆکس ٣٦٠; ئێکس بۆکس وان
بڵاوبوونەوە	پلەی ستەیشن ٣ ئێکس بۆکس ٣٦٠; ١٧ی ئەیلوولی ٢٠١٣; پلەی ستەیشن ٤ ئێکس بۆکس وەن; ١٧ی ئەیلوولی ٢٠١٣; مایکڕۆسۆفت ویندۆز; ١٤ی نیسانی ٢٠١٥
چەشن	ئەکشن، سەرکێشی
شێواز	یاری یەک کەسی; دوو کەسی (سەرھێڵ)

گەورەدزی ئۆتۆمۆبیلەکان بەشی ٥ (بە ئینگلیزی: Grand Theft Auto V) یاریەکی جیھانی کراوەی ئاکشن و سەرکێشیە لەلایەن کۆمپانیای ڕۆکستار نۆرتەوە گەشەی پێدراوە و ڕۆکستار گەیمز بڵاویکردۆتەوە.^[١]

یاریەکە لە ١٧ی ئەیلوولی ٢٠١٣ بۆ پلەی ستەیشن ٣ و ئێکس بۆکس ٣٦٠ بڵاوکرایەوە، ھەروەھا لە ١٨ی تشرینی دووەمی ٢٠١٤ بۆ پلەی ستەیشن ٤ و ئێکس بۆکس وەن و لە ١٤ی نیسانی ٢٠١٥ بۆ سیستەمی ویندۆز. یاریەکە یەکەم یاری زنجیرەکەیە لەوەتەی ساڵی ٢٠١٣ەوە کە ئەوکات جی تی ئەی ٤ دەرچوو. چیرۆکەکەشی باسی ویلایەتێکی خەیاڵی سان ئەندریاس دەکات کە تێیدا سێ تاوانبار بەناوەکانی مایکڵ و ترێڤەر و فڕانکی ھەڵدەستن بە دزینی بانکەکان لەکاتێکدا لەلایەن دەزگاکانی حکومەتەوە چاودێریەتی توند دەکرێن، جگە لەوەش چیڕۆکی یاریەکە لەشارێکی خەیاڵیە بەناوی لۆس سانتۆس کە سەرچاوەی لە شاری لۆس ئەنجلسەوە وەرگرتووە.^[٢]

گەشەپێدانی یاریەکە دوای دەرکردنی بەشی چوارەمی یاری (جی تی ئەی ٤) دەستپێکرد. تیمی گەشەپێدانی یاریەکە بریتی بوون لەھەمان ئەو تیمانەی کە پێشووتر یاریەکانی (ڕێد دێد ڕیدێمپشن) و یاری (Max Payne 3)یان نەخشاندبوو و درووستکردبوو. یەکەم ھەنگاوی گەشەپێدانەکە بریتی بوو لە درووستکردنی جیھانێک بۆ یاریەکە کە یاریکەر ھەست بە ڕاستەقینەییەکی زۆر بکات بۆیە ھەڵسان بە دانانی تیمێکی تایبەت بۆ گەڕان بە دەوروبەری کالیفۆڕنیا و لۆس ئەنجلس تاکو بتوانن بیرۆکەی نەخشەی یاریەکەی لێوەرگرن. ساوندتراک یاخود مۆسیقاکانی نێو یاریەکە لەلایەن تیمێکی تایبەتەوە ئامادە کرابوون کە بەماوەی حەوت ساڵ گۆرانیەکانن کۆکردبەوە.^[٣]

جۆری یاری

یاریەکە بەشێوازی کەسی سێیەم و کەسی یەکەم یاری پێدەکرێ و جیھانی یاریەکە لەڕێگای ڕۆیشتن بە پێ یاخود بە ئۆتۆمبێل و کەشتی و فڕۆکە دەبێت. کەسی یاریکەر کۆنتڕۆڵی ھەرسێ کارەکتەرە سەرەکیەکانی یاریەکە دەکات کە بە ئارەزووی خۆی قۆناغەکانی ئەو کارەکتەرە تەواو دەکات زووتر یان درەنگتر. شێوازی یاریکردنیشی بریتیە لە دزینی بانکەکان و ھونەری لێخووڕین و زۆربەی قۆناغەکانی یاریەکەش تەقەکردنیان تێدایە. ھەر یاریکەرێک تاوانێک دژ بە یاسا ئەنجام بدا ئەوا ڕووبەرووی سیستەمی «Wanted - داواکراو» دەبێتەوە کە تێیدا پۆلیسی دەستگیری دەکات. یاریەکە بەشێوەی سەرھێڵ ڕێگە بە ٣٠ یاریکەری جیاوازی دەدات لە یەک جیھاندا یاری بکەن و بەیەکەوە ھاوکاری یەکتر بن لە بڕینی مەرحەلە داواکراوەکان یاخود پاڕکۆر یان پێشبڕکێی ئۆتۆمبێل و چەندان یاریی بچووک و چەندان ئەنجامدانی شتی تری جیاواز دەشتوانن دژی یەکتریش بن.^[٤]

فرۆشەکان

جی تی ئەی ٥ بەھۆی ھەبوونی ناوبانگێکی زۆر، یاریەکە ڕیکۆردی پیشەسازی گەورەی شکاند و بووە خێراترین یاری کە بەشێوەیەکی بەرچاو بفرۆشرێ و لەیەکەم ڕۆژیدا لە ئەمریکا ٨٠٠ میلیۆن دۆلار لەم یاریە فرۆشرا و ١ بلیۆن دۆلاریش دوای ڕۆژی یەکەمی. یاریەکە سەرنجی ڕەخنەگرانی بەلای خۆیدا ڕاکێشا و پێیان وابوو یاریەکە لەڕووی دیزاین و شێوازی یاریەکە نایابە. جگە لەوەش یاریەکە بوە ھۆی سەرباسی زۆرێک لە ڕۆژنامە و ماڵپەرەکانی یاری بەھۆی بوونی توندوتیژیەکی بەرچاو لەنیو یاریەکە کە لەنێویاندا ئەشکەنجەدانی بارمەتەیەک بوو لەیەکێک لە قۆناغەکان. یاریەکە لە نەوەی حەوتەمی یاریەکاندایە و بە باشترین یاری ساڵدا دانرا، بەڵکو ھەندێ وێبسایت بە باشترین یاری مێژووشیان دادەنا. تاکو ئیستا، لەکۆی گشتی فرۆشتەکانیشدا توانی ١١٠ میلیۆن کۆپی لەم یاریە بفرۆشرێ لە سەرانسەری جیھاندا.^[٥]

سەرچاوەکان

^ Pitcher، Jenna (٩ی تشرینی یەکەمی ٢٠١٣). «Grand Theft Auto 5 smashes 7 Guinness World Records». Polygon. Vox Media. لە ڕەسەنەکە لە ٩ی تشرینی یەکەمی ٢٠١٣ ئەرشیڤ کراوە. لە ٩ی تشرینی یەکەمی ٢٠١٣ ھێنراوە. {{cite web}}: |ڕەوشی ناونیشان=no نادروستە (یارمەتی)
^ Hamilton، Kirk (٢٤ی ئەیلوولی ٢٠١٣). «Five Ways You Can Make Grand Theft Auto V More Immersive». Kotaku. Gawker Media. لە ڕەسەنەکە لە ٦ی ئابی ٢٠١٤ ئەرشیڤ کراوە. لە ١٢ی ئەیلوولی ٢٠١٤ ھێنراوە. {{cite web}}: |ڕەوشی ناونیشان=no نادروستە (یارمەتی)
^ Bertz، Matt (٢ی ئایاری ٢٠١٣). «Putting Your Personal Stamp On Grand Theft Auto V». Game Informer. GameStop. لە ڕەسەنەکە لە ١٣ی ئەیلوولی ٢٠١٣ ئەرشیڤ کراوە. لە ٦ی ئەیلوولی ٢٠١٣ ھێنراوە. {{cite web}}: |ڕەوشی ناونیشان=no نادروستە (یارمەتی) ١٣ی ئەیلوولی ٢٠١٣ لە وەیبەک مەشین، ئەرشیڤ کراوە.
^ Simmons, Alex (12 November 2012). "Grand Theft Auto V: Reinventing the Open-World Rulebook". IGN. Ziff Davis. Archived from the original on 20 February 2014. Retrieved 9 April 2014.
^ «فرۆشتنەکانی جی تی ئەی».

بەستەرە دەرەکییەکان

وێبگەی فەرمی

[Guinness_World_Record-1] Pitcher، Jenna (٩ی تشرینی یەکەمی ٢٠١٣). «Grand Theft Auto 5 smashes 7 Guinness World Records». Polygon. Vox Media. لە ڕەسەنەکە لە ٩ی تشرینی یەکەمی ٢٠١٣ ئەرشیڤ کراوە. لە ٩ی تشرینی یەکەمی ٢٠١٣ ھێنراوە. {{cite web}}: |ڕەوشی ناونیشان=no نادروستە (یارمەتی)

[2] Hamilton، Kirk (٢٤ی ئەیلوولی ٢٠١٣). «Five Ways You Can Make Grand Theft Auto V More Immersive». Kotaku. Gawker Media. لە ڕەسەنەکە لە ٦ی ئابی ٢٠١٤ ئەرشیڤ کراوە. لە ١٢ی ئەیلوولی ٢٠١٤ ھێنراوە. {{cite web}}: |ڕەوشی ناونیشان=no نادروستە (یارمەتی)

[3] Bertz، Matt (٢ی ئایاری ٢٠١٣). «Putting Your Personal Stamp On Grand Theft Auto V». Game Informer. GameStop. لە ڕەسەنەکە لە ١٣ی ئەیلوولی ٢٠١٣ ئەرشیڤ کراوە. لە ٦ی ئەیلوولی ٢٠١٣ ھێنراوە. {{cite web}}: |ڕەوشی ناونیشان=no نادروستە (یارمەتی) ١٣ی ئەیلوولی ٢٠١٣ لە وەیبەک مەشین، ئەرشیڤ کراوە.

[IGN_Reinventing-4] Simmons, Alex (12 November 2012). "Grand Theft Auto V: Reinventing the Open-World Rulebook". IGN. Ziff Davis. Archived from the original on 20 February 2014. Retrieved 9 April 2014.

[5] «فرۆشتنەکانی جی تی ئەی».

[١]

[٢]

[٣]

[٤]

[٥]