ڕەشت

ڕەشت ناوی شارێکی پارێزگای گیلان و ھەروەھا ناوەندی ئەم پارێزگایەیە. لە ساڵی ٢٠٠٦دا ٥٥١،١٦١ کەس دانیشتووی بووە. کەشی ڕەشت زۆر نمەوەر و بارانییە و ئەم شارە، و شوێنەکانی گرتوپەڕی، ناوەندێکی گرنگە بۆ کشتووکاڵی بەرزە (برنج) و میوە وەکوو پرتەقاڵ و زەیتوون.

مێژوو

پێشتر ڕەشت شوێنێکی ھەرە گرنگ لە ئێراندا بووە. یەکەم پەرتووکخانەی ئێران لە سەردەمی قاجارەکاندا لە رەشتدا دامەزرا. ھەروەھا رۆژنامەی «نسیمِ شمال» کە وەکوو یەکەم رۆژنامەی نووژەنی ئێران دەناسرێ، لە رەشتدا لە چاپ دراوە.

میرزا کووچەک خان راپەڕێکی بەناوی ڕەشتی کە لە سەردەمی قاجارەکاندا بوو بە ڕێبەری بزاڤی دارستان. ئەم بزاڤە بۆ کاتێکی کوورت (١٩٢٠-١٩٢١) توانی کۆماری کۆمەڵەپەروەری گیلان بە پایتەختیی ڕەشت دابمەزرێنێ.

خەڵک

زۆربەی خەڵکی ڕەشت گیلەکن و ھەندێک تاڵش، کوردی گیلانی، ئەرمەنی، گورجی، و فارسیش تێدا دەژین.

لە رەشتدا گەل بە فارسی و گیلەکی پێکەوە قسە دەکەن.