ھێزە ئاشوورییەکانی عێراق

ھێزە ئاشوورییەکانی عێراق
سێ ئەندامی ھێزی ئاسمانیی شاھانەی ھێزە ئاشوورییەکانی عێراق لە ساڵی ١٩٤٦
Active	١٩٢١–١٩٥٥
وڵات	عێراق
دڵسۆزی	شانشینی یەکگرتوو
لق	ھێزی ئاسمانیی شاھانە سوپای بەریتانیا
جۆر	ھێزی ئاسمانی
قەبارە	٤٠٫٠٠٠ ئاشووری
نازناو	لیڤییەکانی عێراق، لیڤییە ئاشوورییەکان
شەڕەکان	شۆڕشەکانی شێخ مەحموود کۆمەڵکوژی ١٩٢٤ی کەرکووک جەنگی جیھانیی دووەم  • شەڕی ئەنگلۆ عێراقی ڕاپەڕینی ئەحمەد بارزانی ڕاپەڕینی سمکۆی شکاک (١٩١٨–١٩٢٢) ڕاپەڕینی سمکۆی شکاک (١٩٢٦)
فەرماندەکان
Notable commanders	داود مارشەمعوون ئاغا پەترۆس مایک خۆشەبا مالیک یاقۆ

ھێزە ئاشوورییەکانی عێراق (بە ئینگلیزی: Iraq Levies) لیڤییە ئاشوورییەکان یان لیڤییەکانی عێراق یەکەم ھێزی سەربازیی عێراق بوو کە لەلایەن ئینگلیزەکانەوە لە عێراقی ژێر کۆنترۆڵی بەریتانیا دامەزرا. ھێزە ئاشوورییەکانی عێراق لە ھێزێکی چەکداری ناوخۆیی گەڕیدەکانەوە سەرچاوەی گرتووە کە لە کاتی جەنگی جیھانیی یەکەمدا کۆکراونەوە. دوای ئەوەی عێراق بوو بە ژێردەستەی بەریتانی، ئەو ھێزە زیاتر لە ئاشووری، کورد و تورکمانی عێراقی پێکھاتبوو کە لە باشووری کوردستان دەژیان، لەکاتێکدا سوپای تازەپێگەیشتووی عێراق سەرەتا لەو عەرەبانە دامەزرا کە پەیوەندییان بە ھێزە ئاشوورییەکانی عێراقەوە کردبوو. لە کۆتاییدا ھێزەکان بە شێوەیەکی سەرەکی سەربازانی ئاشووریان لەگەڵ ئەفسەرانی بەریتانیا پێکدەھێنا. یەکەکە سەرەتا بەرگریی لە سنوورەکانی باکووری پارێزگای مووسڵ دەکرد کاتێک تورکیا بانگەشەی لکاندنی پارێزگاکەی بە تورکیاوە کرد و سوپاکەی بەسەر سنوورەکانیدا جێگیر کرد. لە دوای ساڵی ١٩٢٨ ڕۆڵی سەرەکی ھێزە ئاشوورییەکانی عێراق پاسەوانیکردنی بنکەکانی ھێزی ئاسمانیی شاھانە]] بوو کە دەکەونە عێراق.

مێژوو

ھێزە ئاشوورییەکانی عێراق مێژووەکەیان بۆ گەڕیدە عەرەبییەکان دەگەڕێتەوە کە لە ساڵی ١٩١٥ لەلایەن پێشڕەو (ڕائید) جەی ئای ئیدی، لە سوپای ھیندستانی بەریتانیا ڕێکخرابوو، کە وەک ئەفسەری خزمەتگوزاری تایبەت لە بەشی مونتەفیق لە مێزۆپۆتامیا کاری کردووە. ئەو چل عەرەبی سواری لە ھۆزەکانی دەوروبەری ناسریە وەرگرت، بۆ ئەرکی بەڕێوەبەرایەتیی ھەواڵگری وەک پاسەوانی ئەفسەرانی سیاسی لە باشوور و ناوەڕاستی عێراق. تا ساڵی ١٩١٨ گەڕیدە عەرەبەکان زیادیان کرد بۆ ٥٤٦٧ میلیشیای عەرەب، کورد، تورکمان و ئاشووری.

لە لوتکەیدا، بە مەزەندە ٤٠ ھەزار ئاشووری لە ھێزە ئاشوورییەکانی عێراق خزمەتیان کردووە.