نێوانی ئەستێرەکان (فیلم)

نێوانی ئەستێرەکان
نێوانی ئەستێرەکان
	پۆستەری فیلم
دەرھێنەر	کریستۆفەر نۆلان
بەرھەمھێنەر	ئێما تۆماس; کریستۆفەر نۆلان; لیندا ئۆبست;
نووسەر	جۆناتان نۆڵان; کریستۆفەر نۆلان;
ئەکتەران	ماتیو مەکانەھێی; ئان ھاتوەی; جێسیکا کاستەین; بیڵ ئیروین; ئێلن بورستین; مایکڵ کەین;
مۆسیقا	ھانس زیمەر
وێنەگری سینەمایی	ھۆیت ڤان ھۆیتیما
مۆنتاژ	لی سمیت
کۆمپانیای; بەرھەمھێنەر	پاراماونت پیکچەرز; وارنەر برۆس پیکچەرز; لێجێنداری پیکچەرز; سینکۆپی; لیندا ئۆبست پڕۆدەکشنز;
بڵاوکردنەوە	پاراماونت پیکچەرز; (ئەمریکای باکوور); وارنەر برۆس پیکچەرز; (نێونەتەوەیی);
دەرچوون	٢٦ی تشرینی یەکەمی ٢٠١٤ (چین); ٥ی تشرینی دووەمی ٢٠١٤ (ویلایەتە یەکگرتووەکانی ئەمریکا); ٧ی تشرینی دووەمی ٢٠١٤ (شانشینی یەکگرتوو); ; ;
ماوەی فیلم	١٦٩ خولەک
وڵات	شانشینی یەکگرتوو; ویلایەتە یەکگرتووەکانی ئەمریکا;
زمان	ئینگلیزی
تێچوون	١٦٥ ملیۆن $
داھات	٧٠١٫٨ ملیۆن $

نێوانی ئەستێرەکان (بە ئینگلیزی: Interstellar) فیلمێکی پاڵەوانیی خەیاڵی زانستیی ٢٠١٤یە، کە بە ھاوبەشیی لەلایەن کریستۆفەر نۆلان و جۆناتان نۆلانەوە نووسراوە، و لەلایەن کریستۆفەر نۆلانەوە کاری بەرھەمھێنان و دەرھێنانی بۆ کراوە.

چیرۆکی فیلمەکە[دەستکاری]

ساڵی 2067 وشکەساڵی و قات و قڕی دەبێتە هۆی ئەوەیکە مرۆڤ دەستبەرداری چالاکییە زانستییەکانی وەک کۆڵینەوە و توێژینەوە ئاسمانییەکان بێت. ژۆزەف کووپەر، فڕۆکەوانی دەزگای ناسا ناچار دەبێ وەک جووتیارێک خەریکی کشتوکاڵ بێت. ڕۆژێک و بە هەڵکەوت کووپەر لە ژووری نووستنی کچەکەی تووشی دیاردەیەکی نائاسایی لەسەر هێزی ڕاکێشانی زەوی دەبێتەوە. کووپەر پاش کۆڵینەوەی ئەو ڕووداوە نائاساییە کۆردیناتێکی دەست دەکەوێت و بە یارمەتی ئەو کۆردیناتە و GPS دەگاتە بنکەیەکی نهێنی ناسا کە بەڕێوەبەرەکەی کەسێکە بە نێوی پڕۆفیسۆر براند. براند شرۆڤە بە کووپەر دەدات و دەڵێت کە خەریکی ئۆپەراسیۆنێکی نهێنییە بۆ دۆزینەوەی گەڕۆکێک لە دەرەوەی سیستەم و کۆمەڵەی خۆر، و ئێستا خەریکی دۆزینەوەی وەڵامە بۆ هاوکێشەیەک لەسەر هێزی ڕاکێشان. براند داوای یارمەتی و هاوکاری لە کووپەر دەکات تا لەگەڵ سێ زانای دیکە واتە ئەمیلیا براند (کچی پڕۆفیسۆر براند)، ڕۆمڵی و دۆیڵ، کەشتییەکی ئاسمانی بئاژوێت و گەشتێک بۆ دەرەوەی کۆمەڵەی خۆر بکەن. ناوبراون لە ڕێگای کرمەچاڵێکەوە دەچنە دەرەوەی کۆمەڵەی خۆر و ئەرکی تاوتوێکردنی سێ گەڕۆکیان پێ سپێردراوە. ئەو سێ گەڕۆکە بە دەوری کونەڕەشێکی گەورەدا بەنێوی Gargantua ئەخولێنەوە و پێشتر هەر یەک لەو گەڕۆکانە زانایەکی ناسایان بۆ نێردراوە و بەشێوەی سەرەتایی تاوتوێ کراون.

کاست و کەسایەتییەکان[دەستکاری]

ماتیو مەکانەھێی و ئان ھاتوەی ڕۆڵی کەسایەتییە سەرەکییەکانی نێوانی ئەستێرەکانیان گێڕاوە.
ماتیو مەکانەھێی بە ڕۆڵی جۆزێف کووپەر، فڕۆکەوانێکی پێشووی ناسایە، دوای ئەوەی ئاژانسەکە لەلایەن حکوومەتەوە داخرا، بووە بە جووتیار.

ئان ھاتوەی بە ڕۆڵی دکتۆر ئەمیلیا براند، زانا و ئەستێرەگەڕێکی ناسایە.
جێسیکا کاستەین بە ڕۆڵی مێرفی «مێرف» کووپەر، کچی جۆزێفە، کە لە کۆتاییدا دەبێتە زانایەکی ناسا.
- مەکێنزی فۆی ڕۆڵی مێرفی لاو دەگێڕێت
- ئێلن بورستین ڕۆڵی مێرفی بەتەمەن دەگێڕێت.
جۆن لیتگۆ بە ڕۆڵی دۆناڵد، خەزوورە پیرەکەی کووپەرە.
مایکڵ کەین بە ڕۆڵی پڕۆفیسۆر جۆن براند، زانایەکی پایەبەرزی ناسایە، خاوەنی بیرۆکەی پیلانی ئەیە، ڕاوێژکاری پێشووی کووپەر، و باوکی ئەمیلیایە.
دەیڤد جاسی بە ڕۆڵی ڕۆمڵی، ئەندامێکی پایەبەرزی ناسایە، و ئەندامی دەستەی ئیندورەنسە.
وێس بێنتلی بە ڕۆڵی دۆیڵ، ئەندامێکی پایەبەرزی ناسایە، و ئەندامی دەستەی ئیندورەنسە.
کەیسی ئافلێک بە ڕۆڵی تۆم کووپەر، کوڕی جۆزێفە، کە پاشجار گەورە دەبێت و دەبێت بە جووتیار.
- تیمۆتی شالامێ ڕۆڵی تۆمی لاو دەگێڕێت.
مات دەیمن بە ڕۆڵی مان، ئەستێرەگەڕێکی ناسایە کە لە ماوەی بەرنامەی لازەرەسدا بۆ ھەسارەیەکی بەستەڵەک نێردراوە.
بیڵ ئیروین بە ڕۆڵی تارس (دەنگ و بووکەڵەجووڵێنی) و کەیس (بووکەڵەجووڵێنی)
جۆش ستیوارت بە ڕۆڵی کەیس (دەنگ)
تۆفەر گرەیس بە ڕۆڵی گێتی، ھاوڕێ و خۆشەویستی مێرفە.
لیا کێرنز بە ڕۆڵی لویس، ھاوسەری تۆمە.
دەیڤد ئۆیەلۆوۆ بە ڕۆڵی بەڕێوەبەری خوێندنگە.
کۆلێت وۆڵف بە ڕۆڵی خاتوو ھانلی.
ویلیام دێڤەین بە ڕۆڵی ویلیامز، ئەندامێکی تری ناسایە.
ئێلیەس گەیبڵ بە ڕۆڵی کارگێڕ.
جێف ھێفنەر بە ڕۆڵی پزیشک.
ڕەس فێگا بە ڕۆڵی سەرۆکی دەستە.

سەرچاوەکان[دەستکاری]

^ "Interstellar (12A)". British Board of Film Classification. October 20, 2014. Retrieved October 20, 2014.
^ ^ئ ^ا "Interstellar (2014)". British Film Institute. Archived from the original on 8ی Decemberی 2015. Retrieved December 10, 2014. {{cite web}}: Check date values in: |archive-date= (help) ٨ی کانوونی یەکەمی ٢٠١٥ لە وەیبەک مەشین، ئەرشیڤ کراوە.
^ ^ئ ^ا "Interstellar (2014)". Box Office Mojo. Retrieved August 29, 2015.

بەستەرە دەرەکییەکان[دەستکاری]

ئەم فیلم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت.

[1] "Interstellar (12A)". British Board of Film Classification. October 20, 2014. Retrieved October 20, 2014.

[BFI-2] ئ ^ا "Interstellar (2014)". British Film Institute. Archived from the original on 8ی Decemberی 2015. Retrieved December 10, 2014. {{cite web}}: Check date values in: |archive-date= (help) ٨ی کانوونی یەکەمی ٢٠١٥ لە وەیبەک مەشین، ئەرشیڤ کراوە.

[BOM-3] ئ ^ا "Interstellar (2014)". Box Office Mojo. Retrieved August 29, 2015.

[١]

[٢]

[٣]