مووسا باباخانی
مووسا باباخانی | |
|---|---|
 مووسا باباخانی | |
| لەدایکبوون | ١٩٨١ |
| ونبوون | ٥ی ئابی ٢٠٢١ |
| ڕەوشی ونبوون | ڕفاندن لەلایەن چەند کەسی سەر بە حکوومەتی ئێران |
| مەرگ | ٧ی ئابی ٢٠٢١ |
| ھۆکاری مەرگ | تیرۆرکردن لەلایەن چەند کەسی سەر بە حکوومەتی ئێران |
| شوێنی دۆزینەی تەرم | ھۆتێلی گوڵی سلێمانی، ھەولێر |
| نەتەوە | کورد |
| پیشە | سیاسەتوان، پێشمەرگە |
| چالاکبوون | ١٩٩٩-٢٠٢١ |
| حیزبی سیاسی | حیزبی دێموکراتی کوردستان |
| بەرامبەر(ەکان) | کۆماری ئیسلامیی ئێران |
مووسا باباخانی (لەدایکبووی ١٩٨١ لە کرماشان – مردووی ٢٠٢١ لە ھەولێر) سیاسەتوان و ئەندامی کۆمیتەی ناوەندیی حیزبی دێموکراتی کوردستان بوو، کە لە ساڵی ١٩٩٩ پەیوەندی بە ڕیزەکانی حیزبەکەوە کرد. تەرمی باباخانی لە ٧ی ئابی ٢٠٢١، لە ھۆتێلی گوڵی سلێمانی دۆزرایەوە.[١][٢][٣]
ژیاننامە
[دەستکاری]باباخانی لە ساڵی ١٩٨١دا لە شاری کرماشان، ڕۆژھەڵاتی کوردستان لەدایکبوو، ئەو لە ساڵی ١٩٩٩ و لە تەمەنی گەنجێتیدا پەیوەندی بە ڕیزەکانی حیزبی دێموکراتی کوردستانەوە کرد. ئەو لە کۆنگرەی ١٧ی حیزبی دێموکراتی کوردستاندا بە ئەندامی کۆمیتەی ناوەندیی ئەو حیزبە ھەڵبژێردرا.[٤]
مردن
[دەستکاری]مووسا باباخانی لە ٥ی ئابی ٢٠٢١ەوە لەلایەن دوو کەسی سەر بە کۆماری ئیسلامیی ئێرانەوە ڕفێندرا و تەرمەکەی دوو ڕۆژ دوایە لە ٧ی ئابی ٢٠٢١دا لە ھۆتێلی گوڵی سلێمانی لە ھەولێر دۆزرایەوە و ھەروەھا جەستەی باباخانی شوێنەواری ئەشکەنجەی قورسی پێوەدیار بوو.[٥] تەرمی مووسا باباخانی لە ١٠ی ئابی ٢٠٢١ لە گۆڕستانی شەھیدانی حیزبی دێموکراتی کوردستان لە کۆیە بە خاک سپێردرا.[٦]
زۆر یەک لە پارتە سیاسییەکانی کوردستان، وەکوو حیزبی شیوعی کوردستان،[٧] یەکێتیی دیمۆکراتیکی کوردستان، کۆمەڵەی زەحمەتکێشانی کوردستان، پارتی سۆسیالیستی کوردستان، حیزبی زەحمەتکێشانی کوردستان، ڕێکخراوەی خەباتی شۆڕشگێڕی کوردستان و حیزبی دێموکراتی کوردستانی ئێران سەرکۆنەی ئەو کارەساتەیان کرد.[٨]
سەرچاوەکان
[دەستکاری]- ^ «حیزبی دیموکراتی کوردستان کوژرانی بەرپرسێکیان لە ھەولێر ڕادەگەیێنێت». تۆڕی میدیاییی ڕووداو.
- ^ «حیزبی دیموکراتی کوردستان تیرۆرکردنی ئه‌ندامێکی کۆمیته‌ی ناوه‌ندیی حیزبه‌که‌ی ڕاگه‌یاند». کوردستان ٢٤.
- ^ «لە ھەولێر تەرمی مووسا باباخانی ئەندامی کۆمیتەی ناوەندیی حیزبی دیموکراتی کوردستان دۆزرایەوە». دەنگی ئەمریکا.
- ^ «ڕاگەیەندراوی حیزبی دێموکراتی کوردستان لەبارەی تێرۆری مووسا باباخانی، ئەندامی کۆمیتەی ناوەندیی حیزبەوە». کوردستان و کورد.
- ^ «ئاسایشی ھەولێر: ئەنجامی لێکۆڵینەوەکان لەسەر کوژرانی مووسا باباخانی ڕادەگەیێنین». تۆڕی میدیاییی ڕووداو.
- ^ «تەرمی مووسا باباخانی لە کۆیە بە خاک سپێردرا». تۆڕی میدیاییی ڕووداو.
- ^ «حیزبی شیوعی سەرکۆنەی کوشتنی مووسا باباخانی دەکات». تۆڕی میدیاییی ڕووداو.
- ^ «پەیامی ھاوخەمیی حیزب و لایەنە سیاسییەکان لەگەڵ حیزبی دێموکراتی کوردستان بۆ مەحکوومکردنی تیرۆری مووسا باباخانی». کوردستان و کورد.
