قوباد تاڵەبانی

قوباد تاڵەبانی
لەدایکبوون	(١٩٧٧-٠٧-٢١) ٢١ی تەممووزی ١٩٧٧ دیمەشق، سووریا
نەتەوە	کورد
ناوەکانی تر	مامی بچووک
چالاکبوون	٢٠٠١-تاکوو ئێستا
پاش	سەرۆکی حکوومەت
حیزبی سیاسی	یەکێتیی نیشتمانیی کوردستان
ئایین	ئیسلام
ھاوسەر	شێری کراھام
مناڵ(ەکان)	لاری (کچ) ئاری (کوڕ)

قوباد تاڵەبانی (ناوی تەواو: قوباد جەلال حیسامەددین؛ لەدایکبووی ٢١ی تەممووزی ١٩٧٧) سیاسەتوانێکی کورد و جێگری سەرۆک وەزیرانی ھەرێمی کورستانە. ئەو ئەندامی یەکێتیی نیشتمانیی کوردستان و کوڕی جەلال تاڵەبانییە. لە کاتی دوو ئیدارەیی کوردستان لە بەشی سەوزدا لەساڵانی ٢٠٠١ بۆ ٢٠٠٣ یاریدەدەری بەرھەم ساڵح سەرۆکی حکوومەتی ئەو ناوچەیەی ھەرێم بوو؛ دواییش بووەتە نوێنەری حکوومەتی ھەرێمی کوردستان لە ویلایەتە یەکگرتووەکانی ئەمریکا، لەدوایشدا بە پلەی وەزیر لە ئەنجومەنی وەزیرانی حکوومەتی ھەرێمی کوردستان کاری کردووە، لە ئێستاشدا جێگری سەرۆکوەزیرانی حکوومەتی ھەرێمی کوردستانە لە کابینەی نۆیەمی حکوومەتی ھەرێم.

ژیان

قوباد ژیانی زۆربەی لە ناوچەی سەری خواروی لەندەن لە بەریتانیا بەسەربردوە و دەرچوی زانکۆی سەرییە. پێش ئەوەی دەست بکات بە کاری سیاسی خەریکی کاری ئۆتۆمبیلی ئیتالی بوە و بڕوانامەی بەکالۆریۆسی ھەندەسەی میکانیکی سەیارەشی ھەر لەوێ وەرگرتوە. دوای دەرچوونی لە زانکۆ ئیتر بڕیار دەدا تێکەڵ بە سیاسەت بێت. لە ھەمان چاوپێکەوتندا، باسی ئەوە دەکات کە لەگەڵ ماڵی باپیری لە بەریتانیا ژیاوە و بەھۆی چالاکی باوکی لە پێشمەرگایەتیدا ئەم نەیتوانیوە لە ماڵی خۆیان گەورە بێت. بەڵام دەڵێ کەوا تەواوی ژیانی پڕبوە لە میوان و کۆبوونەوەی سیاسی لە ناو ماڵباتی باپیری (ئیبراھیم ئەحمەدی باوکی ھێرۆخان).

خێزانی ناوی «شێری کراھام»ە و پێشتر کارمەندی ئۆفیسی وەزارەتی دەرەوە بۆ کاروباری ئێراق بوە.

نوێنەرایەتیی ھەرێم لە ئەمریکا

لە ساڵی ٢٠٠٦ و دوای یەکگرتنەوەی ئیدارەکانی ھەرێم، قوباد تاڵەبانی نوێنەرایەتی ھەرێمی دەکرد لە ئەمریکا تا دوای گەڕانەوەی بۆ کوردستان لە ساڵی ٢٠١٢دا و وەرگرتنی پۆستی «بەرپرسی فەرمانگەی ھەماھەنگی و بەدواداچوون» کە پلەی وەزیری ھەیە.

بەستەرە دەرەکییەکان

• بلاگی قوباد
• ویکی ئینگلیزی