ئێزیدی (ئایین)

کۆمەڵە کوردێکی ئێزیدی

مەزاری شێخ عەدی کوڕی موسافر کەلەلایەن ئێزیدییەکان پیرۆزە

ئێزیدی خاوەنی ئاینی تایبەتن و زۆربەیان لە باشووری کوردستانن لە دەڤەری شێخانی نێوان مووسڵ، پارێزگای دھۆک و دەڤەری شنگاری سەر سنووری سووریادا دەژین. ھەروەھا لە بۆتان و دەربێسیە‌ و باکووری پارێزگای ئەلحەسکە‌ و دەڤەری عەفرین لە حەلەب و ئەلەگەزی ئەرمەنستان و پارێزگای قەرس و ئەردێخانی باکووری ڕۆژھەلاتی تورکیادا دەژین. ئێزیدی بە کوردی کورمانجی دەئاخڤن .

بیروباوەڕی ئێزیدی

• خوا - ئێزدان: گەورەیەکەی لە نوسیندا دەرناکەوێت، لە سەروی نموونە و شێوەوەیە؛ سیفەتەکانی کۆنن وەکوو زاتی خۆی هیچ شتێک لە سەر شێوەی ئەو نیە و لە هیچ شتێک ناچێت. لەبەر ئەوەی خودایە کەواتە خوای مرۆڤە.

• مەلیکە تاوس مەلیکی هەموو مەلائیکەتەکانە (فریشتەکانە). مەلیکە تاوس بریتیە لە عەزازیل یان بە عەرەبی (الشیطان) (بە ئینگلیزی: Melek Taus یان The Peacock Angel) کە حوکمی هەموو زەوی ئەکات بە یارمەتیو هاوکاری حەوت فریشتەی دیکە ئەو حەوت مەلائیکەیەش لەژێر ئەمری خودای گەورەدان.

• پاشا بە شێوەی تاوس شێوە دەکێشرێت. ئاو، خۆڵ و هەوا لە دروشمە پیرۆزەکانی دینی ئێزیدین کە هەرسێکیان ژیان پێک دەهێنن.

هەروەها ئێزیدییەکان مەزارێکی زۆر پیرۆزیان هەیە کە سەردانی دەکەن کە مەزاری شێخ عەدی کوڕی موسافرە کە لە لالەشدایە.

ناو

ناوی ئێزیدی |یەزیدی| لە فارسیەوە ھاتووە |إيزيد| واتای پەرستراوە وە وشەی ئێزیدی واتا |بەندەی خودا| وە بەم شێوەیە شوێنکەوتوانی ئاینەکە باسی خۆیان ئەکەن.

ڕەمزە پیرۆز و دینیەکانیان

یەکەم پاڕانەوە (دۆعا) : کە بەسێ کاتدا دەکرێت بە تایبەتی لە کاتی هەڵهاتنی خۆر و ئاوابوونیدا یەزیدیەکان لەم کاتانەدا داوای خێر و خۆشی بۆ خۆیان و هەموو مرۆڤایەتی دەکەن. ئێزیدی وەکوو دیانەت ڕێگە و شێوازی تایبەتی خۆیان هەیە لە کاتی بەجێگەیاندنی نوێژدا بۆ خودا کە بەزمانی ئاری کۆن پێی ئەڵێن (خودێ) یان (ئێزدان) کە کۆمەڵێک دۆعای لێ ئەکەن بە تایبەتی لە کاتی هەڵهاتنی خۆ رو نیوەڕۆ و کاتی خۆرئاوابووندا.

ژێدەر

• بی بی سی فارسی؛ یزیدیان کیستند؟
• هه‌ژار، چێشتی مجێور، خانی شه‌ڕه‌فكه‌ندی ئاماده‌ی كردوه‌ و سه‌رپه‌رشتی چاپی كردوه‌، چاپی یه‌كه‌م: پاریس ١٩٩٧ .