١٩٨٤ (ڕۆمان)
ڕۆمانی ١٩٨٤ یەکێکە لە گەورەترین ئاسەواری ئەدەبیاتی جیهان کە لە سەر چاندی خەڵک و میدیاکانی جیهان کاریگەر بووە. ئەم ڕۆمانە بە دەستی جۆرج ئۆروێڵ نووسەر، ڕۆژنامەنووس، ڕخنەگری ئەدەبی و شاعیری ئینگلیزی نووسراوە. ئەم پڕتووکە بە دەستی حەکیم کاکەوەیس لە سوییدییەوە کراوەتە کوردی. ١٩٨٤ بە زیاتر لە ٦٥ زمان وەرگێڕیاوە. جۆرج ئۆروێڵ ئەم ڕۆمانەی لە ساڵی ١٩٤٨ نووسیوە و باسی کۆمەڵگایەک ئەکات کە تایبەتمەندییەکانی ڕقی دوژمنەکان و خۆشەویستی ڕێبەری گەورەیە. لەم کۆمەڵگایەدا تۆمەتبار بە ئاسانی دەکوژرێت و ئازادیە تاکەکەسییەکان لە ژێر پێی یاسادا پێشێل دەکرێن.
