شێخ جەعفەر شێخ مستەفا
 | ئەم وتارە بۆ سەلماندن پێویستی بە ئاماژەی زیاتر بە سەرچاوەکان ھەیە. (فێربە کەی و چۆن ئەم داڕێژەیە لابەریت) |
| شێخ جەعفەر شێخ مستەفا | |
|---|---|
.jpg)
| |
| جێگری سەرۆکی ھەرێمی کوردستان | |
| لە پۆستدایە | |
| گرتنە دەست ٨ی ئایلوولی ٢٠١٩ | |
| وردەکاریی تاکەکەسی | |
| لەدایکبوون | ١ی تەممووزی ١٩٥٠ قەرەداغ،  کوردستان
|
| نەتەوە | کورد |
| پارتی سیاسی | یەکێتی نشتیمانی کوردستان |
| منداڵ(ەکان) | لەرێ شێخ جەعفەر شێخ مستەفا - کچ
نۆزان شێخ جەعفەر شێخ مستەفا - کوڕ |
| ئایین | ئیسلام |
جەعفەر شێخ مستەفا، ناسراو بە شێخ جەعفەر (لەدایکبووی ١ی تەممووزی ١٩٥٠ لە قەرەداغ، عێراق) جێگری سەرۆکی ھەرێمی کوردستان و ئەندامی سەرکردایەتی یەکێتی نیشتیمانی کوردستانە پێشتر فەرماندەی ھێزەکان ٧٠ بوو و ئەندامی خولی یەکەمی پەرلەمانی کوردستان بووە. لە ٨ی لە ئەیلوولی ٢٠١٩ وەک جێگر سەرۆکی ھەرێم و جێگری فەرماندەی ھێزی پێشمەرگە کوردستان دەستبەکار دەبێت.[١]
ژیان
[دەستکاری]شێخ جعفەر شێخ مستەفا لە ١ی مانگی ٧ی ١٩٥٠ لە ناوچەی قەرەداغی سەر بە پارێزگای سلێمانی لە دایک بووە. لە تەمەنی ١٩ ساڵیدا پەیوەندی بە ھێزەکانی پێشمەرگەی کوردستانەوە کردوو و ژیانی خۆی بۆ خەباتی شۆڕشگێری تەرخان کردووە و چەندین پلە و بەرپرسیارییەتیی سەربازی لە ڕیزەکانی یەکێتیی نیشتمانیی کوردستاندا وەرگرتووە.
لە ساڵی ١٩٩١دا ڕۆڵێکی بەرچاوی ھەبووە لە میحوەری (١) ی دەربەندیخان تا خانەقین و دواتر دەبێتە بەرپرسی ھێزەکانی ھەولێر و کۆیە. لە خولی یەکەمی پەرلەمانی کوردستاندا دەبێتە ئەندامی پەرلەمان و پاشان لە ئیدارەی سلێمانی دەبێتە بریکاری وەزیری پێشمەرگە و لێپرسراویەتیی (فەرماندەی فەرماندەییی سلێمانی) پێدەبەخشرێت.
لە سەردەمی شەڕی دژ بە تیرۆریستانی (ئەنسارولئیسلام)دا لەسەر داوای سەرۆک مام جەلال ساڵی ٢٠٠٢ دەبێتە لێپرسراوی ھێزی پێشمەرگەی کوردستان. پاش یەکگرتنەوەی ھەردوو ئیدارەی ھەولێر و سلێمانی، دەبێتە وەزیری پێشمەرگە و لە ھەمان کاتیشدا فەرماندەی ھێزەکانی (٧٠) بووە.
ساڵی ٢٠١٤ بە یەکێک لە کاریگەرترین سەرکردەکانی شەڕی دژ بە تیرۆرستانی داعش دەناسرێت و لە ماوەی فەرماندەییکردنی ھێزی پێشمەرگەدا دژ بە داعش بە دەیان داستانی قارەمانانە و سەرکەوتن تۆمار دەکات.
شێخ جەعفەر شێخ مستەفا لە ٨ی ئەیلوولی ساڵی ٢٠١٩ وەک جێگری سەرۆکی ھەرێمی کوردستان و جێگری فەرماندەی گشتیی ھێزی پێشمەرگەی کوردستان دەستبەکار بوو و لەڕووی ستراتیژییەوە لەگەڵ ھێزەکانی ھاوپەیمانان بەشدارێکی سەرەکییە لە پرۆسەی یەکخستن و یەکگرتنەوەی ھێزی پێشمەرگەی کوردستان وەک سوپایەکی یەکگرتوو پێشمەرگەی کوردستان لەژێر فەرماندەیی وەزارەتی پێشمەرگەدا.[٢]
سەرچاوەکان
[دەستکاری]- ^ «شێخ جەعفەر شێخ مستەفا». مەڵپەڕی سەرۆکایەتی ھەرێمی کوردستان - عێراق (بە کوردی). لە ۲٥ی کانوونی یەکەمی ۲۰۲۰ ھێنراوە.
{{cite web}}: نرخەکانی ڕێکەوت بپشکنە لە:|ڕێکەوتی سەردان=(یارمەتی)ڕاگرتنی شێوازی سەرچاوەی ١: ڕەوشی ناونیشان (بەستەر) - ^ https://presidency.gov.krd/jaafar-sheikh-mustafa/
