دەسەڵاتی نیشتمانیی فەلەستین

دەسەڵاتی نیشتمانیی فەلەستین
دامەزران	١ی کانوونی دووەمی ١٩٩٤
پۆستی سەرۆکی ئەم ڕێکخراوە	سەرۆکی دەسەڵاتی نیشتمانیی فەلەستین
زمانی فەرمی	زمانی عەرەبی
سروودی نیشتمانی	Fida'i
کیشوەر	ئاسیا
وڵات	دەوڵەتی فەلەستین
پۆتانی شوێن	٣١°٥٣′٠″N ٣٥°١٢′٠″E
دەسەڵاتی دادوەری دەگرێتەوە	دەوڵەتی فەلەستین، کەناری ڕۆژاوا و کەرتی غەززە
خاوەنی	Faisal Al-Husseini International Stadium
شوێنی بارەگاکان	ڕامەڵڵا
دەقی بنەڕەتی	Gaza–Jericho Agreement
وێبگە	http://www.minfo.gov.ps/
لە ویکیدراوە دەستکاریی زانیارییەکان بکە

دەسەڵاتی نیشتمانیی فەلەستین (بە عەرەبی: السلطة الوطنیة الفلسطینیة) ڕێکخراوێکی کارگێڕییە و لەژێر کۆنترۆڵی فەتحدایە، کە کۆنترۆڵی تەواوی ناوچەی (A)ی کەرتی ڕۆژاوا و ناوچەی (B)ی بە ھاوبەشی لەگەڵ ئیسرائیلدا ھەیە، بەڵام ناوچەی (C) و قودسی ڕۆژھەڵاتەوە ھێشتا لەلایەن ئیسرائیلەوە کۆنترۆڵکراوە. ئەم حکوومەتە کەرتی غەززەی کۆنترۆڵکردبوو تا دوای ململانێی نێوان فەتح و حەماس لە ساڵی ٢٠٠٧، حەماس توانی بە کردەوە کۆنترۆڵی کەرتی غەززە بکات.

دەسەڵاتی فەلەستین لە ساڵی ١٩٩٤ دوای ڕێککەوتنەکانی ئۆسلۆ لە نێوان ڕێکخراوی ڕزگاری خوازی فەلەستین و ئیسرائیل وەک حکوومەتێکی ئینتیقالی پێنج ساڵە دامەزرا تا بتوانرێت دانوستانی کۆتایی نێوان ھەردوولا لەم ماوەیەدا ئەنجام بدرێت.

ناوچەکانی دەسەڵات

پێش ڕاگەیاندنی ڕێککەوتننامەی ئۆسلۆ کە لە ساڵی ١٩٩٣ لە نێوان ڕێکخراوی ڕزگاریخوازی فەلەستین و ئیسرائیل واژوو کرا، حکوومەتی ئیسرائیل ڕای گەیاند کە نەخشەی پێکھاتەیی بۆ سەرجەم شار و شارۆچکە و گوندە فەلەستینییەکانی کەناری ڕۆژاوا خستووەتە ڕوو، کە لە ڕێگەیانەوە سنووری ناوچە ئاوەدانەکان لە ھەر یەک لەو کۆمەڵگە فەلەستینییانەدا دیاری کران.

ئەمەش وەک پێشەکییەک بوو بۆ ئەو پۆلێنانەی کە دواتر لە ڕێککەوتننامەی دووەمی «ئۆسلۆ» دا ھاتن کە لە ساڵی ١٩٩٥ واژوو کرا، کە بڕیاریدا بە دابەشکردنی کەناری ڕۆژاوا بۆ سێ بەش، کە ڕووبەرەکەی نزیکەی ٥٬٧٦٠ کیلۆمەتر چوارگۆشە دەبێت، لە کۆی ٢٧٬٠٠٠ کیلۆمەتر چوارگۆشە، ھەر یەکەیان ڕێوشوێن و دەسەڵاتی ئەمنی و کارگێڕی جیاوازیان ھەیە، بەم شێوەیەی خوارەوە:

ناوچەی (ا)

سەرجەم ناوەندە سەرەکییەکانی دانیشتووان لەخۆدەگرێت و لە ڕووی ئەمنی و کارگێڕییەوە بە تەواوی لەژێر کۆنترۆڵی دەسەڵاتی فەلەستیندایە، ڕووبەرەکەشی دەگاتە نزیکەی ١٨٪ی ڕووبەری کەناری ڕۆژاوا کە نزیکەی ٩٨٢ کیلۆمەتر چوارگۆشەیە.

ناوچەی (ب)

پێکدێت لەو گوند و شارۆچکانەی کە لکاون بە شارەکانەوە و لەژێر کۆنترۆڵی مەدەنیی فەلەستینی و ئەمنیی ئیسرائیلیدان، کە ٢١٪ی ڕووبەری کەناری ڕۆژاوا پێکدەھێنن.

ناوچەی (ج)

ئەمانە تاکە ناوچەی پێکەوەبەستراو و دانەبڕاون لە کەناری ڕۆژاوا، و لە ڕووی ئەمنی و کارگێڕییەوە بە تەواوی دەکەونە ژێر کۆنترۆڵی ئیسرائیلەوە و نزیکەی ٦١٪ی ڕووبەری کەناری ڕۆژاوا پێکدەھێنن.

دابەشکاری کارگێڕی

کەناری ڕۆژاوا کە بەشێکی لەژێر دەسەڵاتی نیشتمانیی فەلەستین دایە، بەسەر ئەم پارێزگایانەدا دابەشکراوە:

پارێزگاکانی کەناری ڕۆژاوا

ناوی پارێزگا	دانیشتووان (٢٠٠٥)
پارێزگای جەنین	٢٥٦٬٠٠٠
پارێزگای توباس	٤٦٬٦٤٤
پارێزگای توولکەرم	١٦٧٬٨٧٣
پارێزگای نابلوس	٤٢٦٬٨٧٣
پارێزگای قەلقیلیە	٩٤٬٢١٠
پارێزگای سەلفیت	٦٢٬١٢٥
پارێزگای ڕامەڵڵا و بیرە	٢٨٠٬٥٠٨
پارێزگای ئەریحا	٤٢٬٢٦٨
پارێزگای بێت لەحم	١٧٤٬٦٥٤
پارێزگای خەلیل	٥٢٤٬٥١٠
کۆی گشتی	١٬٩٧٣٬٨٨٣

سەرچاوەکان

بەشداربووانی ویکیپیدیا، «تشکیلات خودگردان فلسطین»، ویکیپیدیای فارسی. سەردان لە ٢٣ی ١٠ی ٢٠٢٣.