خانم لەتیف

لە ئینسایکڵۆپیدیای ئازادی ویکیپیدیاوە
Jump to navigation Jump to search
خانم لەتیف
بەڕێوەبەری ئاسوودە
ڕێبەر ڕێزان ئاکرەیی
پێشینە ئاشتی عەزیز
وردەکاریی تاکەکەسی
لەدایکبوون (1969-01-01) ١ی کانوونی دووەمی ١٩٦٩ (تەمەن ٥١)
سلێمانی، عێراق
نەتەوە کورد
ھاوسەر(ەکان) کەمال رەئوف (ھاوسەرگیری ١٩٦٢)
منداڵەکان ١
خوێندن لە زانکۆی گەشەپێدانی مرۆیی
ماڵپەڕ مالپەری فەرمیی خانم لەتیف

خانم ڕەحیم لەتیف (لەدایکبووی ١ی کانونی دووەمی ١٩٦٩، لە سلێمانی) ژنەچالاکوانێکی لیبرالە، بەرگری لە یەکسانی مافی ژنان ئەکات لە کوردستانی عێراق[ژێدەر پێویستە]. پەناگەییەک دابین دەکات بۆ ئەو ژنانەی کە روبەروی توندو تیژی دەبنەوە لەسەر بنەمای رەگەزی.

سەرەتای ژیان و بواری خوێندن[دەستکاری]

ھەڵگری بروانامەی بەکالوریوسە لە یاسا و زانستە سیاسیەکان ساڵی ٢٠١٤–٢٠١٥ ھەروەھا دبلۆم لە توێژینەوەی کۆمەڵایەتی لە زانکۆی کانتربێری بەریتانی ساڵی ٢٠٠٦.

بواری پیشەیی[دەستکاری]

خانم لە ساڵی ٢٠٠٠ وە بەشداری لە بزوتنەوەی مافی ژنان کردووە لە کوردستان. ساڵی ٢٠٠٢، خانم یەکەم پەناگەی پاراستنی ژنانی دامەزراند لە سلێمانی، پارێزگاری دابین دەکات بۆ ئەو ژنانەی کە ھەرەشەی کوشتنیان لە سەرە و رووبەرووی توندوتیژی دەبنەوە وە بۆ قوربانیانی توندوتیژی. خانم بەرێوەبەری رێکخراوی ئاسودەیە، کە یەکەم رێکخراوی سەربەخۆی ناحکومییە لە عێراق کە کارئەکات بۆ بەرەنگاربوونەوەی توندوتیژی دژی ژنان. خانم چەند نامیلکە و کتێبی بڵاوکردۆتەوە بە کوردی وەک «دەرئەنجامەکانی توندوتیژی دژ بە ژنان». ھەروەھا چەندین رێکەوتنامەو دۆکیومێنتی نێودەولەتی دەربارەی مافی ژنان وەرگێراوە بۆ زمانی کوردی.

کۆبوونەوەی خانم لەتیف لەگەڵ کۆندۆلیزا رایس، وەزیری پێشووی دەرەوەی ئەمریکا، لە واشنتۆن، ٢٠٠٨

لە ساڵی ٢٠١٠ وە ئەندامە لە نیودوڵەتی فرۆنتلاین دیفێندەرز، ھەروەھا لە ساڵی ٢٠١١ وە، ئەندامە لە ئەنجومەنی کۆنگرەی نەتەوەیی کورد (کەنەکە)،[١] لە ٢٠٠٦ وە ئەندامە لە رێکخراوی لێبوردنی نێودەوڵەتی (ئەمنێستی ئینتەرناشناڵ). وە ھەروەھا بەشداربووە لە بریاری ١٣٢٥ ی ئەنجومەنی ئاسایشی نەتەوە یەگرتووەکان لە عێراق و کوردستان و یەکێکە لە ئەندامەکانی ھاوپەیمانی پلانی نەتەوەیی حکومەتی عێراقی. راوێژکاری سندوقی جیھانی ژنانە لە ڕۆژھەڵاتی ناوەڕاست و باکووری ئەفریقا.[٢] ھەروەھا ئەندامە لە تۆری ھۆشیاری لەسەر توندوتیژی.

خانم وەک کاندیدێکی سەربەخۆ پاڵێوراوە بۆ ئەنجومەنی نەتەوەیی عێراق لە ھەڵبژاردنی ساڵی ٢٠٠٥. ئامادەیی ھەبووە لە زۆربەی کۆرو کۆنفراس و، وۆرکشۆپ لە سەر ژنان لە بە غداد و شارەکانی تری عێراق. بەشداربووە لە ھەڵمەتی پەسەند کردنی کۆتای لە %٢٥ بۆ بەشداری ژنان لە دەسەڵاتی یاسادانانی لە ئەنجومەنی نوێنەرانی عێراق.

کۆبوونەوەی خانم لەتیف لەگەڵ زەینەب بانگورا، نوێنەری تایبەتی سکرتێری گشتیی نەتەوە یەکگرتوەکان بۆ کاروباری توندوتیژیی سێکسی لە شەڕدا، لە نیویۆرک، ئازاری ٢٠١٦

ساڵی ٢٠٠٨، خانم ھەڵبژێردرا وەکو پاڵێوراوێک بۆ خەڵاتی ژنی بوێری وەزارەتی دەرەوەی ئەمریکا و ساڵی ٢٠١٦ پاڵیوراوە بۆ خەڵاتی نیودەوڵەتیی ڤایتەڵ ڤۆیسس بۆ ژنی سەرکردە.

خانم بەشداری کردووە لە زۆربەی راپۆرتی رێکخراوە ناوخۆیی و نێودەوڵەتی و میدیا دەربارەی کێشەی ژنان لە کوردستان و عێراق وە دیداری لەگەڵ دا کراووە لەسەر مافی ژنان لە عێراق.[٣][٤][٥][٦][٧][٨][٩][١٠][١١][١٢][١٣][١٤][١٥][١٦]

خانم بە بەردەوامی بەشداربووە لە چالاکی نێودەوڵەتی و ھەرێمی و ناوخۆدا لەسەر مافەکانی ژنان و توندوتیژی لەسەر بنەمای رەگەزی لە عێراق. ساڵی ٢٠١٤، دوای ئەوەی گرووپی تیرۆرستی داعش ھەڵمەتی توندوتیژی یان بەرامبەر یەزیدییەکان کرد، خانم دەستی کرد بە گەڕان بە دوای ئەو ژنانەی کە بونەتە قوربانی دەستی داعش. لە ئەنجامدا بەلایەنی کەمەوە ٢٠٠٠ژن رفێندراون لە کاتی ھێرشە دڕندانەکی داعش. ئە ژنانەی کە رایان کردبوو لە دەستی داعش، خانم ھاوکاری و خزمەتگوزاری پێشکەشی ئەو ژنانە کردووە، بەتایبەتی ئەوانەی کە رووبەری ئازاردان و توندوتیژی بونەتەوە، فرۆشرابون یان توندوتیژی سێکسی یان بەرامبەر کراووە.

خانم لە کاتی وەرگرتنی ١٥ھەمین خەڵاتی نێودەوڵەتیی ڤایتەل ڤۆیسز بۆ ژنانی سەرکردە، لە کێنێدی سەنتەر لە واشنتۆن، ٩ لە ئازاری ٢٠١٦

ژیانی کەسێتی[دەستکاری]

خانم ھاوسەری رۆژنامەنوس کەمال رەئوفە، بەرێوەبەری کۆمپانیای شار بۆ بڵاوکردنەوە لە کوردستانی عێراق، خانم کچێکی ھەیە.

خەڵاتەکان[دەستکاری]

وەک پێزانین و رێزلێنان بۆ کارەکانی لە بواری مافەکانی ژنان لە عێراق، خانم ١٥ ھەمین خەڵاتی نێودەوڵەتیی ڤایتەل ڤۆیسز بۆ ژنانی سەرکردە پێبەخشرا. ئێوارەی ٩ ی مارسی ٢٠١٦ خانم لە سەنتەری کینیدی لە واشنتۆن خەڵاتەکەی وەرگرت، لەگەڵ سێ چالاکوانی تر بە ناوەکانی حەفسەت ئەبیۆلا، ئەکانکشا ھەزاری و یوانی سانچێز.[١٧][١٨][١٩]

سەرچاوەکان[دەستکاری]

  1. ^ http://www.kongrakurdistan.net/so/members/[بەستەری مردوو][بەستەری مردووی ھەمیشەیی]
  2. ^ http://www.globalfundforwomen.org/people/#Advisors
  3. ^ "وەشانی ئەرشیڤکراو". لە ڕەسەنەوە ئەرشیڤ کراوە لە ٣ی نیسانی ٢٠١٦. لە ڕێکەوتی ٢ی نیسانی ٢٠١٦ ھێنراوە. 
  4. ^ http://www.christianaid.org.uk/whatwedo/eyewitness/middleeast/asuda-womens-rights-iraq.aspx
  5. ^ http://www.theguardian.com/world/2010/jul/05/female-genital-mutilation-kurdish-iraq
  6. ^ http://www.takepart.com/article/2016/03/08/khanim-latif-womens-rights-vital-voices
  7. ^ https://en.qantara.de/content/womens-rights-in-northern-iraq-time-for-a-rethink
  8. ^ "وەشانی ئەرشیڤکراو" (PDF). لە ڕەسەن (PDF)ەوە ئەرشیڤ کراوە لە ٥ی ئازاری ٢٠١٧. لە ڕێکەوتی ١٩ی ئایاری ٢٠١٦ ھێنراوە. 
  9. ^ https://www.ecoi.net/file_upload/1226_1315301372_report-08-11.pdf
  10. ^ http://www.equalpowerlastingpeace.org/tag/law
  11. ^ url="وەشانی ئەرشیڤکراو". لە ڕەسەنەوە ئەرشیڤ کراوە لە ١٠ی ئایاری ٢٠١٧. لە ڕێکەوتی ١٦ی ئازاری ٢٠١٦ ھێنراوە. 
  12. ^ http://anonhq.com/meet-bold-brave-woman-fighting-womens-rights-iraqi-kurdistan
  13. ^ http://www.stylist.co.uk/life/the-feminists-on-the-frontline
  14. ^ url=http://www.npr.org/2016/03/09/469757704/sisters-forced-marriage-started-iraqi-woman-on-activist-path
  15. ^ "وەشانی ئەرشیڤکراو". لە ڕەسەنەوە ئەرشیڤ کراوە لە ١٠ی ئایاری ٢٠١٧. لە ڕێکەوتی ١٦ی ئازاری ٢٠١٦ ھێنراوە. 
  16. ^ http://www.independent.co.uk/news/world/middle-east/how-picture-phones-have-fuelled-frenzy-of-honour-killing-in-iraq-829934.html
  17. ^ "وەشانی ئەرشیڤکراو". لە ڕەسەنەوە ئەرشیڤ کراوە لە ٢٦ی ئازاری ٢٠١٦. لە ڕێکەوتی ٢١ی ئازاری ٢٠١٦ ھێنراوە. 
  18. ^ http://www.huffingtonpost.com/yoani-sanchez/women-always-postponed--1_b_9413334.html
  19. ^ https://vitalvoices.exposure.co/15th-annual-global-leadership-awards