ئاکۆ غەریب

ئاکۆ حەمە غەریب ناسراو بە ئاکۆ غەریب (لەدایکبووی ١٩٦٢ لە سلێمانی، ھەرێمی کوردستان) شێوەکارێکی کوردە.

ژیان

ئاکۆ غەریب ساڵی ١٩٦٢ لە شاری سلێمانی لەدایک بووە. ھەر لە منداڵییەوە حەزی لە وێنەکێشان بووە. ساڵەکانی ١٩٨٠–١٩٨١ لەگەڵ کرانەوەی پەیمانگای ھونەرە جوانەکانی سلێمانی لە بەشی شێوەکاری وەرگیراوە و ساڵی ١٩٨٥ تەواو بووە. بڕوانامەی خوێندکارییەکەی تابلۆی شەڕی دەربەندی بازیان بووە.

ژیانی ھونەری

نیگارەکانی ئاکۆ غەریب چەن بەش لەخۆ دەگرن:

مێژوویی

ئاکام لە تابلۆ مێژوویییەکانی گێڕانەوەی دووبارەی مێژووی کوردە، لە قاڵبێکی نوێدا بۆ نەوەکانی داھاتوو.

سروشت

ئەم تابلۆیانە نھێنییەکانی سروشتی کوردستان وەک ناسنامەیەک دەخەنە ڕوو. لەم تابلۆیانەدا ڕەنگی ئاوی زۆر بەکار ھێنراوە.

کاریکاتێر

ئامانج لە کێشانەوەیان پڕکردنەوەی بۆشایی کارێکاتێرە لە ڕۆژنامەگەریی کوردیدا کە لە سیخوورمەدا بڵاو دەبوونەوە.

کارەکان

• کردنەوەی پێشانگا لە ھەولێر، سلێمانی، دھۆک، زاخۆ، سەقز، شنۆ، نەغەدە، نەمسا، ئەڵمانیا، فەرەنسا، بەریتانیا، کەنەدا، قاھیرە، بەلجیکا، ھۆلەند، تاران
• بەڕێوبەری مۆزەخانەی نیشتمانیی ئەمنە سوورەکە یە.
• بەڕێوبەری گۆڤاری سیخوورمە بووە.

سەرچاوەکان

• ئاکۆ غەریب، کوردیپێدیا
• ژیان لە فەرھەنگدا: ئاکۆ غەریب، دەنگی ئەمریکا
• چەند تابلۆیەک بەخامەی ھونەرمەند ئاکۆ غەریب

بەستەرە دەرەکییەکان

• بەشێک لە بەرھەمەکانی ئاکۆ غەریب