فەلسەفەی سیاسی

ئەفلاتوون (چەپ) و ئەرەستوو (ڕاست)، وردەکارییەکانی قوتابخانەی ئەسینا لەلایەن ڕافایل

فەلسەفەی سیاسی یان فەلسەفەی ڕامیاری بریتییە لە تۆژینەوەی مژارگەلێک وەکو ئازادی، داد، سامان، ماف، یاسا، و جێبەجێبوونی یاسا لەلایەن دەسەڵاتەوە؛ فەلسەفەی ڕامیاری دەپرسێ:

• ئەم مژارانە چین؟
• ئاخۆ پێویستن؟
• بۆچی پێویستن؟
• چییە کە حووکمکردن و فەرمانکردن بۆ حکوومەتێک ڕەوا دەکات؟
• ئەوە چ ماف و ئازادیگەلێکن حکوومەت دەشێت بیانپارێزێت و بۆچی؟
• حکوومەت دەبێ بە چ شێوەیەک بوونی ھەبێ و بۆچی؟
• یاسا چییە؟
• ئەو ئەرکانە چین کە لە گەردنی شارۆمەندانن؟
• ئاخۆ ئەرکی وا ھەر ھەیە؟
• و گەلەک پرسیاری تری لەم چەشنە...

ھەر کام لە قوتابخانە سیاسییەکان، بە ڕێبازی تایبەتی خۆیانەوە ھەوڵی وەڵامدانەوەی ئەم پرسیارانەیان داوە.

فەلسەفەی ڕامیاری بە واتای گێڕانەوەی مێژووی بیرە سیاسییەکان نییە، بەڵکوو بە واتای بیرکردنەوە لە سیاسەت بە شێوەیەکی فەلسەفییە. فەلسەفەی ڕامیاری زۆر ناچێتە ناو ناخی حکوومەتێکی تایبەت و خۆی لە شێوازەکانی فەرمانڕەوایی نادات.

سەرچاوە

• ئەحمەد شەبانی، فەرھەنگی زانستی سیاسی، وەشانخانەی زانستگەی کوردستان، ٢٠١٠، لاپەڕەکانی ٢٢٧ و ٢٢٨