ڕەوشەن بەدرخان

لە ئینسایکڵۆپیدیای ئازادی ویکیپیدیاوە
Jump to navigation Jump to search


ڕەوشەن بەدرخان (١٩٠٩ - ١٩٨٦) ھاوسەری جەلادەت عالی بەدرخانە و جێگەیەکی تایبەتی ھەیە لە مێژووی ژنانی کورد لە سەدەی بیستەمدا. ڕەوشەن بەدرخان لە ١١ تەمموزی ١٩٠٩ لە شاری قەیسەری لە تورکیا ھاتۆتە دونیاوە. ئەو کاتە ساڵح بەدرخانی باوکی دوور خرابووە بۆ ئەو شارە. چوار ساڵی تەمەنی منداڵی لە ئەستەمبوڵ بردۆتە سەر. لە ساڵی ١٩١٣ دا بەدرخانیان جارێکی تر دەکەونە بەر شاڵاوی کاربەدەستانی تورکەلاوەکان و دوور دەخرێنەوە. ڕەوشەن بەدرخان لەگەڵ باوکیدا لە شام دەگیرسێنەوە و لەوێ باوکی دەیناتە بەر خوێندن و لە دواییدا دەبێ بە یەکی لە مامۆستا پێشەنگەکانی ژن لە ھەموو وڵاتی سووریادا. لە ساڵی ١٩٣٥ دەبێ بە ھاوسەری میر جەلادەت بەدرخان و ھەڤدە ساڵ پێکەوە ژیانی ھاوسەرێتی بەسەر دەبن. کاتێ لە ساڵی ١٩٥١ جەلادەت کۆچی دوایی دەکا و ڕەوشەن بەدرخان بە دوو منداڵەوە بەجێ دێڵێ. ڕەوشەن بەدرخان گەلێ چالاک بووە لە بزاڤی ژناندا و ھەوڵی دەداکە، ڕەوشەن بەدرخان کەسایەتی خۆی بە سەر ھەموو لایەکدا سەپاندبوو و زیرەکانە روو بە روویان دەبووە. ڕەوشەن بەدرخان لە بواری نووسین و وەرگێرانیشدا ڕۆڵێکی باشی ھەبوو بۆ یارمەتیدانی کچان و ژنانی کورد و عەرەب لە سووریا. زیاتر لە دە کتێبی کە یا بە خۆی نوسیبونی یا وەریگێرابون لە بوارە جیاوازەکانی پەروەردە و ئەدەب و مێژوو و یادداشتدا بڵاوکردۆتەوە.




سەرچاوەکان[دەستکاری]