بۆ ناوەڕۆک بازبدە

چیرۆکی کایەکلێ ٣

ئەمە وتارێکی باشە. بۆ زانیاریی زۆرتر کرتەی لەسەر بکە.
لە ئینسایکڵۆپیدیای ئازادی ویکیپیدیاوە
چیرۆکی کایەکلێ ٣
دەرھێنەرلی ئانکریچ
بەرھەمھێنەردارلا کای ئەندێرسن
سەرچاوەی چیڕۆکجۆن لاسیتەر
ئەندروو ستانتن
لی ئانکریچ
کاستتۆم ھەنکس
تیم ئاڵن
جۆن کویاک
دۆن ڕیکڵز
واڵاس شۆن
جۆن ڕازنبەرگر
ئیستێلێ ھاریز
نێد بیتی
مایکڵ کیتن
جۆدی بێنسن
جۆن مۆریس
مۆسیقاڕاندی نیومان
وێنەگری سینەماییجێرمی لاسکی
کیم وایت
دەستکاریکێن شرێزمان
ستۆدیۆ(کان)واڵت دیزنی پیکچەرز
پیکسار
کۆمپانیای بڵاوکەرەوەستوودیۆکانی وێنەی جووڵاوی واڵت دیزنی
ڕێکەوتی دەرچوون١٢ی حوزەیرانی ٢٠١٠ (تائۆرمینا فیلم فێست)
١٨ی حوزەیرانی ٢٠١٠ (ئەمریکا)
ماوەی فیلم١٠٣ خولەک[١]
وڵاتویلایەتە یەکگرتووەکانی ئەمریکا
زمانئینگلیزی
بەشێکە لە زنجیرەیچیرۆکی کایەکلێ
تێچوون٢٠٠ ملیۆن دۆلار[١]
داھات١٬٠٦٧ ملیار دۆلار[١]
بەشی پێشووچیرۆکی کایەکلێ ٢
بەشی دواترچیرۆکی کایەکلێ ٤

چیرۆکی کایەکلێ ٣ (بە ئینگلیزی: Toy Story 3) فیلمێکی ئەنیمەیشنی کۆمیدیای درامیی ساڵی ٢٠١٠یە، لە دەرھێنانی لی ئونکریچ، لەلایەن ستۆدیۆی ئەنیمەیشنی پیکسار کاری بەرهەمهێنانی بۆ کراوە، بە ھاوبەشی لەگەڵ واڵت دیزنی پیکچەرز، و لەلایەن واڵت دیزنی ستۆدیۆز مۆشن پیکچەرز دابەشکراوە. فیلمەکە لەلایەن مایکڵ ئارندتەوە نووسراوە و ١١ھەمین فیلمی درێژی پیکسارە، ھەروەھا سێیەم قۆناغی زنجیرەکەیە بەهەمان ناو دوای چیرۆکی کایەکلێ و چیرۆکی کایەکلێ ٢. تۆم ھەنکس و تیم ئاڵن و جوان کوساک و دۆن ڕیکڵز و واڵاس شۆن و مایکڵ کیتۆن و تیمۆسی داڵتۆن و بۆنی ھانت و ھوپی گۆڵدبێرگ وەک ئەکتەری دەنگی بەشداری فیلمەکەیان کردووە.[٢] یەکەم ھەوڵی دروستکردنی فیلمەکە لەلایەن کۆمپانیای سێرکڵ سێڤن ئەنیمەیشنەوە بوو کە بەشی ئەنیمەیشنی دیجیتاڵییە کە لەلایەن کۆمپانیای دیزنییەوە لە ساڵی ٢٠٠٥ دامەزراوە، بەڵام بە کڕینی کۆمپانیای پیکسار لەلایەن ستۆدیۆکانی دیزنییەوە پڕۆژەکەی وەستاند، کە لە ساڵی ٢٠٠٦ بە ڕێنمایی کۆمپانیای پیکسار دەستیپێکردەوە.[٣]

چیرۆکی کایەکلێ ٣ وەک فیلمەکانی پێش خۆی، ستایشی ڕەخنەگرانی لێکرا لەگەڵ بڵاوبوونەوەی، ڕەخنەگران ستایشی نمایشە دەنگییەکان، سیناریۆ، قووڵی سۆزداری، شێوازی ئەنیمەیشن و نمرەی ڕاندی نیومانیان کرد. یەکەم فیلمی ئەنیمەیشنی بوو کە داھاتی زیاتر لە یەک ملیار دۆلار بوو لە سەرانسەری جیھاندا و قازانجترین فیلمی ئەنیمەیشنی بوو تا ئێستا (ڕیکۆردێک بوو تا ساڵی ٢٠١٤، کاتێک لەلایەن بەستووەوە لە ٢٠١٣ تێپەڕێندرا)، ھەروەھا پێنج پاڵێوراوی بۆ خەڵاتی ئۆسکاری ساڵی ٢٠١١ ھەبووە، ناسنامەی باشترین فیلمی ئەنیمەیشنی و باشترین گۆرانی بەدەستھێناوە.[٤][٥]

چیرۆکی کایەکلێ ٣ لە سینەماکانی ئەمریکا لە ١٨ی حوزەیرانی ٢٠١٠ نمایشکرا، لەکاتێکدا لە ئیتاڵیا، دوای یەکەم نمایشی جیھانی کە لە فێستیڤاڵی فیلمی تائۆرمینا لە ١٢ی حوزەیرانی ٢٠١٠ بەڕێوەچوو، فیلمەکە بۆ یەکەمجار لە سینەماکان لە ٧ی تەممووزی ھەمان ساڵ نمایشکرا. زنجیرەکە بەردەوام بوو بە چیرۆکی کایەکلێ ٤ کە لە ٢١ی حوزەیرانی ٢٠١٩ بڵاوکرایەوە.

چیرۆک[دەستکاری]

وودی لە دیمەنێکی نێو فیلمەکەدا

ئاندی، خاوەنی یارییەکانی وەک ودی، باز ڵایتیێر، جێسی و ئەوانی دیکە، ئێستا گەورە بووە و لە تەمەنی ١٧ ساڵیدا خەریکە بەرەو کۆلێژ بڕوات، سەرەڕای ئەوەش، ھێشتا زۆر حەزی لە ھاوڕێکانی منداڵییەتی و بە ھاندانی دایکی بۆ پاککردنەوەی ژوورەکەی، بڕیار دەدات لە ژێرزەمینەکەی ماڵەکەدا بیانھێڵێتەوە. پاشان یارییەکان دەخرێنە ناو کیسەیەکی زبڵ و خاشاکەوە بۆ ئەوەی لە ژێرزەمینەکەدا ھەڵبگیرێن، تەنھا ودی نەبێت کە لەناو سندوقی شتومەکەکاندا دادەنرێت بۆ ئەوەی ببرێت کۆلێژ لەلایەن ئاندییەوە. ھەر لەو کاتەی کە دەچێتە ژێرزەمینەکە، مۆلی خوشکەکەی بانگی دەکات بۆ یارمەتی: دایکی ئاندی کە کیسەکان دەبینێت، پێی وایە کەلوپەلی تێدایە بۆ ئەوەی فڕێی بداتە ناو زبڵ و خاشاکەکەوە و بۆیە دەیباتە دەرەوە و بڕێیان دەدات. یارییەکان توانیان لە کیسەکە دەربچن پێش ئەوەی بارھەڵگری زبڵەکە ھەڵیان بگرێت، پەنا دەبەنە بەر ئۆتۆمبێلی خاتوو دەیڤس، لەوێ سندووقێک دەدۆزنەوە کە یارییە کۆنەکانی مۆلی تێدایە بۆ ئەوەی بیبەخشن بە نەمامگە.

ودی دەگاتەەوە دەستی ھاوڕێکانی، بەڵام بۆی دەردەکەوێت کە ئەوان، بەو باوەڕەی کە ئاندی ویستویەتی فڕێیان بدات، تووڕە و بێھیوان، بڕیاریان داوە ئەوانیش ببرێنە باخچەی ساوایان، ودی ھەوڵدەدات بۆیان ڕوون بکاتەوە کە ئاندی لە ڕاستیدا تەنھا بەنیازی ئەوە بووە بیانخاتە ناو ژێرزەمینەکەوە و ھەمووی ھەڵە بووە، بەڵام کەس باوەڕ پێی ناکات. بۆ ئەوەی ھاوڕێکانی بەجێ نەھێڵێت، بۆیە ئەویش دەچێتە ناو ئەو سندوقەی کە بڕیارە بۆ یەکێک لە نەمامگەکان ببرێن. یارییەکانی ئاندی لەلایەن ئەوانەی باخچەی ساوایانەوە پێشوازییەکی گەرمیان لێدەکرێت، بە سەرۆکایەتی ورچی پەمەیی لۆتسۆ و ڕاوێژکارەکەی کێن، کە لە یەکەم بینیندا عاشقی باربی دەبێت و بەرامبەری دەبێتەوە، بۆیە باربی دەچێت بۆ ئەوەی لە ماڵی کێن بژی، کە ٣ نھۆمییە ڤێلایەکە بە دوڵابێکی زەبەلاحەوە. دوای ئەوەی ھەوڵێکی دیکەی شکستخواردوو بۆ ڕازیکردنی ھاوڕێکانی بۆ گەڕانەوە بۆ لای ئاندی دا، ودی بە شۆک و بە دوودڵی وازیان لێ دەھێنێت و بڕیار دەدات خۆی ھەموو شتێک بکات.

لەکاتێکدا ودی بەرەو دەرچوون دەڕوات لەو نەمامگەیە، ئەوانی تر بۆیان دەردەکەوێت کە ئەوان لە «پۆلی کاتەرپیلەر» دا دەستنیشانکراون، ئەو پۆلە بۆ بچووکترین منداڵەکانە، کە ھەموو ئەو شتانە تێکدەدەن کە وەک بووکەڵەوان. دوای ئەوەی بینی کە «پۆلی پەپوولە» لە نەمامگەدا بوونی ھەیە، لەگەڵ منداڵانی گەورەتر کە زۆر باشتر مامەڵە لەگەڵ یارییەکاندا دەکەن، باز دەچێت بۆ ئەوەی داوا لە لۆتسۆ بکات کە پۆلەکان بگۆڕێت. ورچەکە سەرەتا ڕازی دەبێت، بەنیازە ئەو شوێنە تەنھا بە باز بدات، کە ھەرچەندە باز پێی خۆشە ھاوڕێکانیشی بەشێک بن لە پۆلەکە.

لۆتسۆ دەڵێت کە منداڵانی پۆلی کاتەرپیلەرەکەش دەبێ یارییان ھەبێت و وتارێک دەدات بە باز سەبارەت بە باشی کۆمەڵگاکەیان، بەڵام باز ئاماژە بەوە دەکات کە نایەوێت واز لە ھیچ ھاوڕێیەکی بھێنێت و لەو کاتەدا لۆتسۆ سروشتی ڕاستەقینەی خۆی نیشان دەدات، فەرم بە خزمەتکارەکانی دەکات کە وا لەباز بکەن وەک بووکەڵەیەکس بێ ئاگا بمێنێتەوە و تێکی دەدەن. کاتێک جێسی و ئەوانی تر بڕیار دەدەن کە نەمامگەکە بەجێبھێڵن (دوای ئەوەی بۆیان دەرکەوتووە کە ودی ڕاست دەکات، بەو پێیەی ئاندی بەڕاستی ھەموویانی خۆشدەوێت و لە ڕێگەی چاوێکی خاتوو پووەتەیتەوە کە لە ژووری کوڕەکەدا بەجێماوە بەدوایاندا دەگەڕێت) لەلایەن بازەوە دەگیرێن چونکە باز بووەتە خزمەتکاری لۆتسۆ بەوپێیەی ئاگای لەخۆی نماوە.

دواتر بۆیان دەرەکەوێت کە لۆتسۆ لە خیانەتکارێک زیاتر ھیچی تر نییە. ودی بە بازدان لە سەربانەوە توانیویەتی لە ئاژەڵێکی گەورە ھەڵبێت، بەڵام لە کۆتاییدا لەناو دارێکدا تێکەڵ دەبێت و لەلایەن کچێکی بچووکی شیرین کە کچی خاوەنی نەمامگەکە ھەڵدەگیرێت و لەگەڵ خۆی دەیباتەوە ماڵەوە. لە ماڵی کچە بچووکەکە، ودی دوای چەندین ساڵ چێژ لە یاریکردن لەگەڵ کچە بچووکەکە وەردەگرێت و یارییەکانی دەناسێت. ودی بە یارمەتی ھاوڕێ نوێیەکانی، ئامادەیە بگەڕێتەوە بۆ لای ئاندی کاتێک لێیانەوە فێر دەبێت کە باخچەی ساوایان جگە لە شوێنی خەم و زیندانیکردن ھیچی تر نییە. یەکێک لەوانە، چاکڵز، گاڵتەجاڕێکی یارییە، ڕاستییەکانی ڕابردووی لۆتسۆ و سەنیساید بۆ ودی ئاشکرا دەکات و دەڵێت: پێشتر ورچە پەمەیییەکە بەناوی لۆتسۆ، ھی کچێکی بچووک بوو، کاتێک بۆ گەشت لەگەڵ خێزانەکەیان چوونە دەرەوە، دوای ئەوەی کچەکە خەوی لێ دەکەوێت بۆیە لۆتسۆ بەجێدەمێنێت، لەوکاتەوە دەچێتە ئەو نەمامگەیە و سەرپەرشتی ئەوێ دەکات.

و باس ئەوەش دەکات کە لۆتسۆ پێش ئەوە گەڕایەوە ماڵەوە، بەڵام ورچێکی تریان بۆ کچەکە کڕی بوو. ئەم شتانە وای کرد کە لۆتسۆ لەوێ داگیرکاری بکات، بەم شێوەیە لەتۆسۆ لەگەڵ یارییەکانی تری باخچەی ساوایان یەکتر دەگرن و لۆتسۆ ھەموو یاسایەکی دەوێی داناوە، ئەوە بییەوێت بە شەوان لەوێ ھەڵبێت، ئەوا دەگرترێت و پاشان سزا دەدرێت، ھەروەھا کامێرای چاودێریش داندراوە کە مەیموونێکی لێیە و سەیری کامێراکان دەکات تا شتێکی گەماناوی ببینێت و ڕاستەوخۆ ئاگاداریان بکاتەوە. ودی کە بەھۆی ئەوەی دۆزیویەتییەوە تووشی شۆک دەبێت، دواتر دەگەڕێتەوە بۆ سەنیساید (نەمامگەکە) بە بردنی لەلایەن بۆنییەوە (کچە بچووکەکە) بۆ ئەوەی یارمەتی ھاوڕێکانی بدات لە پەناگەکە ھەڵبێن: بە پلانێکی داھێنەرانە مەیموونەکە تێک دەشکێنن و باز لۆتسۆ تێک دەشکێنێت. بەڵام لە ھەوڵێکدا بۆ گەڕاندنەوەی باز بۆ ئەوەی کە لە سەرەتادا چۆن بووە، یارییەکان بە ھەڵە وایان لێکرد کە بە ئیسپانی قسە بکات. پاشان گرووپەکە پلانێکی داھێنەرانە جێبەجێ دەکات بۆ ھەڵھاتن لە نەمامگە لە ڕێگەی زبڵدانەکەوە، بەڵام لەلایەن لۆتسۆوە ڕێگریان لێ دەکرێت.

ودی دەست دەکات بە مشتومڕێکی زۆر لەگەڵ لۆتسۆی ورچ تا بابەتی ڕاستەقینەی خۆی و خاوەنەکەی ڕوون بکاتەوە و بیھێێتەوە سەر ڕێگا ڕاستەکە؛ بەڵام لۆتسۆ ڕازی نابێت، یەکێک لە ھاورێکانی لۆتسۆ، وا دەکات لۆتسۆ بکەوێتە ناو لۆرییەکی زبڵدانەوە، پاشان لۆتسۆ ودیش ڕادەکێشێت بۆ ناو لۆرییەکە، ھاوڕێکانی ودی ناچارن ئەوانیش خۆیان ھەڵبدەنە ناو لۆرییەکەوە، سەرکێشییەکە لێرەوە بەردەوام دەبێت تا ئەوکاتەی لۆتسۆی خراپکار شکست دەھێنێت و پاشان ودی ھاورێکانی بەسەرکەوتووی دەگەڕێنەوە لای ئاندی، بەڵام ئاندی ئەوان دەبات بۆ ماڵی خزمێکیان تا لەوێ بیانھێڵێتەوە. لەوێدا بووکەڵەکان لەگەڵ بووکەڵەی ماڵەکەی تر یەکتر دەگرن و دەبنە ھاوڕێ.

کەسایەتییەکان[دەستکاری]

کریستن شال و جێف گارلین، وەک ڕۆڵی دەنگیی دوو کەسایەتیی نێو ئەنیمەیشنەکە بەشداریان کرد.[٦]
  • وودی: بووکەڵەیەکی پۆلیسی مانگاوان. یارییە دڵخوازەکەی ئاندییە و بەھۆی ئەمەوە پێگەیەکی تایبەتی لەسەر جێگاکەی ھەیە، بەم شێوەیە ڕۆڵی پێشەنگی ھەموو یارییەکان (سەرکردە) بەدەست دەھێنێت.
  • باز ڵایتیێر: شەڕکەرێکی ئەستێرەگەڕە. یارییەکی پلاستیکی نوێیە و دەنگێکی ئەلیکترۆنی و باڵ و لەیزەری ھەیە. باز دیاری ڕۆژی لەدایکبوونی ئاندییە و لەو کاتەوە دەبێتە یارییە دڵخوازەکەی، ئەمەش ودی لەو ڕۆڵە ئاوارە دەکات کە ساڵانێکە بەدەستی ھێناوە؛ بەڵام لە ماوەی سێ ئەڵقەدا ئەو دووانە دەبنە ھاوڕێ. باز عاشقی جێسی دەبێت.
  • جێسی: ئەو کچە مانگاوانێکە، بەشێکە لە ھەمان ھێڵ لەگەڵ وودی. لە ڕاستیدا ھەردووکیان لە بەرنامەی تەلەڤیزیۆنی بەناوبانگی ساڵانی ١٩٥٠دا بەکارھێنرابوون کە ناوی ودی ڕاوند ئاپ بوو. ئەو تووشی نەخۆشی کلۆسترۆفۆبیا بووە، بەھۆی ئەوەی کە ماوەیەکی زۆر لەمەوبەر لەلایەن ئێمیلی خاوەنەکەی پێشوویەوە وازی لێ ھێنراوە. ھەروەھا جێسیش عاشقی بازە.
  • بەڕێز پووتەیتۆ: لەسەر بنەمای بووکەشووشەی ھاسبرۆ بە ھەمان ناو دروست کراوە، سەرێکی شێوە پەتاتە کە دەتوانرێت ھەموو پێکھاتەکانی دەموچاو (چاو، لووت، گوێ)ی لێ جیابکرێنەوە. لەگەڵ ئەو، خاتوو پووەتەیتۆ ھاوسەرەکەی کە لەم ئەڵقەیەدا بەردەوام بەدوای چاوە ونبووەکەیدا دەگەڕێت، بەھۆیەوە ئەو چاوە ونبوویەیەوە یارییەکان بۆیان دەردەکەوێت کە ئاندی بەنیازی فڕێدانی ئەوان نەبووە و ودی ڕاستییەکانی وتووە.
  • باربی: یەکێکە لە کچە بووکەشووشەکان کە لەگەڵ وودی و ئەواندایە. سەرەتا لە باخچەی ساوایەنەکە بوو، بەڵام دواتر لەگەڵ ودی و ئەوان دەگەڕێتەوە.
  • کێن: خۆشەویست و ھاوڕێی باربییە. ھەروەھا ڕێبەری باخچەی ساوایانە بۆ ودی و ھاوڕێکانی. سەرەتا ھاوبەشی لۆتسۆیە، کێن عاشقی باربی دەبێت و ئەو دووانە جێگەی لۆتسۆ دەگرن لە بەڕێوەبردنی سەنیساید، ئەمەش دەبێتە بەھەشتێکی ڕاستەقینە بۆ یارییەکان.
  • لۆتسۆ (ورچی پەمەیی): بە سادەیی بە لۆتسۆ ناسراوە، ورچێکی پەمەیییە کە پێشەنگی یارییەکانی سەنیسایدە. لۆتسۆ لەگەڵ بووکە شووشەی بیمبۆ و گاڵتەجاڕی خەمناک چاکڵز، ھی کچێکی بچووک بوون بە ناوی دەیزێ، کە لە لادێی کراوەدا لە کاتی گەشتێکی دەرەوەی شاردا لەبیر دەکرێن. ئەو سێ کەسە توانیان بگەڕێنەوە ماڵەوە، بەڵام بۆیان دەرکەوت کە دایک و باوکی کچەکە نموونەیەکی دیکەی ھەمان بووکەشووشەی لە شوێنی لۆتسۆ گۆڕیوە. ورچە دڵتەنگەکە بیمبۆ و چاکڵزی قەناعەت پێکرد کە کچە بچووکەکەش جێگەی ئەوانیشی بەھەمان شێوەی خۆی گرتووەتەوە و پێکەوە گەیشتنە سەنیساید (باخچەکە). لەوێ لۆتسۆ دەبێت. سەرکردە بە تێپەڕبوونی کات، ھەروەھا دەبێتە سەرکردەیەکی خیانەتکار و خراپکار و ھەموو یاسا و ڕێسایەک لە باخچەکە بۆ بووکەڵەکان دادەنێت و دەسەڵات دەگرێتە دەست و بەرامبەر ودی و ئەوان لە فیلمەکە دەوەستێتەوە.[٧]
  • بۆنی: ئەو کچە بچووکەیە کە خاوەنی چەند بووکەشووشەیەکە. کچە بچووکەکە یارییەکانی ئاندی وەک دیاری وەردەگرێت.[٨]

بەرھەمھێنان[دەستکاری]

شێوازی ھونەری بانگەشەکردنی کۆمپانیای سێرکڵ سێڤن بۆ چیرۆکی کایەکلێ ٣

بەپێی مەرجەکانی گرێبەستی سەرەتاییی ئەنیمەیشن پیکسار ستۆدیۆ کە حەوت فیلمی لەگەڵ کۆمپانیای واڵت دیزنی دروست کردبوو، ھەموو ئەو کەسایەتییانەی کە پیکسار بۆ فیلمەکانی دروستیان کردبوو، خاوەندارێتی و کۆنترۆڵی دیزنی بوون.[٩] سەرەڕای ئەوەش، دیزنی خاوەنی مافی دروستکردنی بەدواداچوون (پاشکۆ) بۆ ھەموو فیلمەکانی پیکسار بوو تا فیلمی ئۆتۆمۆبیلەکان، ھەرچەندە پیکسار مافی یەکەم ڕەتکردنەوەی کارکردن لەسەر ئەم بەدواداچوونانەی پاراست.[١٠] لە ساڵی ٢٠٠٤، کاتێک دانوستانە مشتومڕاوییەکانی نێوان ھەردوو کۆمپانیاکە وای کرد کە ئەگەری جیابوونەوە ھەبێت، مایکڵ ئایزنەر، سەرۆکی دیزنی لەو کاتەدا، پلانەکانی بۆ بەرھەمھێنانی چیرۆکی کایەکلێ ٣ لە ستۆدیۆیەکی نوێی دیزنی بەناوی سێرکڵ سێڤن ئەنیمەیشن خستە جووڵە.[١١] تیم ئاڵن، دەنگی کەسایەتی باز ڵایتیێر، ئاماژەی بە ئامادەیی خۆی کرد بۆ گەڕانەوە، تەنانەت ئەگەر پیکسار لەناو ئەو بەشەشدا نەبێت. فیلمەکە بڕیار بوو لە بەھاری ساڵی ٢٠٠٨ لە شانۆدا نمایش بکرێت.[١٢]

برادڵی ڕیمۆند کە پێشتر دەرھێنەری دیزنی بوو بۆ بەدواداچوونی ڕاستەوخۆی وەک فیلمەکانی ھەنچ پاک ئۆف نۆترێ و شێرە پاشاکە، بۆ دەرھێنانی فیلمەکە بەکرێ گیرا. لەنێو ئەو سیناریۆیانەی کە سێرکڵ سێڤن دەبووایە بیگرێتە بەر، یەکێک لە سیناریۆنووسانی فیلمی تیچەرز پێت، بیڵ و چێری شتاینکێلنەر ھەڵبژێردران بۆ نووسینی سیناریۆی فیلمەکە. بیرۆکەی ئەوان بۆ فیلمەکە ئەوەبوو کە ئاندی و یارییەکانی (وودی، باز، ھام، ڕێکس، سلینکی، بەڕێز پووەتەیتۆ) کۆمەڵێک یاری ئاندی و کارەکتەرە نوێیەکانی تریش ھەوڵدەدەن نھێنییەک بدۆزنەوە، بەڵام ھەر زوو ڕەتکرایەوە ئەم سیناریۆیە، ھەروەھا دیزنی ئەوەندە سەرسام بوو بە سیناریۆکە کە ئەم وەشانەی بۆ قۆناغی چوارەمی فیلمەکە، وتی ڕەنگە لەبەرچاوبگیرێ.[١٣][١٤]

کۆتا وەشانی سیناریۆی سێرکڵ سێڤن لەلایەن سیناریۆنووسی فیلمی «چاوپێکەوتنی دایک و باوک» جیم ھێرزفێڵدەوە نووسراوە. لە مانگی یەکی ساڵی ٢٠٠٦ کۆمپانیای دیزنی پیکساری کڕی لە گرێبەستێکدا کە سەرۆکی کۆمپانیای پیکسار ئیدوین کاتمۆڵ و جۆن لاسیتەری خستە بەرپرسیارێتی سەرجەم ئەنیمەیشنەکانی دیزنی. دوای ماوەیەکی کەم، سێرکڵ سێڤن ئەنیمەیشن داخرا و وەشانی جێگرەوەی فیلمی چیرۆکی کایەکلێ ٣ ھەڵوەشایەوە. مانگی دواتر ڕۆبێرت ئیگەر بەڕێوەبەری جێبەجێکاری کۆمپانیای دیزنی پشتڕاستی کردەوە کە کۆمپانیای دیزنی لە پرۆسەی گواستنەوەی بەرھەمەکەیدایە بۆ کۆمپانیای پیکسار.[١٥] کەسانی متمانە پێکراو و چیرۆک داڕێژەر کە جۆن لاسیتەر، ئەندرۆ ستانتۆن، پیت دکتۆر و لی ئونکریچ لەخۆدەگرێت، بیرۆکەی تایبەتی خۆیان ھەبوو بۆ بەدواداچوونێک کە ساڵانێک بوو ھەڵیان گرتبوو. لە ڕۆژی یەکەمدا نەیانتوانی ھیچ شتێک بکەن، پێویست بوو ئەمان دووبارە سەیری بەشی یەکەم و دووەم بکەنەوە بۆ ئەوەی بیرۆکە و چیرۆکی جیاوازیان بۆ بێت.[١٦]

بڵاوکردنەوە[دەستکاری]

شانۆیی[دەستکاری]

فیلمی چیرۆکی کایەکلێ ٣لە ١٢ی حوزەیرانی ٢٠١٠ بۆ یەکەمجار لە سەرانسەری جیھاندا نمایشکرا و لە فێستیڤاڵی فیلمی توارمینا لە ئیتاڵیا کرایەوە.[١٧] لە ئەمریکا بۆ یەکەمجار لە ١٣ی حوزەیرانی ٢٠١٠ لە شانۆی ئێل کاپیتان لە ھۆڵیوود لە ویلایەتی کالیفۆرنیا نمایشکرا.[١٨] ھەروەھا ئێل کاپیتان لە ١٧ی حوزەیرانی ٢٠١٠ میوانداری ماراسۆنی چیرۆکی کایەکلێی کرد، کە بۆ یەکەمجار ھەر سێ فیلمەکەی چیرۆکی کایەکلێ پێکەوە نمایشکرا.[١٩] فیلمەکە لە ١٨ی حوزەیرانی ٢٠١٠ لەگەڵ نمایشکردنی بۆ سینەماکانی ئایماکس تری دی کەوتە نمایشی بەرفراوان.[٢٠]

بەبازاڕکردن[دەستکاری]

جوان کوساک کە ڕۆڵی دەنگی جێسی لە فیلمە ئەنیمەیشنەکەدا دەبینێت

یەکەم تیزەر ترەیلەری فیلمەکە لەگەڵ فیلمی سەرەوەی دیزنی دیجیتاڵ تری دی لە ٢٩ی ئایاری ٢٠٠٩ بڵاوکرایەوە.[٢١] لە ٢ی تشرینی یەکەمی ٢٠٠٩ فیلمی چیرۆکی کایەکلێ و چیرۆکی کایەکلێ ٢ وەک دوو فیلمی دیزنی دیجیتاڵ تری دی بڵاوکرانەوە.[٢٢] یەکەم ترەیلەری تەواو وەکو ڕوانگەیەکی تایبەتی دزێو و یەکەم گرتە ڤیدیۆیی ھەردوو دوو فیلمی چیرۆکی کایەکلێ لە ١٢ی تشرینی یەکەمی ٢٠٠٩ ھاوپێچ کرا.[٢٣] تیزەری دووەم لە ١٠ی شوباتی ٢٠١٠ بڵاوکرایەوە، دواتر دووەم ترەیلەری تەواو لە ١١ی شوباتدا بڵاوکرایەوە، و لە نمایشە سێ ڕەھەندییەکانی «ئەلیس لە وڵاتی سەرسووڕھێنەر» و «چۆن ئەژدیھاکەت ڕابھێنیت» دەرکەوت.[٢٤] لە ٢٣ی ئازاری ٢٠١٠، فیلمی چیرۆکی کایەکلێ و چیرۆکی کایەکلێ ٢ بە جیا لەسەر پاکەتەکانی کۆمبۆی بلو ڕای و دی ڤی دی بڵاوکرانەوە.[٢٥][٢٦]

کۆمپانیای ماتێل و تینکوای تۆیز و لیگۆ لەو کۆمپانیایانەن کە کایەکلێیان بەرھەمھێناوە بۆ بەکارھێنانیان لە فیلمەکە.[٢٧][٢٨] ھەروەھا ستۆدیۆی دیزنی ئینتەرەکتیڤ یارییەکی ڤیدیۆیی بەرھەمھێنا لەسەر بنەمای فیلمەکە بەناوی چیرۆکی کایەکلێ ٣ کە لە ١٥ی حوزەیرانی ٢٠١٠ بۆ مایکرۆسۆفت ویندۆز، ئێکس بۆکس ٣٦٠، وی، پلەیستەیشن ٣، نینتێندۆ دی ئێس و پی ئێس پی بڵاوکرایەوە.[٢٩] وەشانی پلەیستەیشن ٢ لە ٣٠ی تشرینی یەکەمی ٢٠١٠، وەک بەشێک لە باندڵی پی ئێس ٢ و بە جیا لە ٢ی تشرینی دووەمی ٢٠١٠ (ھەمان ڕۆژ کە فیلمی چیرۆکی کایەکلێ ٣ لەسەر دی ڤی دی و بلوی ڕای دەرچوو) بڵاوکرایەوە. ھەروەھا دوا یاری دیزنی/پیکسار بوو کە بۆ پلەیستەیشن ٢ بڵاوکرایەوە.[٣٠]

پێشوازی[دەستکاری]

بۆکس ئۆفیس[دەستکاری]

فیلمی چیرۆکی کایەکلێ ٣ لە ئەمریکا و کەنەدا ٤١٥ ملیۆن دۆلار و لە وڵاتانی دیکە ٦٥٢ ملیۆن دۆلاری بەدەستھێناوە بە کۆی گشتی ١٫٠٦٧ ملیار دۆلار لە سەرانسەری جیھاندا، بووەتە زۆرترین داھاتی فیلمی ئەنیمەیشنی لە ھەموو سەردەمێکدا (تا ئەو کاتەی کە لەلایەن بەستوو ٢٠١٣ لە ساڵی ٢٠١٤ تێپەڕیوە) و زۆرترین داھاتی فیلمە لە ساڵی ٢٠١٠.[٣١][٣٢] لە یەکەم کۆتایی ھەفتەیدا، فیلمی چیرۆکی کایەکلێ ٣ بە ١٤٥٫٣ ملیۆن دۆلار (١٥٣٫٧ ملیۆن دۆلار لەگەڵ پێشبینییەکانی ڕۆژانی ھەفتە) پێشەنگی بۆکس ئۆفیسەکانی جیھان بوو، کە نۆیەمین گەورەترین کۆتایی ھەفتەی کردنەوەیە لە سەرانسەری جیھاندا بۆ فیلمێکی ئەنیمەیشن.[٣٣] لە ٢٧ی ئابی ٢٠١٠ – حەفتا و یەکەمین ڕۆژی بڵاوبوونەوەی، یەک ملیار دۆلاری تێپەڕاند، بووە سێیەم فیلمی دیزنی، دووەم فیلمی دابەشکردنی دیزنی لە ساڵی ٢٠١٠ (دوای ئەلیس لە وڵاتی سەرسووڕھێنەر)، یەکەم فیلمی ئەنیمەیشن و حەوتەم فیلم لە مێژووی سینەمادا بۆ ئەوەی ئەو داھاتەی ھەبێت.

ئەمریکا و کەنەدا[دەستکاری]

لە ئەمریکای باکوور، بۆکس ئۆفیس مۆجۆ مەزەندە دەکات کە فیلمەکە زیاتر لە ٥٢ ملیۆن بلیتی لە ئەمریکا فرۆشراوە.[٣٤] فیلمی چیرۆکی کایەکلێ ٣ لە ڕۆژی کردنەوەیدا (١٨ی حوزەیرانی ٢٠١٠) ٤١٫١ ملیۆن دۆلاری لە ٤٠٢٨ سینەمادا بەدەستھێنا، لەنێویاندا ٤ ملیۆن دۆلاری لە نمایشەکانی نیوەشەودا لە نزیکەی ١٥٠٠ سینەمادا بەدەستھێنا، ئەمەش ژمارەیەکی پێوانەیی لە ڕۆژی کردنەوەی فیلمی ئەنیمەیشندا تۆمارکرد، دواتر لەلایەن ئەنیمەیشنی مینیۆنس و پاشان لەلایەن دۆزینەوەی دۆری تێپەڕدرا.[٣٥][٣٦][٣٧]

لە کۆتایی ھەفتەی یەکەمی فیلمەکەدا، فیلمەکە بە بڕی ١١٠٫٣ ملیۆن دۆلار پلەی یەکەمی بۆکس ئۆفیسەکانی بەدەستھێنا،[٣٨] و لە کۆتایی ھەفتەی یەکەمدا ژمارەیەکی پێوانەیی لە نێوان فیلمەکانی پیکسار بەدەستھێنا. دواتر لەلایەن دۆزینەوەی دۆری تێپەڕدرا،[٣٩] و لە فیلمەکانی مانگی حوزەیرانیش، لەلایەن پیاوی پۆڵا و جیھانی جوراسی تێپەڕێندرا.[٤٠] ھەروەھا فیلمەکە دووەم گەورەترین کۆتایی ھەفتەی کردنەوەی لە نێوان فیلمە ئەنیمەیشنەکاندا و چوارەم گەورەترین کۆتایی ھەفتەی کردنەوەی لە نێوان فیلمەکانی ساڵی ٢٠١٠دا بەدەستھێنا.[٤١][٤٢] تێکڕای داھاتەکەی کە ٢٧ ھەزار و ٣٨٥ دۆلارە بۆ ھەر شوێنێک، دووەم بەرزترینە بۆ فیلمێکی ڕیزبەندی-جی و سێیەم بەرزترینە بۆ فیلمێکی ئەنیمەیشنی. داھاتی ھەفتەی یەکەمی فیلمەکەی (ھەینی تا پێنجشەممە) کە ١٦٧٫٦ ملیۆن دۆلارە، دووەم گەورەترین فیلمە لەنێو فیلمە ئەنیمەیشنەکاندا، دووەم گەورەترینە لەنێو فیلمەکانی ساڵی ٢٠١٠ و ٢٣ھەمین گەورەترین فیلمە لە ھەموو کاتێکدا.[٤٣][٤٤] ھەروەھا گەورەترین داھاتی ١٠ ڕۆژەی لە نێوان فیلمەکانی ساڵی ٢٠١٠دا بەدەستھێنا. بۆ دوو کۆتایی ھەفتە لەسەریەک پلەی یەکەمی بۆکس ئۆفیسەکانی بەدەستھێنا.[٤٥]

سەرچاوەکان[دەستکاری]

  1. ^ ئ ا ب "Toy Story 3". Box Office Mojo. IMDb. Retrieved January 24, 2021.
  2. ^ Scott, Mike (May 18, 2010). "The Pixar way: With 'Toy Story 3' continuing the studio's success, one must ask: How do they do it?". The Times-Picayune. NOLA.com. Archived from the original on October 18, 2012. Retrieved June 18, 2010. ٢٢ی نیسانی ٢٠١٩ لە وەیبەک مەشین، ئەرشیڤ کراوە.
  3. ^ "Dolby Unveils Dolby Surround 7.1 at ShoWest 2010". MarketWatch. Archived from the original on February 24, 2021. Retrieved March 16, 2010. ٢٤ی شوباتی ٢٠٢١ لە وەیبەک مەشین، ئەرشیڤ کراوە.
  4. ^ Sperling, Nicole (August 13, 2010). "Toy Story 3 becomes highest-grossing animated flick of all time". Entertainment Weekly. Archived from the original on August 15, 2017. Retrieved December 24, 2022.
  5. ^ Subers, Ray (August 29, 2010). "'Toy Story 3' Reaches $1 Billion". Box Office Mojo. Archived from the original on April 4, 2019. Retrieved August 30, 2010. ٤ی نیسانی ٢٠١٩ لە وەیبەک مەشین، ئەرشیڤ کراوە.
  6. ^ Goldman, Eric (April 3, 2010). "WC 10: Toy Story 3 Scenes Shown". IGN. Archived from the original on November 6, 2018. Retrieved February 16, 2014. ٦ی تشرینی دووەمی ٢٠١٨ لە وەیبەک مەشین، ئەرشیڤ کراوە.
  7. ^ Viedor, Neil (July 23, 2021). "Ned Beatty, Actor Known for 'Network' and 'Deliverance,' Dies at 83". The New York Times. Archived from the original on June 14, 2021. Retrieved May 13, 2024. ١٤ی حوزەیرانی ٢٠٢١ لە وەیبەک مەشین، ئەرشیڤ کراوە.
  8. ^ Bierly, Mandi (June 18, 2010). "'Toy Story 3': Q&A with the voice of Andy, John Morris". Entertainment Weekly. Archived from the original on December 8, 2020. Retrieved May 13, 2024.
  9. ^ Cosgrov, Bootie (January 29, 2004). "Pixar To Disney: Adios, Mouse". CBS News. Archived from the original on February 22, 2014. Retrieved February 16, 2014. ٢٢ی شوباتی ٢٠١٤ لە وەیبەک مەشین، ئەرشیڤ کراوە.
  10. ^ Isidore, Chris (January 30, 2004). "Disney could gain from Pixar loss". CNN. Archived from the original on April 10, 2004. Retrieved February 16, 2014. While technically Pixar has the rights of first refusal on all sequels, it would have to again give Disney the lion's share of the profits from those films. ١٠ی نیسانی ٢٠٠٤ لە وەیبەک مەشین، ئەرشیڤ کراوە.
  11. ^ Daly, Steve (June 16, 2006). "Woody: The Untold Story". Entertainment Weekly. No. 883. Archived from the original on February 4, 2010. Retrieved August 28, 2010.
  12. ^ Eller, Claudia; Verrier, Richard (March 16, 2005). "Disney Plans Life After Pixar With Sequel Unit". Los Angeles Times. Archived from the original on April 23, 2019. Retrieved June 19, 2018. ٢٣ی نیسانی ٢٠١٩ لە وەیبەک مەشین، ئەرشیڤ کراوە.
  13. ^ Sampson, Mike (June 21, 2010). "A Look at the Toy Story 3 You Didn't See..." JoBlo.com. Archived from the original on March 10, 2012. Retrieved October 21, 2018. ١٠ی ئازاری ٢٠١٢ لە وەیبەک مەشین، ئەرشیڤ کراوە.
  14. ^ "Disney Circle 7 Animation (partially found production material of cancelled direct-to-video sequels; 2004-2006)". Lost Media Wiki. September 5, 2019. Archived from the original on December 25, 2019. Retrieved September 20, 2019. ٢٥ی کانوونی یەکەمی ٢٠١٩ لە وەیبەک مەشین، ئەرشیڤ کراوە.
  15. ^ Goldsmith, Jill (February 6, 2006). "Mouse signing off". Variety. Archived from the original on March 16, 2016. Retrieved August 28, 2010. ١٦ی ئازاری ٢٠١٦ لە وەیبەک مەشین، ئەرشیڤ کراوە.
  16. ^ M. Holson, Laura (January 25, 2006). "Disney Agrees to Acquire Pixar in a $7.4 Billion Deal". The New York Times. Archived from the original on July 21, 2016. Retrieved February 16, 2014. ٢١ی تەممووزی ٢٠١٦ لە وەیبەک مەشین، ئەرشیڤ کراوە.
  17. ^ J. Lyman, Eric (May 24, 2010). "Toy Story 3 to open Taormina Film Fest". The Hollywood Reporter. Archived from the original on September 14, 2021. Retrieved December 24, 2022. ١٤ی ئەیلوولی ٢٠٢١ لە وەیبەک مەشین، ئەرشیڤ کراوە.
  18. ^ Goodman, Dean (June 20, 2010). ""Toy Story 3" sets worldwide box office abuzz". Reuters. Archived from the original on March 10, 2016. Retrieved February 16, 2014. ١٠ی ئازاری ٢٠١٦ لە وەیبەک مەشین، ئەرشیڤ کراوە.
  19. ^ Walt Disney Studios Motion Pictures (June 1, 2010). ""Toy Story" Takes over Hollywood Theater" (Press release). Business Wire. Archived from the original on February 16, 2017. Retrieved February 16, 2014.
  20. ^ Hayes, Dade; Fritz, Ben (April 8, 2008). "Disney unveils animation slate". Variety. Archived from the original on December 25, 2015. Retrieved December 24, 2022. ٢٥ی کانوونی یەکەمی ٢٠١٥ لە وەیبەک مەشین، ئەرشیڤ کراوە.
  21. ^ "Toy Story 3 Teaser Trailer Description". /Film. May 25, 2009. Archived from the original on May 28, 2009. Retrieved May 25, 2009. ٢٨ی ئایاری ٢٠٠٩ لە وەیبەک مەشین، ئەرشیڤ کراوە.
  22. ^ "Disney Set to Debut Special Limited Engagement, Double Feature, of Disney-Pixar's 'Toy Story' and 'Toy Story 2' Exclusively in Disney Digital 3D on October 2nd" (Press release). PR Newswire. March 31, 2009. Archived from the original on February 1, 2014. Retrieved January 25, 2014.
  23. ^ "Toy Story 3 Trailer Now Officially Online!". ComingSoon.net. October 12, 2009. Archived from the original on February 1, 2014. Retrieved January 23, 2014. ١ی شوباتی ٢٠١٤ لە وەیبەک مەشین، ئەرشیڤ کراوە.
  24. ^ "The Full New Toy Story 3 Trailer!". ComingSoon.net. February 11, 2010. Archived from the original on February 1, 2014. Retrieved January 23, 2014. ١ی شوباتی ٢٠١٤ لە وەیبەک مەشین، ئەرشیڤ کراوە.
  25. ^ "Toy Story 3 Blu-ray". Blu-ray.com. Archived from the original on August 4, 2018. Retrieved January 23, 2014. ٤ی ئابی ٢٠١٨ لە وەیبەک مەشین، ئەرشیڤ کراوە.
  26. ^ "Toy Story 2 3D Blu-ray". Blu-ray.com. Archived from the original on March 27, 2019. Retrieved January 23, 2014. ٢٧ی ئازاری ٢٠١٩ لە وەیبەک مەشین، ئەرشیڤ کراوە.
  27. ^ "NYCC 2009 – Mattel Presents Toy Story". Toy News International. February 6, 2009. Archived from the original on July 23, 2011. Retrieved February 15, 2009. ٢٣ی تەممووزی ٢٠١١ لە وەیبەک مەشین، ئەرشیڤ کراوە.
  28. ^ "Disney and LEGO Group Announce Strategic Licensing Relationship". PR Newswire. February 15, 2009. Archived from the original on February 18, 2009. Retrieved February 15, 2009. ١٨ی شوباتی ٢٠٠٩ لە وەیبەک مەشین، ئەرشیڤ کراوە.
  29. ^ Wilcox, Jon (February 20, 2008). "Disney Goes Internal For Toy Story 3". Total Video Games. Archived from the original on December 3, 2013. Retrieved August 14, 2009. ٢٧ی ئەیلوولی ٢٠٠٩ لە وەیبەک مەشین، ئەرشیڤ کراوە.
  30. ^ "Toy Story 3 The Video Game – PlayStation 2: Video Games". Amazon. Archived from the original on March 4, 2016. Retrieved January 23, 2014. ٤ی ئازاری ٢٠١٦ لە وەیبەک مەشین، ئەرشیڤ کراوە.
  31. ^ McClintock, Pamela (March 30, 2014). "Box Office Milestone: Frozen Becomes No. 1 Animated Film of All Time". The Hollywood Reporter. Archived from the original on June 15, 2021. Retrieved December 25, 2022. ١٥ی حوزەیرانی ٢٠٢١ لە وەیبەک مەشین، ئەرشیڤ کراوە.
  32. ^ "2010 Worldwide Box Office". Box Office Mojo. Archived from the original on May 20, 2020. Retrieved August 10, 2023. ٢٠ی ئایاری ٢٠٢٠ لە وەیبەک مەشین، ئەرشیڤ کراوە.
  33. ^ "All time worldwide opening records at box office". Box Office Mojo. Archived from the original on June 23, 2011. Retrieved February 16, 2014. ٢٣ی حوزەیرانی ٢٠١١ لە وەیبەک مەشین، ئەرشیڤ کراوە.
  34. ^ "Toy Story 3 (2010)". Box Office Mojo. Archived from the original on December 9, 2018. Retrieved May 31, 2016. ٩ی کانوونی یەکەمی ٢٠١٨ لە وەیبەک مەشین، ئەرشیڤ کراوە.
  35. ^ "Friday Report: 'Toy Story 3' Sets Toon Opening Day Record". Box Office Mojo. June 19, 2010. Archived from the original on October 1, 2018. Retrieved August 30, 2010. ١ی تشرینی یەکەمی ٢٠١٨ لە وەیبەک مەشین، ئەرشیڤ کراوە.
  36. ^ Scott Mendelson (July 11, 2015). "Box Office: 'Minions' Goes Bananas With Record $46M Friday". Forbes. Archived from the original on July 14, 2015. Retrieved August 11, 2016. ١٤ی تەممووزی ٢٠١٥ لە وەیبەک مەشین، ئەرشیڤ کراوە.
  37. ^ Scott Mendelson (June 18, 2016). "Pixar's 'Finding Dory' Finds Record-Crushing $55 Million Friday". Forbes. Archived from the original on December 27, 2020. Retrieved August 11, 2016. ٢٧ی کانوونی یەکەمی ٢٠٢٠ لە وەیبەک مەشین، ئەرشیڤ کراوە.
  38. ^ Bray, Brandon (June 21, 2010). "Weekend Report: Pixar Pounds Its 'Toy' Chest". Box Office Mojo. Archived from the original on April 22, 2012. Retrieved March 17, 2012. ٢٢ی نیسانی ٢٠١٢ لە وەیبەک مەشین، ئەرشیڤ کراوە.
  39. ^ ""Finding Dory" breaks record for opening of animated film". Associated Press. June 20, 2016. Archived from the original on July 7, 2018. Retrieved August 11, 2016. ٧ی تەممووزی ٢٠١٨ لە وەیبەک مەشین، ئەرشیڤ کراوە.
  40. ^ "Top June Opening Weekends at the Box Office". Archived from the original on October 20, 2013. Retrieved October 4, 2014. ٣٠ی ئابی ٢٠١٩ لە وەیبەک مەشین، ئەرشیڤ کراوە.
  41. ^ "Box office report: 'Man of Steel' scores super $125.1 million debut, breaks June record". Entertainment Weekly. June 16, 2013. Archived from the original on June 18, 2013. Retrieved June 16, 2013.
  42. ^ Anthony D'Alessandro and Anita Busch (June 15, 2015). "'Jurassic World' Domestic Record $208.8M Bow Lifts Industry – Box Office Final". Deadline Hollywood. (Penske Media Corporation). Archived from the original on June 15, 2015. Retrieved August 11, 2016. ١٥ی حوزەیرانی ٢٠١٥ لە وەیبەک مەشین، ئەرشیڤ کراوە.
  43. ^ "Biggest opening G rated movies at the box office". Box Office Mojo. Archived from the original on October 12, 2018. Retrieved February 16, 2014. ١٢ی تشرینی یەکەمی ٢٠١٨ لە وەیبەک مەشین، ئەرشیڤ کراوە.
  44. ^ "Top Opening Weekends by MPAA Rating". Box Office Mojo. Archived from the original on October 12, 2018. Retrieved August 7, 2019. ١٢ی تشرینی یەکەمی ٢٠١٨ لە وەیبەک مەشین، ئەرشیڤ کراوە.
  45. ^ "Animation movies opening weekends". Box Office Mojo. Archived from the original on January 23, 2014. Retrieved February 16, 2014. ٢٣ی کانوونی دووەمی ٢٠١٤ لە وەیبەک مەشین، ئەرشیڤ کراوە.

بەستەرە دەرەکییەکان[دەستکاری]