پەیوەندییەکانی ھەرێمی کوردستان و فەڕەنسا

فەڕەنسا‒ھەرێمی کوردستان

فەڕەنسا	ھەرێمی کوردستان

پەیوەندییەکانی فەڕەنسا و ھەرێمی کوردستان پەیوەندییە دووقۆڵییەکانی نێوان فەڕەنسا و ھەرێمی کوردستانە. فەڕەنسا کونسوڵخانەی گشتیی لە ھەولێر، پایتەختی ھەرێمی کوردستان ھەیە، ھەروەھا ھەرێمی کوردستانیش نوێنەرایەتی لە پاریسی پایتەختی فەڕەنسا ھەیە. پەیوەندییەکانی نێوان فەڕەنسا و ھەرێمی کوردستان لە سەردەمی سەرۆکایەتی فرانسوا میتێران (١٩٨١‒١٩٩٥) زۆر نزیک بووە، کاتێک دانیێل میتێران ھاوسەری ڕۆڵی سەرەکی بینی لە ھەڵمەتی ناوچەی دژە فڕین بەسەر ھەرێمی کوردستان لە ساڵی ١٩٩١. فەڕەنسا ھەژموونی سەربازی لە ھەرێمی کوردستان ھەیە.

مێژوو

میێتران (١٩٨١–١٩٩٥)

لە ساڵی ١٩٨٢ خانمی یەکەم، دانیێل میێتران ڕۆڵێکی کارای لە پێکھێنانی ئینستیتیوتی کوردیی پاریس بینی. لە ساڵی ١٩٨٢ یاسایەکی ڕێکخست کە ڕێگەیدەدا ھەزار پەنابەری کورد لەلایەن فەڕەنسا بە ڕەزامەندی سەرۆک و حکوومەت وەربگیرێن. ھەروەھا لە ساڵی ١٩٩١ سەردانی ھەرێمی کوردستانی کردووە، و سەردانی ئاوارەکانی کردووە لە سنووری ئێران و عێراق، و دووبارە لە مانگی تەممووزی ساڵی ١٩٩٢ بۆ چاودێری دامەزراندنی پەرلەمانی ھەرێمی کوردستان سەردانی شاری ھەولێری کردوە.

شیراک (١٩٩٥–٢٠١٢)

لە چاوپێکەوتنێکدا لەگەڵ ڕۆژنامەی لۆسێنتیل لە ساڵی ٢٠١٢، مەسعوود بارزانی، سەرۆکی ھەرێمی کوردستان ڕای گەیاند کە ھەرێمی کوردستان ھیچ پەیوەندییەکی ڕاستەوخۆی لەگەڵ سەرۆک شیراک، سەرۆکوەزیرانی فەڕەنسا نەبووە، بەڵام پەیوەندی لەگەڵ چەند وەزیرێک ھەبووە لەنێویاندا نیکۆلاس سارکۆزی وەزیری ناوخۆ.

لافیتەی بەخێرھاتنی سەرۆک ئیمانوێل ماکرۆن لەسەر قەڵای ھەولێر بۆ سەردانەکەی لە مانگی ئابی ٢٠٢١.

سارکۆزی (٢٠٠٧–٢٠١٢)

لە سەردەمی سەرۆکایەتی سارکۆزی، بە ئامادەبوونی بێرنار کوشنەر، وەزیری دەرەوەی فەڕەنسا، نووسینگەی باڵیۆزخانەی فەڕەنسا لە ھەولێر کرایەوە. کوشنەر لە ساڵی ٢٠١٠دا نزیکبوونەوەی سارکۆزی لە کورد بە بوژاندنەوەی پەیوەندییەکانیان وێنا کرد. ھەر لەو ساڵەدا مەسعوود بارزانی لەگەڵ نیکۆلاس سارکۆزی سەرۆککۆمار و بێرنارد کوشنەر وەزیری دەرەوە لە پاریس کۆبوونەوە، لەوێدا پڕۆتۆکۆلێکیان واژووکرد بۆ بەھێزکردنی پەیوەندییەکان لە بوارە جیاوازەکاندا، لەوانە بازرگانی و پەروەردە و ڕۆشنبیری.

ھۆڵاند (٢٠١٢–٢٠١٧)

مەسعوود بارزانی سەرۆکی ھەرێمی کوردستان، لە سێ بۆنەدا لەگەڵ فرانسوا ئۆلاند سەرۆکی فەڕەنسا لە پاریس کۆبووەوە؛ لە ساڵی ٢٠٢٤ و ٢٠١٥ و لە ٢٠١٦. ژان ئیڤ لۆدریان، وەزیری بەرگری فەڕەنسا لە ساڵی ٢٠١٦ دووجار لەگەڵ بەرپرسانی کورد کۆبووەوە، جارێک لە کۆنفرانسی ئاسایشی میونشن و جارێکیش لە ھەولێر.