فرانسوا ئۆلاند
 |
فرانسوا ئۆلاند | |
|---|---|
 | |
| لەدایکبوون | ١٢ەی ئابی ١٩٥٤ |
| پیشە | سکرتێری یەکەمی پارتی سوسیالیستی فەڕەنسا |
| ئایین | بێ باوەڕ |
| مناڵ(ەکان) | تۆماس، کلێمانمس، جوولیان، فلۆرا |
| وێبگە | http://francoishollande.fr/index.html |
| واژوو | |
 | |
فرانسوا ئۆلاند، لە ڕێکەوتی ١٢ ی ئابی ١٩٥٤، لە شاری ڕووئێن ی وڵاتی فەڕەنسا لە دایک بووە. لە ساڵی ١٩٩٧ تا ٢٠٠٨ سکرتێری یەکەمی پارتی سوسیالیستی فەڕەنسا بووە. لە ماوەی ساڵانی ١٩٨٨ تا ١٩٩٣ و لە ١٩٩٧ تا دواتر نوێنەری شاری کۆرێز بووە لە پەرلەمانی فەڕەنسا دا. لە ساڵی ٢٠٠١ تا ٢٠٠٨ شارەوانی شاری توول بووە.
لە ھەڵبژاردنەکانی ساڵی ٢٠١٢ ی فەرانسەدا لەلایەن پارتی سوسیالیست و پارتی ڕادیکاڵی چەپ ەوە کاندیدی پۆستی سەرۆککۆماری ئەو وڵاتە بوو و لە خۆلی دووھەمی ھەلبژاردنەکان (لە شەشی ئایاری ٢٠١٢)دا لە نیکۆلا سارکۆزی سەرۆککۆماری ڕاستڕەوی ئەو وڵاتەی بردەوە.
ژیاننامە
[دەستکاری]فرانسوا ژێرارد جۆرج نیکۆلا ئۆلاند کۆڕی بچووکی دوکتۆر جورج گۆستاڤ ئۆلاند و خاتوو نیکۆل فرێدریک مارگێریت تریبێرت ە. ناوبراو لە خۆێندنگەی بەڕێوەبەرایەتی نیشتمانی دا کە تایبەتە بەو کەسانەی کە دەچنە نێۆ کاروباری دەوڵەتی و فەرمییەوە خوێندویەتی. لە ١٩٧٠ دا لەگەڵ خاتوو سێگۆلێن ڕۆیاڵ دا ژیانی ھاوبەشی پێک ھێنا و بوون بە خاوەنی چوار منداڵ. لە ٢٠٠٧ دا لێک جیا بوونەوە.
ژیانی سیاسی
[دەستکاری]لە ١٩٧٤ دا بوو بە سەرۆکی سەندیکای خوێندکاران لە خوێندنگەی سیاسەت لە پاریس دا. دواتر چووە خوێندنگەی بەرزی بازرگانی لە پاریس و بوو بە سەرۆکی کومیتەی پشتگری لە فرانسوا میتێران.
لە ١٩٧٩ دا بووە بە ئەندامی پارتی سوسیالیستی فەڕەنسا.
سەرچاوەکان
[دەستکاری]- http://en.wikipedia.org/w/index.php?title=François_Hollande&oldid=467214107
- تلویزیۆنی فەرانسە ٢٤
- https://web.archive.org/web/20120507023840/http://francoishollande.fr/index.html
