پەرەپێدانی دوایینی ئێمە

ھەندێک لە گەشەپێدەرانی نۆتی دۆگ کە خەڵاتی کایەی ساڵ لە خەڵاتەکانی ھەڵبژاردەی گەشەپێدەرانی کایە وەردەگرن

نۆتی دۆگ لە ساڵی ٢٠٠٩ دەستی بە گەشەپێدانی دوایینی ئێمە کرد. سۆنی کۆمپیوتەر ئینتەرتەینمەنت کایە ئاکشن-سەرکێشییەکەی بۆ پلەیستەیشن ٣ لە ١٤ی حوزەیرانی ٢٠١٣ بڵاوکردەوە. گەشەپێدانە سێ-ساڵییەکە لەلایەن دەرھێنەری کایە برووس سترێلی و دەرھێنەری داھێنەر نیڵ درەکمانەوە سەرکردایەتی دەکرا. لەکایەکەدا، یاریزانان کۆنترۆڵی جۆڵ وەردەگرن، کە قاچاغچییەکی تەمەن-ناوەڕاستە و ئەرکی یاوەریکردنی کچێکی ١٤-ساڵانی بە ناوی ئێڵی پێ سپێردراوە بەناو ویلایەتە یەکگرتووەکانی دوای-کارەساتدا لە ھەوڵێکدا بۆ دروستکردنی چارەسەرێکی ئەگەری دژی ئەو ھەوکردنە جیھان-کۆتاییھێنەرەی کە ئێڵی لێی پارێزراوە. کایەکە کە ٢٠ ساڵ دوای ئەوەی پەتایەکە زۆربەی شارستانییەتی لەناوبردووە ڕوودەدات، لە ئەگەری تووشبوونی مرۆڤ بە قارچکی کۆردیسێپس دەکۆڵێتەوە.