محەممەد پێغەمبەری خودا (فیلم)

لە ئینسایکڵۆپیدیای ئازادی ویکیپیدیاوە
Jump to navigation Jump to search
محەممەد پێغەمبەری خودا
دەرھێنەرمەجید مەجیدی
بەرھەمھێنەرمحەممەد مەھدی
حەیدەرییان
محەممەد ڕەزا سابیری
نووسینمەجید مەجیدی
کەمبوزیا پەرتۆڤی
مۆسیقائەی ئار ڕەحمان
وێنەگری سینەماییڤیتۆریۆ ستۆرارۆ
دەستکاریڕۆبێرتۆ پرپینانی
ماوەی فیلم١٧١ خولەک
وڵاتئێران
زمانفارسی
عەرەبی
ئینگلیزی
تێچوون٤٠ میلیۆن دۆلاری ئەمریکی

محەممەد پێغەمبەری خودا (بە فارسی: محمد رسول‌الله‎) فیلمێکی ئێرانییە، لەلایەن مەجید مەجیدییەوە دەرھێنراوە و مەجیدی و کەمبوزیا پەرتۆڤی نوسیویانە، فیلمەکە باسی کاتی منداڵی پێغەبەری ئیسلام دەکات، بە گرانترین فیلمی مێژووی سینەمای ئێران دادەنرێت.[ژێدەر پێویستە]

بەرهەمهێنان[دەستکاری]

فیلمەکە کاری وێنەگرتنی لەلایەن ڤیکتۆریۆ ستۆریۆی ئیتاڵییەوە بۆ کراوە و مۆسیقاکەشی لەلایەن ڕاکا ڕەحمانی ھیندییەوە بۆ کراوە کە ھەردووکیان پاڵێوراوی خەڵاتی ئۆسکاربوون. شوێنی فیلمەکە لە شاری قومی ئێران بووە کە شارەکانی مەککە و دەوروبەری بە تایبەتمەندی ١٤٠٠ ساڵ پێش ئێستا بۆ دروستکراوە و دوای تەواوبوونی فیلمەکەش ھەمان شوێن بۆ فیلمی دیکەی مێژووی بەکار ھاتووە. فیلمەکە خاوەنی تێچووترین فیلمی مێژووی ئێرانییە و بەشێک لە فیلمەکە کە باس لە جەنگی فیل دەکات لە ئەفەریقای باشوور وێنەیگیراوە. فیلمەکە باس لە ژیانی پێغەمبەری ئیسلام دەکات تا ١٢ ساڵی، لەگەڵ ئەوەشدا بە شوێوەی فلاشباک باسی ٥٠ ساڵ پێش لە دایکبوونی محەممەد، پێغەمبەری ئیسلامیش دەکات. فیلمەکە لەلایەن بەشێک لە وڵاتانی عەرەبییەوە ڕەخنەی توندی لێگیراوە بە تۆمەتی ئەوەی بە ئاڕاستەی ئاینزای شیعەدا بابەتەکان شکاوەتەوە، بەڵام مەجیدی مەجیدی لە وەڵامی ئەو ڕەخنانەدا وتی "من نەک تەنھا سەرچاوەی شیعە بەڵکو لە زۆرینەی سەرچاوەکانی دیکە سودم وەرگرتووە و لە فیلمەکەشدا ئەوە ڕوونە". فیلمەکە بۆ براوەی ئۆسکاری ساڵی ٢٠١٦ ھەڵبژێردرا بەڵام دواتر لە لیستی فیلمەکاندا نەیتوانی پارێزگاری لە شوێنەکەی بکات.