عەلی حەمەساڵح
عەلی حەمەساڵح | |
|---|---|
 | |
| لەدایکبوون | ١٦ی نیسانی ١٩٨٤ |
| نیشتەجێی | ھەولێر |
| نەتەوە | کورد |
| پیشە | سیاسەتوان |
| حیزبی سیاسی |  بزووتنەوەی گۆڕان  ڕەوتی ھەڵوێستی نیشتیمانی (٢٠٢٤-ئێستا) |
| ئایین | ئیسلام |
| باوان |
|
عەلی حەمە ساڵح (لەدایکبووی ١٦ی نیسانی ١٩٨٤ لە دەربەندیخان لە ھەرێمی کوردستان) کەسایەتییەکی سیاسی و سەرۆکی ڕەوتی ھەڵوێستی نیشتیمانییە و لەوەتەی ھەڵبژاردنەکانی ئەیلوولی ٢٠١٣ی پەرلەمانی کوردستان، ئەندامی پەرلەمانی کوردستانە.[١] عەلی پێشتر بەھۆی بەرنامەیەکی تەلەڤیزیۆنی لە کەناڵی کەی ئێن ئێن بەناوی زمانی ژمارەکان لە باشووری کوردستان ناسرا،[٢] کە ئەمەش بووە ھۆکارێک بۆ ئەوەی لە ھەڵبژاردنەکانی پەرلەمانی ٢٠١٣ توانیی زۆرترین دەنگ لەناو کاندیدەکان بەدەست بھێنێت کە ١٣٩٬٧٦٧ دەنگ بوو.[٣] دوای ھەڵبژاردنەکانیش، بەرنامەیەکی بە ناوی ئێمە و ئەوان ھەر لە کەی ئێن ئێن پێشکەش کرد.[٤] لە ناوی پەلەمانی کوردستان، عەلی جێگری سەرۆکی لیژنەی دارایی و ئابووری و ئەندامی لیژنەی پیشەسازی و وزەیە.[١] وێڕای کارکردنی لە بابەتی دارایی و ئابووری، بەڵام خۆی ھەڵگری بڕوانامەی بەکالۆریۆسە لە زمانی کوردی. ھەر بەھۆی بەرنامە ئابوورییەکانی، بە حاسیبەی گۆڕان ناوی دەرکردووە.[ژێدەر پێویستە] بەر لەوەی ببێتە پەرلەمانتار، لە ناو بزووتنەوەی گۆڕان ڕێکخەری ژووری لێکۆڵینەوەی ئابووری بزووتنەوەی گۆڕان و ئەندامی جڤاتی نیشتمانی گۆڕان بوو. پێشتریش لە ڕۆژنامەی ڕووداو وەک ڕۆژنامەوان و ستووننووس کاری کردووە.
ڕەوتی ھەڵوێستی نیشتیمانی
[دەستکاری]عەلی دوای جیابوونەوە لە بزووتنەوەی گۆڕان، وەک کەسایەتییەکی سەربەخۆ لەسەر کارەکانی بەردەوام بوو و لە تۆڕە کۆمەڵایەتییەکان دژی دەسەڵاتدارانی ھەرێم وتار و بۆچوونەکانی بڵاو دەکردەوە. لە ١٩ی ئازاری ٢٠٢٤ بە مەبەستی بەشداریکردنی لە ھەڵبژاردنی خولی شەشەمی پەرلەمانی کوردستان، ڕەوتی ھەڵوێستی نیشتیمانیی دامەزراند. لە یەکەم کۆنگرەی حیزبەکە بە بڕیاردەری حبزبەکە دەستنیشان کرا.[٥]
سەرچاوەکان
[دەستکاری]- ^ ئ ا «وەشانی ئەرشیڤکراو». لە ڕەسەنەکە لە ١١ی ئازاری ٢٠١٦ ئەرشیڤ کراوە. لە ١٣ی تشرینی دووەمی ٢٠١٤ ھێنراوە.
- ^ «وەشانی ئەرشیڤکراو». لە ڕەسەنەکە لە ٦ی ئازاری ٢٠١٦ ئەرشیڤ کراوە. لە ٢١ی تەممووزی ٢٠١٧ ھێنراوە. ٦ی ئازاری ٢٠١٦ لە وەیبەک مەشین، ئەرشیڤ کراوە.
- ^ «وەشانی ئەرشیڤکراو». لە ڕەسەنەکە لە ١٨ی ئابی ٢٠١٤ ئەرشیڤ کراوە. لە ١٣ی تشرینی دووەمی ٢٠١٤ ھێنراوە. ١٨ی ئابی ٢٠١٤ لە وەیبەک مەشین، ئەرشیڤ کراوە.، ئەو کاندیدانەی زۆرترین دەنگیان ھێناوە، ماڵپەڕی ھاووڵاتی
- ^ «وەشانی ئەرشیڤکراو». لە ڕەسەنەکە لە ٢١ی تەممووزی ٢٠١٦ ئەرشیڤ کراوە. لە ٢١ی تەممووزی ٢٠١٧ ھێنراوە. ٢١ی تەممووزی ٢٠١٦ لە وەیبەک مەشین، ئەرشیڤ کراوە.، ئێمە و ئەوان
- ^ «عەلی حەمەساڵح بە کەسی یەکەمی ڕەوتی هەڵوێستی نیشتمانی هەڵبژێردرا». www.rudaw.net. لە ٢ی کانوونی یەکەمی ٢٠٢٤ ھێنراوە.
