دەروازە:زمانی کوردی/فەرهەنگەکانی زمانی کوردی
فەرهەنگەکانی زمانی کوردی ١
دەروازە:زمانی کوردی/فەرهەنگەکانی زمانی کوردی/١ فەرهەنگی خاڵ یەکەم فەرھەنگی کوردی بە کوردییە. بەرھەمی شێخ محەممەدی خاڵه و لە سێ بەرگ چاپ کراوە:
- بەرگی یەکەم ٣٣٨ لاپەڕە، سلێمانی، ١٩٦٠.
- بەرگی دووەەم، ٣٣٨ لاپەڕە، سلێمانی ١٩٦٤.
- بەرگی سێیەم، ٥١١ لاپەڕە، ١٩٧٦.
محەممەدی خاڵ بۆ نووسینی ئەم فەرھەنگە کەڵکی لە تەواوی فەرھەنگەکانی پێش خۆی وەرگرتووە و سەرچاوەیەکی باش بووە بۆ فەرھەنگەکانی دواتر.
فەرهەنگەکانی زمانی کوردی ٢
دەروازە:زمانی کوردی/فەرهەنگەکانی زمانی کوردی/٢ نەوبەھار یان نووبەھار یان نەوبەھاری بچوکەکان (Nûbihara Biçûkan) ناوی یەکەم فەرھەنگی کوردییە کە لە مانگی ئازاری ١٦٨٣ی زایینی بەرامبەر بە ساڵی ١٠٩٤ی کۆچی، لە لایەن شاعیر و نووسەری کورد ئەحمەدی خانییەوە نووسراوە. ئەم فەرھەنگە کوردی-عەرەبیە لەبەرگرەوەی نزیکەی ٦ ھەزار وشەیە و بە شێوەی قەسیدە و ھەر قەسیدەیەکیشی لەسەر کێشێکە. فەرھەنگی نەوبەھار فەرھەنگێکی عەرەبی-کوردییە و بۆ یەکەمجار لە لایەن «یوسف ضیاءالدین پاشا الخالدی المقدسی» لە پاشکۆی «الھدیة الحمیدیة فی الغة الکردیة»دا لە ١٨٩٢ لە ئەستەمبوڵ چاپ کراوە.
فەرهەنگەکانی زمانی کوردی ٣
دەروازە:زمانی کوردی/فەرهەنگەکانی زمانی کوردی/٣ فەرھەنگی مەردۆخ نووسراوی ئایەتوڵڵا مەردۆخی کوردستانییە و داگری سی ھەزار وشەی کوردی و ھەشتسەد پەندی پێشینیان و ڕێزمانی کوردییە کە بە فەرھەنگێکی پڕ بایەخی کورد دێتە ئەژمار.
فەرهەنگەکانی زمانی کوردی ٤
دەروازە:زمانی کوردی/فەرهەنگەکانی زمانی کوردی/٤ فەرھەنگی ھەنبانەبۆرینە فەرھەنگێکی کوردی بۆ کوردیی ناوەندی و فارسییە. ھۆنەر و نووسەری بەناوبانگی کورد ھەژار موکریانی ئامادەی کردووە و چەند کەسێکی تریش بەشدارییان تێدا کردووە. ڕزوان متەوەسل و ھادی موڕادی و ماجد ڕۆحانی و مەحموود موفتی و سەید ئەحمەد سەعادەتی ھاوکاریی نووسەریان کردووە. فەرھەنگەکە واتای ٥٧٨٨٨ وشەی گشت شێوەزارە کوردییەکانی لەخۆ گرتووە. فەرھەنگەکە ساڵی ١٩٩٠ لە تاران یەکەمین چاپی بە دوو بەرگ بڵاو کراوەتەوە. دواتر بە وەشانێکی یەک بەرگی و لە ١٠٣٥ لاپەڕە چەندین چاپی دیکەی لێ بڵاو کراوەتەوە. ڕێنووسی فەرھەنگەکە بە ئەلفبێی عەرەبیی کوردییە و ھەندێک لە ڕێنووسی یەکگرتووی ئێستای کوردی جیاوازە و لە پێشەکییەکەیدا ڕوون کراوەتەوە.